Deuteronomy 19:4 - Bible Ni Thothup

⁴ Fa’anra chey nim kal riy ngam thang e fan rok be’ ni gathi to’ogor rom, mra yag ni mmil nga reb fapi binaw nge dabi buch ban’en rom.

Deuteronomy 19:4 Σταυροειδείς Αναφορές

Genesis 31:2

Ma ke guy ni cha’anem i Laban e gathi rikabgol ngak ni bod ko som’on.

2 Samuel 14:11

Me ga’ar fare pin, “Gur en Pilung, wenig ngom mu meybil ngak SOMOL ni Got rom, ni re girdi’ rog nsusun e nge falbiyen e kireb rok fare pagel ni fakag e dabi rin’ reb e kireb nib gel e oloboch riy ni nge thang e pogofan rok e bin kaba’ e pagel ni fakag.” Me fulweg David, ni ga’ar, “Kug micheg u fithingan SOMOL ni be par nib fos, ndariy bochi ban’en nra buch rok fakam.”

1 Kronicles 11:2

Kakrom nnap’an e ka Saul e pilung rodad, mag gafaliy e girdi’ nu Israel ko mael, me SOMOL ni Got rom e micheg ngom ni bay mu pow’iy e girdi’ rok mag mang tagagiyeg rorad.”

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Numbers 35:12

Ma girdi’en fare mo’on nike yim’ e dabyag ni ngar falbiy gad ngar li’ed fare mo’on u rom. Be’ ni kan oloboch ngak nike fek reb e pogofan e dab ni li’ ngem’ ni dawor ni pufthinnag u mit e girdi’ ni yo’or.

Numbers 35:9

I yog SOMOL ngak Moses

Deuteronomy 19:5

Bod nra yan l’agruw i pumo’on ngalan e loway ndimow ren, ma be toy bagyow bake gek’iy nga but’ me thay e tow rok u kolngin nge aw ngak fa en yow nge yim’. Ma aram e rayag ni mil ngalan reb fa dalip i binaw nge dabi buch ban’en rok.

Deuteronomy 19:6

Fa’anra kemus ni ta’reb e mit i binaw ney ni bay, ma aram e yug ra palog rok boch e girdi’. Ma en girdi’en fa en ke riya’ ni ir e nge falbiyen, e richey me kol fa’anem nge thang e fan rok u fithik’ e damumuw, ni cha’nem e de kireb e rok. Ya aram rogon ni fare pogofan ni thang, e ban’en ni kal riy, ya da immoy e kireb u thilrow fa’anem nike yim’.

Deuteronomy 4:42

Ni nge chey ni kal be’ nge thang e fan rok be’ ni gathi to’ogor rok, mrayag ni mil nge yan nga langgin reb e pi binaw ney ma dab ni thang e fan rok.

Joshua 3:4

Ma aram e bay mu nanged e gin ngam sorgad ngay, ya dawor mu uned ngaray. Machane dab mu chugurgad ko fare Kahol ko M’ag; ngu’um leked ni gonap’an e baley e mayl e bay u thilmed nge fare Kahol.”