Deuteronomy 13:4 - Bible Ni Thothup

⁴ Mu leked SOMOL ni Got romed mi i par madgun u wun’med. Mu ted nga tagil’ e tin keyog ni ngu’um rin’ed, mi gimed fol u lungun, mu’um pigpiggad ngak mi gimed par ni gimed ba yul’yul’ ngak.

Deuteronomy 13:4 Σταυροειδείς Αναφορές

2 Kings 23:3

Me yan i sak’iy fare pilung nga to’oben ba duga’ me micheg ngak SOMOL ni bay i fol rok, ni aram e ngi i fol ko urngin e pi motochiyel rok u polo’ i laniyan’ ngu polo’ i leam rok, ma bay i tay nga tagil’ fare m’ag ni bod rogon ni ka ni yoloy ko fare ke babyor. Ma urngin e girdi’ nra micheged ni ngar folgad ko fare m’ag.

2 Kronicles 34:31

Me sak’iy nga to’oben fare duga’ ko pilung nge ngongliy ba m’ag u thilrow SOMOL ni ngi i fol rok, ngi i ayweg e pi motochiyel rok nge tin ke ta’chiylen u polo’ i gumircha’en nge leam rok, ma ngki i rin’ e tin bay u lan fare m’ag, ni bod ni ka ni yoloy u lan fare ke babyor.

Jeremiah 7:23

Machane gu ning chiylen ngorad ni ngu’ur folgad rog, ni fan e ngu’ug par ni gag e Got rorad ma yad e girdi’ rog. Mu gog ngorad ni ngu’ur ngongol gad ni bad rogon ni ku gu ning chiylen ngorad, ma aram e ur pired ni bfel’ rogorad.

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Luke 1:6

Ni yow l’agruw ma ur pirew ni bfel’ e ngongol rorow u p’eowchen Got, ma yow be fol ko tin keyog Somol nge pi motochiyel.

Roma 6:13

Ma thingar dab kum paged fan bang u dowmed ngak e denen ni ngan maruwel ngay ni fan ko tin nib kireb. Machane ngam pi’ed gimed ngak Got, ni bod rogon e girdi’ ni kan chuwegrad ko yam’ kan fekdad ko yafos, mi gimed pi’med nge tafinay romed ni polo’ ngak ngan maruwel ngay ni fan ko tin nib mat’aw.

1 Korinth 6:17

Machane cha’ ni yow ra ta’ab girdi’ Somol e kar pirew Somol nike ta’reb lanin’row.

Deuteronomy 10:20

Ngu’um pired ni bay madgun SOMOL ni Got romed u wun’med ma kemus ni ir e ngu’um liyorgad ngak. Ma gimed be par ni gimed ba yul’yul’ ngak ma kemus ni fithingan e ngu’um micheged bbugithin ngay.

Deuteronomy 11:1

“Thangri t’uf romed SOMOL ni Got romed, mi gimed fol ko urngin e motochiyel rok ni gubin ngiyal’.

Deuteronomy 30:20

Nge t’uf romed SOMOL ni Got romed, nga um folgad rok ma gimed be par ni gimed ba yul’yul’ ngak, ni fan e gimed nge pi’in owchemed e nge yag ni mu pired nib n’uw nap’med u lan e re nam ni ba’aram ni micheg ngak pi chitamangimed ni kakrom ni bayi pi’ ngorad, ni aram Abraham nge Isak nge Jakob.”

Deuteronomy 6:13

Kemus ni SOMOL ni Got romed e ngu’um pired ni bay madgun u wun’med; kemus ni ir e ngu’um liyorgad ngak, ma kemus ni go’ fithingan e ngam mowgad ngay.

Deuteronomy 6:5

Ngari t’uf SOMOL ni Got rom u polo’ i leam rom, ngu polo’ i lanin’um, ngu polo’ i gelngim.

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

2 John 1:6

Fan e re bugithin ney ni gu be yog ni nge t’uf be’ rok be’ e aram e thingar da pired ni gadad be fol ko tin ke yog Got ngodad ni ngad rin’ed. Re bugithin ney nike pi’ Got ni ngan fol riy ni bod rogon ni kam rung’aged aram ko tabolngin e ba’aray nike ga’ar: thingar um pired ni gimed gubin nib t’uf bigimed rok bigimed.

1 Samuel 7:3

Me ga’ar Samuel ngak e girdi’ nu Israel, “Fa’an gimed ra sul ngak SOMOL u polo’ i lanin’med, ma thingar mu paged gubin e pi got rok yug boch e nam nge fapi liyos ni ya’an fare got ni Astarte fithingan. Mpi’ed gimed nib polo’ ngak SOMOL me par ni go ir e gimed be liyor ngak, ma aram e ra chuwegmed u tan pa’ e pi Filistine.”