Deuteronomy 14:24 - Bible Ni Thothup

²⁴ Fa’anra ta’gin’en tagil’ e liyor e kaygi palog ko tabnaw romed ni dabiyag ni ngam feked i yan ngaram fa ragag e pasent ko tin ke fal’eg SOMOL wa’athamed riy, ma aram e ba’aray e n’en ni ngam rin’ed:

Deuteronomy 14:24 Σταυροειδείς Αναφορές

Exodus 23:31

Ma bay gu tay e mathil ko Red Sea nge mada’ ko day ko pi Filistine, me yan e mathil u daken e ted ni desert nge mada’ ko lul’ nu Eufrates; ma bay gu pi’ girdi’en fare binaw nga pa’med ngam tulufedrad nga wuru’ fare binaw.

Deuteronomy 11:24

Gubin yang e but’ ni gimed ra yan u daken e go’ gimed ra tafnay. Tafenmed e bayi tabab ko yimuch u lan e ted ni desert me yan i taw ko fapi Burey nu Lebanon ni bay ko lel’och, me tabab ko fare lul’ ni Eufrates ni bay ko ngek nge mada’ ko fare gi day ni Mediterranean ni bay ko ngal.

Deuteronomy 12:21

Ma fa’anra kayigi palog fa ta’gin’en ni tagil’ e liyor, ma aram e demturug e ngiyal’ ni gimed ba’adag, mrayag ni mu li’ed reb e garbaw ara saf nike pi’ SOMOL ngomed, mrayag ni mu koyed e ufin riy u tabnaw, ni bod ni kugog ngomed.

Deuteronomy 12:5

Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.

Deuteronomy 14:25

Mu pi’ed nchuway’ fa pin’en mi gimed fek e salpiy riy i yan ko ta’gin’en ni tagil’ e liyor.