Deuteronomy 12:9 - Bible Ni Thothup

⁹ ya dawor mmarod ngalan fare nam ni SOMOL ni Got romed e nge pi’ ngomed, ni aram e gin nrayag ni ngam pired riy u fithik’ e gapas.

Deuteronomy 12:9 Σταυροειδείς Αναφορές

1 Kings 8:56

“Ke magaer SOMOL nike pi’ e gapas ngak e girdi’ rok, ni bod ni micheg ni bayi rin’. Ke tay nga tagil’ urngin e tin ni micheg u l’ugun e tapigpig rok i Moses.

1 Kronicles 23:25

Me ga’ar David, “I SOMOL ni Got rok yu Israel e ke pi’ e gapas ngak e tirok e girdi’, me ir e bayi par u Jerusalem ndariy n’umngin nap’an.

Psalms 95:11

Gu damumuw ngar gu micheg ngorad ni lungug, “Ri dab mmarod ngalan fare nam ni ir e gu ra pi’ e toffan ngomed riy.”

Jeremiah 31:2

Pi’in rmageygad ndar m’ad u daken e ted e gu runguyrad. Nap’an e finey yu Israel ni gomang e ra toffangad,

Mikah 2:10

Mu sak’iy gad ngam chuwgad; ya gathi irera’ tagil’ e toffan romed. Bochan e denen ni gimed be ngongliy ma aram e bay yib e riya’ ngaray nrib gel e gafgow riy.

Deuteronomy 12:8

“Ra yan i taw ko ngiyal’nem ma dab kum ngongolgad ni bod ni um rin’ed. Kafaram i yib ke mada’ ko chiney mra bigimed ma tin ba’adag ni ngi i rin’ e be rin’,

Deuteronomy 25:19

Ere nap’an ni bayi pi’ SOMOL ni Got romed fare nam ngomed, me gagiyegnag ni dabki bucheg e pi to’ogor romed ban’en romed, ni yug aram rogon ni yad ma par ni yad ba liyegmed, nopa’med ni gimed ra thang e pogofan rok e pi Amalekite ni yad gubin, ya ngar mathgad u wan’ e girdi’. Dab mu paged talin!

Deuteronomy 3:20

Mu ayweged e tin kabay e girdi’ nu Israel nge taw ko ngiyal’ ni kar pired ko fare binaw ni nge pi’ SOMOL ngorad u ba’ ni ngal e lul’ ni Jordan. Ni aram e ke taw ko ngiyal’ nike tayrad SOMOL u rom ni ngar pired u fithik’ e gapas, ni bod nike rin’ u ba’ ney e lul’ ni fan ngomed. Ma aram e fin rayag ni ngam sulod ko re but’ ney ni kug pi’ ngomed.’

Deuteronomy 4:21

Me damumuw SOMOL ngog ni bochmed, nge taychilen ngog ni dab kug th’ab e Jordan nga ba’ nem nggu wan ngalan e re nam nem ni bfel’ ni SOMOL ni Got romed e nge pi’ ngomed.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.