Deuteronomy 2:7 - Bible Ni Thothup

⁷ “Ngu’um leam niged rogon nike tow’ath nagmed SOMOL ni Got romed u gubin ban’en ni kam ngongliyed. Ke ayuwegmed u n’umngin nap’an ni kam derawgad u lan e regi ted ney ni desert. De pagmed u lan e re aningeg i ragag i duw ney, go’ i yag ngomed e tin nib t’uf romed.

Deuteronomy 2:7 Σταυροειδείς Αναφορές

Genesis 12:2

Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.

Genesis 24:35

I SOMOL e kari fal’eg wa’athan e masta rog ke tay ni be’ ni bfel’ rogon. Ke pi’ ngak yu ran’ i saf nge kaming, nge garbaw, nge silber, nge gol, nge sib ni pumo’on nge ppin, nge kamel, nge dongki.

Genesis 26:12

Me woldug Isak ko fare binaw, ma ka re duw nem me t’ar wom’ngin e woldug rok ni ra’ay yay ni bo’or nga urngin ni yung ni bochan e SOMOL e be tow’athnag.

Genesis 30:27

Me fulweg Laban ni ga’ar, “Siro’ ngom, ba’aray ban’en ni nggog ngom: kug nang u rogon e tin kan thagthagnag ngog ni Got e ke fal’eg wa’athag ni bocham.

Genesis 39:3

Me guy e masta rok ni bay SOMOL rok Josef, ni urngin ban’en nra muruwliy Josef mra fel’ ni bochan e bay SOMOL rok ni be ayuweg.

Genesis 39:5

Me fal’eg SOMOL rogon e tabinaw rok fa’anem nu Egypt ni bochan Josef. I fal’eg SOMOL rogon urngin ban’en ni bay u lan e tabinaw rok fa’anem nge tin bay u daken e milay’ rok.

Nehemiah 9:21

Urngin ban’en ni nge yag ngorad u daken e ted i yan e um pi’ ngorad ni aningeg i ragag e duw; mi i par e mad rorad nde wod, ma rifrif u ayrad e de thow nge amith.

BABYOR NI JOB 23:10

Yug aram rogon ma Got e manang gubin yay ni gu be yif’ eg; ra sikeng nigeg, ma ra pir’eg ni gu ba machalbog.

Psalms 1:6

I SOMOL e ra pow’iy me yororiy e pi’in yad ba mat’aw, machane en nib kireb e be yan u ba kanawo’ ni sor ngabang nib gel e gafgow riy.

Psalms 107:4

Boch i gimed e uranod u daken e ted i yan ndariy e kanawo’ riy, ma dar pir’eged wo’rad ngalan reb e binaw ni ngar pired riy;

Psalms 31:7

Ri bay gu uf mug felfelan’ ni bochan e t’ufeg rom ni dabimus. Ga be guy e gafgow rog; ga manang e oloboch rog.

Psalms 90:17

SOMOL ni Got romad, mang yigi par fal’egwa’ath rom romad. Ma ga man’og nagmad ko urngin e tin bay u gu rin’ed!

Exodus 16:35

Piyu Israel e ra ked e manna ni aningeg i ragag e duw nge yan i mada’ ko ngiyal’ nra tawgad ko nam nu Kanaan, ni aram e gin nra pired riy. (

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Hosea 13:5

Ug ayuwegmed u bangi ted ni desert.

Amos 2:10

I gag e gu fakmed e girdi’ rog nga wuru’ yu Egypt, mu gu pow’iymed u daken e ted i yan ni aningeg i ragag e duw, mu gu pi’ ngomed e binaw rok e piyu Amor ni ngam tafned.

Numbers 1:1

Bin m’on e rran ko pul nl’agruw ko re duw ni l’agruw nga tomuren nike chuw e girdi’ nu Israel u Egypt, me non SOMOL ngak Moses u rom u lan fare Tent u p’eowchen u lan fa gi ted ni desert u Sinai. Ni ga’ar,

Numbers 14:33

Pifakmed e bay ur derawgad u daken e ted ni aningeg i ragag e duw, bay ur gafgowgad ni bochan e da um yul’yul’gad ngog, nge yan i mada’ ko ngiyal’ ni nge yim’ e aromed ni ir e tomur ni nge yim’.

Numbers 14:34

Aningeg i ragag e duw ni bay i aw e gechig ngomed ni bochan e denen romed, ra reb e duw ma puluwon reb fa aningeg i ragag i rran ni um lekged e re nam nem. Ma aram e bay mu nanged e tin nra yib ngak e en nra pi’ keru’ ngog!

Numbers 22:12

Me ga’ar Got ngak Balaam, “Dab mu’un ngak e pi pumo’on nir, ma dab mu bucheg wa’athan e girdi’ nu Israel, ya kug fal’eg wa’athrad.”

Numbers 32:13

I SOMOL e par nib damumuw ko girdi’ me digeyrad ngu’ur derawgad u daken e ted ni aningeg i ragag e duw nge taw ko ngiyal’ nike yim’ gathon fare mfen ni ur kireb naged lanyan’ SOMOL.

Luke 22:35

Me ga’ar Jesus ngorad, “Fare ngiyal’ i n’en ni gu l’oegmed ngu’um marod i yan nda mfeked tafen e salpiy, nge tutuw, ara sus, e bay ban’en ni m’ay romed fa?” Miyad fulweg ngak ni lungurad, “Dariy ban’en ni m’ay romed.”

John 10:27

Saf rog e yad ma rung’ag lungug, ma gum nangrad, ma yad ma lekeg.

Deuteronomy 1:19

“U da rin’ed e tin ni yog SOMOL ni Got rodad ngodad. Da chuwgad u daken fare Burey ni Sinai ngdarod u daken fare gi ted ni desert nib ga’ yang mab kandugwen i yan nga Amor ni go’ burey. Ma nap’an nda tawgad nga Kadesh Barnea,

Deuteronomy 1:46

“Ma aram, nga tomuren ni kad pired u Kadesh nike n’uw nap’an,

Deuteronomy 2:14

Ngiyal’ i n’ey e ke yan guyey nge meruk e duw ni kad chuwgad u Kadesh Barnea. Ma aram e urngin e pumo’on ni ur uned ko mael ko re mfen nem e go’ karm’ad, ni bod ni yog SOMOL.

Deuteronomy 2:6

Rayag ni ngam chuw’lyed e ggan rorad ngam ked nge ran rorad ngam unumed.’

Deuteronomy 29:4

Machane ke mada’ ko bin daba’ e rran ma dawori tamilangnag laniyan’med ngam nanged fan e pin’en ni kam marod u fithik’.

Deuteronomy 29:5

Aningeg i ragag e duw ni pow’iymed SOMOL u daken fare gi ted ndar tugul ban’en riy; ma de mogchoth e mad u dakenmed, ma de math’math’ e sus u rifrifen aymed.

Joshua 5:6

Ya girdi’ nu Israel e uranod u daken e gi ted nem ni aningeg i ragag e duw. Nap’an ni taw ko ngiyal’nem ma urngin e pumo’on nike taw nga yangarrad ni ngar uned ko mael nra chuwgad u Egypt e karm’ad ya dar folgad ko tin ni yog SOMOL. Ya yog ngorad ndabi pagrad ngar guyed fare nam ni bfel’ rogon ma ba yong’ol e but’ riy ni fa’ani micheg ngak pi chitamangirad nra pi’ ngorad.