Deuteronomy 2:9 - Bible Ni Thothup

⁹ Me ga’ar SOMOL ngog, ‘Dab mu magawon niged e girdi’ nu Moab, ni pi’in owchen Lot, ara m’aged e mael ngorad. Kug pi’ fare binaw nu Ar ngorad, ma aram e dakriy bang u taferad ni nggu pi’ ngomed.’” (

Deuteronomy 2:9 Σταυροειδείς Αναφορές

2 Kronicles 20:10

“Ere chiney e girdi’ nu Ammon, ngu Moab, ngu Edom e ka ra m’aged e mael ngomad. Aram e pi binaw nda mpag e pi chitamngimad ngranod nga langgin u nap’an nrabad nga wuru’ yu Egypt, ere u ranod u wuru’ e pi binaw ney ni dar gathayed.

Psalms 83:8

Miki chagil yu Assyria ngorad; kar manged ngak e pi Ammonite nge Moabite, pi cha’ney e pi’in owchen Lot.

Isaiah 15:1

Irera’ e thin ni murung’agen yu Moab. Binaw nu Ar ngu Kir e nni gathay u lan ta’ab nep’, me aw e cho’ u lan fare binaw nu Moab.

Numbers 21:15

nge yungi n’en nib log ngalan e yupa’ i loway nib wub i yib ko binaw nu Ar me yan u rom ko mathil nu Moab.”

Numbers 21:28

Immoy bingyal’ ni re binaw nem nu Heshbon e yan e salthaw rok Sihon riy nga m’on ni gowa ba nifiy; I gathay fare binaw nu Ar u lan yu Moab Me ful’ e yochi burey ni bay nga talang u Arnon.

Numbers 22:4

Piyu Moab e lungurad ngak e pi’in yad ma yog e thin rok piyu Midian, “Pi girdi’ nem ni aram farad yo’or e dabi n’uw nap’an miyad kirebnag urngin ban’en ni bay u to’obdad, ni bod ba garbaw ni kay e pan u bang nge mu’nag.” Me l’oeg Balak ni Pilung

Deuteronomy 2:29

nge taw ko ngiyal’ ni kug th’abed fare Lul’ ni Jordan nga daken fare binaw ni bayi pi’ SOMOL ni Got romad ngomad. Pi’in owchen Esau ni yad ma par u Edom, nge piyu Moab ni yad ma par u Ar e ra paged gamad nggu warod u lan taferad.’

Deuteronomy 2:5

machane thangri dab mu tabab niged e mael ngorad, ni bochan e dab gu pi’ ngomed ta’bochyang ko binaw rorad. Ya kug pi’ yu Edom ni nge tafnay e pi’in owchen Esau.

Judges 11:15

ni kar feked e thin rok i yan: “De rriyul’ ni fek yu Israel fare nam nu Moab nge fare nam nu Ammon.

Judges 11:17

Miyad pi’ e pi tamal’og nge yan ko pilung nu Edom ni nge pi’ mat’awrad ni nge yag nranod u daken e nam rok nga barba’. Machane fare pilung nu Edom e de pagrad. Mu ku ra fithed e pilung nu Moab, ma ku de pagrad ngar th’abed e nam rok. Aram me par yu Israel u Kadesh.

Judges 11:18

Ma aram mranod u rom u daken e ted ngar liyegged fare nam nu Edom nge fare nam nu Moab ngar tawgad nga ba’ ni ngek yu Moab, ni bay nga ba’ nem fare Lul’ ni Arnon. Miyad par u rom, machane dar th’abed e Arnon ni bochan e ireram e mathil nu Moab.