Deuteronomy 17:14 - Bible Ni Thothup

¹⁴ “Nap’an ni gimed ra thap ngalan fare nam ni bayi pi’ SOMOL ni Got romed ngomed, ni ngam pired riy, ma aram e bay mu turguyed nib t’uf ni nge yag reb e pilung ngomed ni bod urngin e pi nam nib liyegmed.

Deuteronomy 17:14 Σταυροειδείς Αναφορές

1 Samuel 12:19

me lungurad ngak Samuel, “Siro’ ngom, mu meybil ngak SOMOL ni Got rom ni fan ngomad, nge dab gu m’ad. Ya re kireb ney ni kug ninged reb e pilung ni nge yag ngomad e kug puthuyed ko tin kabay e denen romad.”

Joshua 1:13

“Mu tafinay niged e tin ni yog Moses ni tapigpig rok SOMOL ngomed, ni SOMOL ni Got romed e bayi pi’ e re nam ney ni bay nga ba’ ni ngek e Jordan ni ngam tafned.

Deuteronomy 26:9

Me fekmad i yib ngaray me pi’ e re nam ney ngomad, nib nam ni bfel’ rogon ma ba yong’ol e but’ riy.

Deuteronomy 26:1

“Gimed ra yan mpired ngalan fare nam ni SOMOL ni Got romed e bayi pi’ ngomed,

Deuteronomy 18:9

“Nap’an ni gimed ra thap ngalan fare nam ni nge pi’ SOMOL ni Got romed ngomed, ma dab mu’uned ko ngongol ni sonogor nma rin’ girdi’en fapi nam ni yad bay u rom.

Deuteronomy 11:31

Kari chugur ni ngam th’abed fare Lul’ ni Jordan ngam tafned fare nam nike pi’ SOMOL ni Got romed ngomed. Nap’an ni gimed ra kol fare nam ngam tafned,

Deuteronomy 7:1

“SOMOL ni Got romed e bayi fekmed i yan ngalan fare nam ni ngam pired riy, me tuluf bo’or e nam ni bay riy ngar chuwgad u lan fare nam ni aram e pi Hittite, Girgashite, Amorite, Kanaanite, Perizzite, Hivite, nge pi Jebusite, ni medlip i nam ni yad ba ga’ ma yad ba gel ngomed.

Levitikus 14:34

e pi gafal ni ba’aray ni murung’agen e pi naun nra yib e pthethaw ngay. (Pi gafal ney e nge maruwel piyu Israel ngay nnap’an ni yad ra thap ngalan fare nam nu Kanaan, ni bay i pi’ SOMOL ngorad ni ngar tafned.) Fa’anra pir’eg bigmed ni SOMOL e ke l’oeg e pthethaw ko naun rok, ma thingari yan i yog murung’agen ngak e prist.

Numbers 33:53

Ngam koled e re binaw nem ngam pired riy, ni bochan e gag e gube pi’ nga pa’med.

Joshua 21:43

Ere SOMOL e pi’ fare nam ni ga’ngin ngak piyu Israel, ya ri michmicheg ngak e pi chitamangirad kakrom nra pi’ ngorad. Nap’an ni yag ngorad, miyad par u rom.

1 Samuel 8:11

Me ga’ar Samuel ngorad, “Pilung romed e ba’aray rogon e tin bayi rin’ ngomed. Bayi fek pifakmed ni pumo’on ngar manged salthaw; ni boch i yad e ngi i yannag e pi chariot, ma boch e ngi i yan u daken e os, ma boch i yad e nge par nga m’on ngu’ur milgad ma be lay e pi chariot rok.

1 Samuel 10:19

I Gag e Got romed, I Gag e en gu chuwegmed u fithik’ gubin e gafgow nge tin nib mo’maw’ nma yib ngomed, ma chiney e kam pi’ed keru’med ngog ma kamogned ngog ni nggu pi’ be’ ngomed nge mang pilung romed. Ere kefel’, mmu’ulunggad nga p’eowcheg, nra reb e ganong ma nge par nga bang, ma ba kean e girdi’ me par nga bang.’”

1 Samuel 10:25

Me weliy Samuel ngak e girdi’ mat’wun nge maruwel rok e pilung, me yoloy ngalan ba ke babyor, me yan i cha’riy nga bangi n’en nib thothup. Ma aram me yog ngak e girdi’ ni ngar sulod nga taferad.

1 Samuel 16:3

Ma ga pi’ e thin nge yan ngak Jesse ni nge yib ko re maligach nem ni ngam pi’, ma bay gog ngom e n’en ni ngam rin’. Ma ga liyef e gapgep nga lolugen e en ni bay gog ngom ni ir e nge mang pilung.”