Deuteronomy 18:1 - Bible Ni Thothup

¹ “Fare ganong rok Levi ni prist e dariy reb e f’oth nrayag ngorad ko binaw nu Israel; ya pi tow’ath nge pi maligach ni yi be pi’ ngak SOMOL e bay e f’oth rorad riy.

Deuteronomy 18:1 Σταυροειδείς Αναφορές

Jeremiah 33:18

ma gubin ngiyal’ ma bay e pi prist ni yib ko ganong rok Levi ni nge pigpig ngog ngi i pi’ e maligach ngog ni mooruf, ni grain, nge ku boch e maligach.”

Ezekiel 44:28

“Fapi prist e kayag ngorad e liw ni prist ni aram e f’oth rorad ko tin kug pi’ nga Israel ni ngan thapeg i yan nga reb e mfen nge reb. Yad e dabi par bang e binaw u lan yu Israel u pa’rad; Gag e gubin ngorad.

Numbers 18:20

Me ga’ar SOMOL ngak Aron, “Dab mu tafnay bang e binaw u lan yu Israel, ma ku dariy bang e binaw rok yu Israel ni yira pi ngom. Ya ngam par ni kemus ni Gag SOMOL, e nge pagan’um ngog.”

Numbers 26:62

Ma pumo’on ko Levi ni ta’reb e pul yangren ngalang e yad 23,000 u gubin. Da ni unegrad ko methe’eg ko tin ba’aram e girdi’ nu Israel ni bochan e de yag bang e binaw nu Israel ngorad.

Deuteronomy 10:9

Aram fan ni girdi’en e ganong rok Levi e dan pi’ e binaw ngorad ni bod e tin ba’aray e ganong ni kan pi’ e binaw ngorad; birorad e f’oth e ren’en ni ba’aram ni yad e ngu’ur manged prist, ni bod rogon ni yog SOMOL ni Got romed.)

Deuteronomy 12:19

Dab mpaged e pi Levite ni nge dab mpi’ed ngorad e f’oth rorad u n’umngin nap’an ni gimed be par u lan e nam romed.

Joshua 13:14

Ma de pi’ Moses e binaw ngak fare ganong rok Levi. Aramrogon nike yog SOMOL ngak Moses ni yad e ngu’un pi’ ni f’oth rorad boch ko pi maligach ni yima urfiy u daken e altar rok SOMOL ni Got nu Israel.

Joshua 13:33

Machane de pi’ Moses bang e binaw ngak fare ganong ko pi Levite. Me yog ngorad ni tin nge milfan ngorad e reb e f’oth ni ngi i yib ko pi maligach ngak SOMOL ni Got rok yu Israel.

Joshua 18:7

Machane ganong rok Levi e dariy e f’oth rorad ko binaw u lan fare nam ni bod gimed, ni bochan e f’oth rorad e pigpig ni ngu’ur ted ni yad e pi prist rok SOMOL. Ma gimed manang faram ni pi ganong rok Gad, nge Ruben, nge ba’ ni ngek e Manasseh e kan mu’ i pi’ taferad binaw u ba’ ni ngek e Jordan, ni Moses ni tapigpig rok SOMOL e pi’ ngorad.”