Deuteronomy 17:16 - Bible Ni Thothup

¹⁶ En nra pilung e dabi leamnag ni nge yo’ornag e os rok ni fan ko ba’ rok e salthaw, ma dabi l’oeg e girdi’ nga Egypt ni ngar chuw’iyed e os. Ya keyog SOMOL ni girdi’ rok e dakuriy bi’id ni ngki sul ngaram.

Deuteronomy 17:16 Σταυροειδείς Αναφορές

2 Samuel 8:4

Me kol David 1,700 e salthaw rok Hadadezer ni ma yan u os nge 20,000 e salthaw rok ni yad be yan u but’. Me tay David boch e pi os nem ni nge fanay 100 e chariot rok ma go’ th’ab e graw u ay e tin ni magey nge dakiyag nranod.

1 Kings 1:5

Adonijah nib mo’on ni fak David nge Haggith e be’ nrib pichoay ma ri be finey ni ir e nge mang pilung. Ir e th’abi ilal ko tin ni kabay e pumo’on ni fak David, ma dawori puwan’ David ngak u bochi ban’en. Me yagnag Adonijah e chariot nge os ni fan ngak, nge wugem e pumo’on ni ngi i un ngak.

1 Kings 4:26

Me Solomon e immoy 40,000 e chumol rok ni fan ko os rok nma girengiy e chariot nge 12,000 e os ni fen e mael.

1 Kings 5:6

Ere mpi’ e pumo’on rom ngranod nga Lebanon ngar th’abed e gek’iy ni cedar ni fan ngog. Girdi’ rog e bay ra uned ngorad ko maruwel, ma bay gu pi’ puluwon e tirom e girdi’ nrogon ni bay mog. Ga manang ni dariy be’ ko tirog e girdi’ ni manang rogon i th’ab e gek’iy ni bod feni salap e tirom e girdi’.”

2 Kronicles 1:16

Pi’in tasiyobay rok fare pilung e yad e u ra gagiyeg niged e pi os ni un chuw’iy u Musri ngu Cilicia,

2 Kronicles 9:25

Solomon ni Pilung e ki immoy 4,000 e chum rok ni tafen e pi chariot nge pi os rok, ma immoy 12,000 e os rok ni fan ko mael. I tay Solomon boch u Jerusalem ma tin ni magey e go’ tayrad u boch e binaw nib thilthil.

Psalms 20:7

Boch e girdi’ e be pagan’rad ko pi chariot ko mael ni bay rorad, ma boch e be pagan’rad ko os rorad, machane gadad e be pagan’dad nga gelngin SOMOL ni Got rodad.

Exodus 13:17

Fa’ani pag Farao e girdi’ ngranod, ma de fekrad Got ngranod ko fare pa’ i kanawo’ ni yan u dap’el’ay nga talang nga Filistia, ni yugu aram rogon ni aram e gin nth’abi chugur. I leamnag Got ni ga’ar, “Dabug e pi girdi’ ney ni nge pig lanin’rad ngar sulod nga Egypt u nap’an ni yad ra guy ni dabisiy ni ngar uned ko mael.”

Exodus 13:18

Ma aram me fekrad ngar liyeggad u daken e ted ni desert i yan ko fa gi day ni Red Sea fithingan. Yu Israel e bay talin e cham rorad ni fan ko mael.

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Isaiah 2:7

Binaw rorad e ba sug ko silber nge gol, pi machaf rorad e dariy folen. Ma binaw rorad e ba sug ko os, ma dabiyag i the’eg e pi chariot rorad.

Jeremiah 42:19

Ma aram mu kug ul ul ngay ngug ga’ar, “Be yog SOMOL ngomed e girdi’ ni kam magach gad u Judah ndab marod nga Egypt. Ma aram e gu be yog ngomed e chiney

Ezekiel 17:15

Machane fare pilung nu Judah e togopluw me pi e damit nge yan nga Egypt ngar feked e os nge barba’ i salthaw nib ga’. Gur, rayag rok? Ma gur rayag ni thay ni dab ni kol ko binem? Dabyag ni nge th’ab fare tha’ me par ni dab ni gechignag.

Hosea 11:5

“Ra siyegned ni ngar sulod ngog, ere thingar rsulod nga Egypt, nge mang yu Assyria e ngar gagiyeg niged yad.

Hosea 14:3

Yu Assyria e dabiyag ni ngar chuweged gamad ko riya’, ma pi os ko mael e dabiyag ni ngar yororiyed gamad. Ri dab ku gogned bayay ngak e pi liyos romad ni yad e Got romad. A SOMOL, ga ma dag e wurngan’ ngak e pi’in dakriy be’ ni yad ra man ayuw ngak.”

Mikah 5:10

Be ga’ar SOMOL, “Ngiyal’ nem e bay gu fek e pi os rom mu gu kirebnag e pi chariot rom.

Deuteronomy 28:68

Bayi fulwegmed SOMOL u barkow nga Egypt, ni yug aram rogon nike ga’ar dakuriy rogon miki gimed sul e ngaram bayay. Mu rom e bay um guyed rogon ni ngam pi’ed gimed nchuway’ ngak e pi to’ogor romed ni aram e ngam manged sib rorad. Machane dariy ta’abe’ nra m’agan’ ngay ni nge chuw’iymed.”

1 Samuel 8:11

Me ga’ar Samuel ngorad, “Pilung romed e ba’aray rogon e tin bayi rin’ ngomed. Bayi fek pifakmed ni pumo’on ngar manged salthaw; ni boch i yad e ngi i yannag e pi chariot, ma boch e ngi i yan u daken e os, ma boch i yad e nge par nga m’on ngu’ur milgad ma be lay e pi chariot rok.