Deuteronomy 16:8 - Bible Ni Thothup

⁸ Ma nel’ ni migid e rran e ngu’um ked e flowa ndariy e is riy, ma rofen ni medlip ngay e ngam mu’ulunggad ngam liyorgad ngak SOMOL ni Got romed, ma dariy ba maruwel ni gimed ra ngongliy e rofen nem.

Deuteronomy 16:8 Σταυροειδείς Αναφορές

2 Kronicles 7:9

Rpired u rom ni medlip e rran ni fan fare altar ni yad be ognag ngak SOMOL mu kur pired ni medlip e rran ni fan ko fare madnom. Me yan i rofen ni tomur ma aram miyad lebuguy e madnom ni ur ted,

Nehemiah 8:18

Ka rofen ni som’on ko re madnom nem nge yan i mada’ ko rofen ni tomur nra reb e rran miyad be’eg bang ko fapi Motochiyel rok Got. Medlip e rran nra madnomgad, me rofen ni gaman e meruk ngay mu ku yad tay reb e mu’ulung ni ngar ninged e meybil ko mu’ulung rorad, ni bod rogon nike yog e motochiyel.

Joel 1:14

Mu reged e thin ni ngan pag e abich; mi gimed pining e mu’ulung, mu kunuyed e pi’in yad be yog e thin nge urngin e girdi’ nu Judah ngalan e Tempel rok SOMOL ni ir e Got romed, mi gimed yor ngak.

Levitikus 23:36

Ra reb e rran ko re medlip i rran nem ma ngam og niged e ggan; me rofen ni meruk mi gimed mu’ulung bayay ni ngam ted fan SOMOL, mi gimed ognag e ggan. Rofen nem e yaran e liyor, ma dab mmarwelgad. (

Numbers 28:25

Mu gakgad ngam liyorgad u ta’bang ko bin medlip e rran ma dab mu rin’ed ba maruwel.