Deuteronomy 18:2 - Bible Ni Thothup

² Dabi milfan bang e binaw ngorad, ni bod e tin ba’aram e ganong; f’oth rorad e aram mat’awrad ni kar manged prist rok SOMOL, ni bod nike micheg SOMOL.

Deuteronomy 18:2 Σταυροειδείς Αναφορές

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Psalms 119:57

A SOMOL, urngin e tin bt’uf rog e gur; ku gu micheg ni nggu fol ko motochiyel rom.

Psalms 16:5

SOMOL, i gur e gubin ban’en ngog, I gur e ga ma pi’ ngog urngin e tin ba t’uf rog; ma tin kabay e rran u puluwog e bay u lan pa’am.

Psalms 84:11

I SOMOL e ir e yoror rodad, me ir ba pilung nib maluplup, ir e ma tow’ath nagdad ko runguy nge tayfan. Der ma siyeg ban’en ni bfel’ ni nge pi’ ngak e pi’in yad be rin’ e n’en nib mat’aw.

Isaiah 61:6

Ma bay nnangmed ni gimed e pi prist rok SOMOL, Pi tapigpig ko Got rodad. bayi felan’med ko pi machaf ni felel’ rok e pi nam, me felan’med nike mil suwon ngomed.

Lamentations 3:24

I SOMOL e kemus ni ir e urngin ban’en ngog, are ir e kug tay e pagan’ rog nga daken.

Ezekiel 44:28

“Fapi prist e kayag ngorad e liw ni prist ni aram e f’oth rorad ko tin kug pi’ nga Israel ni ngan thapeg i yan nga reb e mfen nge reb. Yad e dabi par bang e binaw u lan yu Israel u pa’rad; Gag e gubin ngorad.

Numbers 18:20

Me ga’ar SOMOL ngak Aron, “Dab mu tafnay bang e binaw u lan yu Israel, ma ku dariy bang e binaw rok yu Israel ni yira pi ngom. Ya ngam par ni kemus ni Gag SOMOL, e nge pagan’um ngog.”

Numbers 18:7

Kemus ni go’ gur nge pifakam ni pumo’on e bmilfan e maruwel ko liw ko prist ngomed, nib l’ag rogon ko altar nge tin bay u langgin e Gin Th’abi Thothup. Pin’ey e bmil fan ngomed, ya kug pi’ ngomed e binem e liw ni prist nib tow’ath. Ra yib yug be’ nga charen ban’en nib thothup nda npi’ mat’won ma yira thang e fan rok.”

Deuteronomy 10:9

Aram fan ni girdi’en e ganong rok Levi e dan pi’ e binaw ngorad ni bod e tin ba’aray e ganong ni kan pi’ e binaw ngorad; birorad e f’oth e ren’en ni ba’aram ni yad e ngu’ur manged prist, ni bod rogon ni yog SOMOL ni Got romed.)

Joshua 13:14

Ma de pi’ Moses e binaw ngak fare ganong rok Levi. Aramrogon nike yog SOMOL ngak Moses ni yad e ngu’un pi’ ni f’oth rorad boch ko pi maligach ni yima urfiy u daken e altar rok SOMOL ni Got nu Israel.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.