Deuteronomy 19:2 - Bible Ni Thothup

^2-3 mi gimed ki’eg fa gin ke milsuwon ngomed ni dalip guruy, ra ba guruy ma bay reb e binaw riy nib mom ni yira thap ngay. Ya nge demturug be’ ni thang reb e pogofan nrayag ni mil nga reb ma dabi buch ban’en rok.

Deuteronomy 19:2 Σταυροειδείς Αναφορές

Exodus 21:13

Machane fa’anra kal riy, ni gathi leam rok ni nge li’ nge yim’, mrayag ni nge mil nge yan nga bangi ban’en ni bay gu duwgiliy ni fan ngomed, mu rom e dariy ban’en nra buch rok riy.

Deuteronomy 3:18

“Kugog ngomed e ngiyal’nem ni lungug: ‘I SOMOL ni Got rodad e ke pi’ ngomed e regi binaw ney ni bay ko ngek ko lul’ ni Jordan ni ngam tafned. Ere chiney e ngam fal’eged rogon e salthaw romed mi gimed l’ograd ngar m’onod rok e pi ganong nu Israel ni kabay ngar th’abed e Jordan nga ba’ nem. Ya ngar ayuweged e pi ganong nem nge yag nra feked fare binaw ngar tafned.

Hebrews 6:18

Ere gali n’ey e dabiyag ni nge thil ma dabiyag ni nge lifith Got l’ugun riy. Ere gadad e pi’in ni kad thapgad ngak Got e ka ni pi’ e athamgil nga lanin’dad ni ngad chichi’iyed pa’dad ko fare pagan’ ni ka ni pi’ ngodad.