Deuteronomy 2:25 - Bible Ni Thothup

²⁵ Daba’ i yan ngaram e bay gu tay daguwmed nga lanyan’ e girdi’ u gubin yang. Nap’an ni yira yog fithingimed ma gubin e girdi’ ni bay ra t’on gad ko marus.’

Deuteronomy 2:25 Σταυροειδείς Αναφορές

Genesis 35:5

Ma nap’an ni deg Jakob nge pifak ni ngranod, me yib e marus nib gel ko girdi’ nma par ko yochi binaw nib chuchugur ngaram, mdeyag ni ngar tulfedrad.

1 Kronicles 14:17

Me garer bugwan David u gubin yang nib sorok, me pingeg SOMOL gubin e nam ngar rusgad ngak.

Psalms 105:38

Fa’anra chuwgad ngranod me felan’ yu Egypt, ya ke tamdag yu Egypt ngorad.

Exodus 23:27

“Bay gu tay e pi girdi’ ni yad be togopluw ngomed ni kar rusgad ngog; bay gu tay e pi girdi’ ni gimed be cham ngorad nike wagagey lanin’rad, ma bay gu gagiyegnag urngin e to’ogor romed ngar chelgad u but’ ngar milgad romed.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Numbers 22:3

me ir nge urngin e girdi’ nu Moab e rrusgad ngak yu Israel, ya yad pire’.

Deuteronomy 11:25

Demturug bang ni gimed ra yan riy u lan e re nam nem, me SOMOL ni Got romed e ra gagiyegnag e girdi’ ngar rusgad ngomed, ni bod nike micheg nra rin’, ma dariy be’ nrayag rok ni nge talegmed.

Deuteronomy 28:10

Ma aram e gubin e girdi’ nu fayleng ni yad ra guy nike mel’egmed SOMOL ni ngam manged girdi’en, miyad par ni bay doguwmed u wun’rad.

Joshua 10:2

Me ri rus e girdi’ nu Jerusalem, ni bochan e yu Gibeon e reb e binaw ni ba ga’ ni bod ga’ngin e pi binaw ni tafen e pilung, ma ka ba ga’ ko binaw nu Ai, ma pumo’on ni bay riy e yad boch e salthaw nda rir rusgad.

Joshua 9:24

Miyad fulweg, “Siro’, kug rin’ed ban’en ni aram rogon ni bochan e kug nanged ni riyul’ ni SOMOL ni Got rom e keyog ngak Moses ni tapigpig rok ni nge pi’ ngom e gi binaw ney ni ga’ngin me li’ e girdi’ ni yad be par riy u nap’an ni gimed be yan nga m’on. Ma kug rin’ed ni bochan e kugm’ad ko marus ngom; ma kagmad be rusnag e pogofan romad.

Revelation 3:9

Mmotoyil! Fare ulung i girdi’ nib mil farad ku Satan, ni fapi cha’ ni yad be lifith l’ugunrad ma yad be yog ni yad piyu Israel machane gathi aram rogon e bay gu gagiyeg nagrad ngarbad ra parawgad nga but’ ngar siro’gad ko rifrif u em. Ma yad gubin ni bay ra nanged ni gab t’uf rog.