Deuteronomy 16:16 - Bible Ni Thothup

¹⁶ “Urngin e pumo’on u lan e nam romed ma ngarbad ko fa ta’gin’en ni tagil’ e liyor, ngar liyorgad ngak SOMOL ni dalip yay u reb e duw ko Madnom ni Paluk’af, Madnom ko T’ar Wom’ngin e Woldug, nge Madnom ko Nochi Naun. Ra reb e pumo’on ma nge fek ba tow’ath i yib

Deuteronomy 16:16 Σταυροειδείς Αναφορές

1 Kings 9:25

Ma dalip yay u reb e duw nma pi’ Solomon e maligach ni mo’oruf nge maligach nma gapaseg thilin Got nge girdi’ u daken fare altar nike toy ni fen SOMOL. Ma ku ma urfiy e incense ngak SOMOL. Ma aram me mu’nag i toy fare Tempel.

2 Kronicles 8:13

I pi’ e pi maligach ni mo’oruf nrogon ni bay ko Motochiyel rok Moses ni fan ko yu rran nib thothup: pi Sabbath, nge pi Madnom ko M’ug e Pul, nge fa dalip i madnom ni gubin e duw — fare Madnom ko Flowa Ndariy e Is Riy, nge Madnom ko T’ar Wom’ngin e Woldug, nge fare Madnom ko Nochi Naun.

Ezra 3:1

Fa’ani taw ko pul ni medlip, ma ke sul yu Israel kar pired ngalan e pi binaw rorad. Miyad mu’ulung nga Jerusalem ni yad gubin.

Nehemiah 8:15

Miyad pi’ e pi thin ni ba’aray nge yan u lan yu Jerusalem ni ga’ngin nge tin kabay e binaw nge yochi binaw ni be lungurad, “Marod nga daken e ted ngam feked papa’ngin e olive nge gek’iy ni pine, nge myrtle, nge palm, nge tin kabay papa’ngin e yug gek’iy ni yima fanay ko nochi naun ni nga ni par riy, ni bod rogon ni bay ni ka ni yoloy ko fapi Motochiyel.”

Psalms 122:4

Ireray e gin i par e pi pilung nu Israel riy, ngu ur pufthin niged e girdi’ rorad riy. ni ngar pininged e magaer ngak SOMOL, ni bod rogon ni yog ni ngan rin’.

Psalms 84:7

Ra yad be yan ma yad be gel i yan, bay ra guyed fare Got ni ir e th’abi ga’ u fithik’ e pi got u Zion!

Psalms 84:8

SOMOL ni Got ni Gubin ma Rayag Rom, mu rung’ag e meybil rog; Got rok Jakob, mu telim ngog!

Psalms 96:8

Mpininged e sorok nga feni maluplup fithingan SOMOL; mfeked ba maligach ngam badnag ngalan e Tempel rok.

Exodus 34:20

machane thingar mu chuw’iy e bin nganni’ i pifak e dongki rom ni ba saf e nge yan nga luwan ngan pi’ ni maligach, ma fa’anra dab mu chuw’iy nge sul ngom, ma thingar mu t’ar k’angan. Thingar mu chuw’iy nge sul ngom urngin e tin nganni’ e bitir ni pumo’on ni fakam. “Dariy be’ ni nge yib nga p’eowcheg ndabi pi’ ban’en.

Exodus 34:24

Ma tomuren ni kug tuluf girdi’en e pi nam ni yad bay ko gin ni ga be sor ngay mu gu ga’nag e gin ngam tafnay, ma dariy be’ nra guy rogon ni nge kol e nam rom ko ngiyal’ ni ba’aram nra reb e duw ma dalip yay ni nga mub nga p’eowcheg i Gag SOMOL ni Got rom.

Isaiah 23:18

Salpiy ni nge yag ngak ko siyobay e bay ni pi’ ngak SOMOL. Dabi cha’riy ngabang, machane pi’in yad ma liyor ngak SOMOL e bay ra faned fare salpiy rok ni ngar chuw’iyed e ggan nge mad nib t’uf rorad ngay.

Isaiah 33:20

A mu sapgad nga Zion, ni fare binaw ni ud madnom niged riy e madnom ni fan ngak SOMOL. Mu sapgad nga Jerusalem, nib binaw nra ni par riy ma dabi buch ban’en rok be’! Bay i par ni bod ba tent ndabi rur, ni dabiyag ni nge puw e pin’en ni yuluy riy ma dabi math’ gafan.

Ezekiel 36:38

Pi binaw ni ka ni kirebnag ka ni pag ni aram rogon e bayi sug ko girdi’ ni bod rogon yu Jerusalem ni i par ba ngiyal’ nib sug ko saf ni nga ni pi’ ni maligach ko rofen ni ngan madnomnag ba madnom ni ba ga’. Ma aram e bay ra nanged ni Gag e SOMOL.”

Haggai 1:9

“Um fineyed ni bay mu t’ired wom’ngin e woldug nib yo’or, machane me yan i aw nri buchu’uw. Ma nap’an e mu feked fapi wom’ngin e woldug nga tabnaw, mug kirebnag. Mangfan e binem ni gu rin’? Bochan fare Tempel rog ni be par nib puth u but’ mra bugmed ma ke thay parwon i muruwliy e naun rok.

Matthew 2:11

Miyad chuw nga naun miyad guy fachi tir ni bay rok Maria ni chitiningin. Miyad ragbug ngar siro’gad ngak; miyad bing e tutuw rorad miyad tow’athnag ko gol, nge frankincense, nge myrrh.

Mark 12:3

Me kol fa pi’in kar ninged fa gi woldug fare sib rok facha’, ngar pirdi’iyed miyad pag nge sul ngak nde fek ban’en.

John 7:2

Ma aram e ke chugur nga nap’an e Madnom ko Nochi Naun,

Deuteronomy 16:15

Mathangeluwol naged SOMOL ni Got romed ko re mur ney ni ngam ted ni medlip e rran ko ta’gin’en ni tagil’ e liyor. Nge felfelan’med, ya SOMOL e ke fal’eg wa’athmed ko wom’ngin e woldug nge maruwel ni gimed be tay.

Deuteronomy 16:17

nrogon nrayag rok, nib m’ag nga rogon nike fal’eg SOMOL ni Got romed wa’athan.

Deuteronomy 31:11

Nap’an nra mu’ulung gubin yu Israel nga p’eowchen SOMOL ni Got romed ko ta’gin’en tagil’ e liyor, ma ngam be’eg e re motochiyel ney u p’eowchen gubin yu Israel ngar rung’aged.

1 Samuel 1:3

Urngin e duw nma yan Elkanah u Ramah nga Shiloh ngi i meybil me pi’ e maligach rok ngak SOMOL ni Gubin ma Rayag Rok, ni aram e gin bay fa gal pumo’on ni fak Eli riy, ni aram Hofni nge Finehas, ni yow e prist rok SOMOL.

1 Samuel 6:3

Miyad fulweg ni lungurad, “Fa’an gimed ra fulweg fare Kahol ko M’ag rok Got nu Israel, ma thingar mu yigeyed ba tow’ath ngay nge biyuliymed ko denen romed. Fare Kahol ko M’ag e thangri dabi sul ni dariy ba tow’ath nike un ngay. Ara’ kanawo’en mi gimed gol, mi gimed nang ko mangfan ni i gechig nagmed.”