Deuteronomy 12:7 - Bible Ni Thothup

⁷ U rom u p’eowchen SOMOL ni Got romed, ni ir e be fal’eg wa’athmed, e gimed nge girdi’en e tabnaw romed e ngam abichgad nga mu felfelan’gad ko tin bfel’ ni kam muruwliyed.

Deuteronomy 12:7 Σταυροειδείς Αναφορές

1 Kronicles 29:22

Ere rofen nem e ri yad ba felfelan’ ni yad be abich ma yad be garbad u p’eowchen SOMOL. Ma aram e yay ni l’agruw yay ngay nra weliyed u fithik’ e girdi’ ni Solomon e pilung. U fithingan SOMOL e ra gapgep niged riy ni nge mang ir e gagiyeg nagrad me Zadok e nge mang prist.

Nehemiah 8:9

Fa’ani rung’ag e girdi’ e tin be yog e Motochiyel ni dabisiy ni ngan rin’, miyad tabab ko meyor. Mi Nehemiah, ni ir e governor, nge Ezra, ni fare prist ni ir e ba tamilangan’ ko Motochiyel nge pi Levite ni yad e ur weliyed fan fapi Motochiyel ngak e girdi’ e lungurad, “Bin daba’ e rran e ba thothup ni fan ngak SOMOL ni Got romed. Ere dabi kireban’med ma dab mu yorgad.

Eklesiastes 3:12

Ere ku gu nang ni n’en ni nge rin’ be’ e nge par nib felan’ me tiyan’ ko tin be rin’ u nap’an ni be par nib fos ko biney e tamilang.

Eklesiastes 3:13

Gadad gubin ndabisiy ni ngad abichgad ma gadad garbod nge felan’dad ko tin kad muruwliyed; ya pin’ey ni gubin e tow’ath rok Got ngodad.

Eklesiastes 5:18

Ba’aray e ren’en ni gu pir’eg: ran’en th’abi fel’ ni nge rin’ be’ e nge abich me garbad me felfelan’ ko tin ke muruliy ko chi par ney nib ngoch nap’an nike pi’ Got ngak; irera’ tol e girdi’.

Isaiah 23:18

Salpiy ni nge yag ngak ko siyobay e bay ni pi’ ngak SOMOL. Dabi cha’riy ngabang, machane pi’in yad ma liyor ngak SOMOL e bay ra faned fare salpiy rok ni ngar chuw’iyed e ggan nge mad nib t’uf rorad ngay.

Isaiah 62:9

Ya gur ni mu yung e grain mag t’ar wom’ngin ga ra kay e flowa ma ga pining e magaer ngak SOMOL. Me gur nim yung e grape mu’um kunuy e ga ra unum e wayin u lan e yoror ko Tempel rog.”

Ezekiel 44:3

Kemus ni fak e pilung ni be gagiyeg e ir e ra yan i par nga ba’ ni langgin re garog ney ni nge kay fare ggan nib tabgul u p’eowcheg. Ra yan u langan e garog ngalan bochi senggil nga naun ma ku aram e gin nra sul riy nga wean.”

Joel 1:16

Ke math e liyab ngomad ko woldug romad nike mogothgoth. Dakriy e felfelan’ u lan e Tempel ko Got rodad.

Joel 2:26

Chiney e aram e bayi yo’or ganmed mi gimed par ni kam chum’er gad. Ma bay mogned e sorok ngak SOMOL ni ir e Got romed, ni ir e ke rin’ bogi n’en nrib fel’ ngomed. Girdi’ rog e gathi bay kun fananikayrad bayay.

Levitikus 23:40

Rofen nem e ngam feked boch e tin nth’abi fel’ u wom’ngin e gek’iy romed ni yima kay, mi gimed fek yuwan e fol’tir nge papa’ngin e gek’iy ni pire’ yuwan ngam tababgad ko madnom ngam tedfan SOMOL ni Got romed.

Malaki 2:13

Ku ba’aray reb e ban’en ni gimed be rin’. Kam lumach niged e altar rok SOMOL ko lu’ ni gimed be yor ma gimed be dololoy’, ya dakir fek e pi maligach ni gimed be fek i yib ngak.

Acts 2:46

Gubin e rran ni ur mu’ulunggad ngalan e Tempel, ma yad be abich u ta’bang u tabinaw rorad i yan, ni yad be kay e ggan ni bay rorad u fithik’ e felfelan’ ngu fithik’ e sobut’an’,

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Deuteronomy 12:18

Gimed nge pifakmed nge pi tapigpig romed nge pi Levite ni yad be par u lan e yochi binaw romed e kemus nu p’eowchen SOMOL ni Got romed e ngam ked e pi maligach ney riy, u lan fa ta’gin’en ni tagil’ e liyor nike turguy SOMOL ni Got romed. Mu um felfelan’gad ni bochan urngin e pin’en ni kam mu’ niged.

Deuteronomy 12:8

“Ra yan i taw ko ngiyal’nem ma dab kum ngongolgad ni bod ni um rin’ed. Kafaram i yib ke mada’ ko chiney mra bigimed ma tin ba’adag ni ngi i rin’ e be rin’,

Deuteronomy 14:23

Mi gimed yan ko gin ke turguy SOMOL ni Got romed ni nguum liyorgad riy ngak; mu rom u p’eowchen e ngam ked fapi yu ragag e pasent ko grain, nge wayin, nge gapgep ni olive, nge tin nganni’ u pifak e garbaw nge saf romed. Ngu’um rin’ed ni aray rogon, ya nge mechem ngomed ngi i par madgun SOMOL ni Got romed u wun’med ni gubin ngiyal’.

Deuteronomy 14:26

Mi gimed chuw’iy demturug ban’en ni gimed ba’adag ko fare salpiy — ufin e garbaw, ara ufin e saf, ara wayin, ara tin yira chingaw ngay, mu rom u p’eowchen SOMOL ni Got romed e gimed nge chon e tabnaw romed e ngam abichgad mi gimed felfelan’ u ta’bang.

Deuteronomy 15:20

Ra reb e duw ma gimed nge chon e tabnaw romed e ngam koyed e ufin ko pi gamanman ney u p’eowchen SOMOL ko ta’gin’en ni tagil’ e liyor.

Deuteronomy 26:11

Ma ga felfelan’ ni bochan e pin’en ni bfel’ ni SOMOL ni Got rom e ke pi’ ngom nge girdi’en e tabinaw rom; ma ga pining e pi Levi nge girdi’ u yugu boch e nam ni yad be par u fithik’med ngar uned ngomed ko mur nge felfelan’.

Deuteronomy 27:7

ma ku aram e gin ngu’um ogniged mi gimed kay e pi maligach ney ni nge gapaseg thilmed Got, ma gimed be pining e magaer u p’eowchen SOMOL ni Got romed.

Deuteronomy 28:47

Ya ke tow’ath nagmed SOMOL u gubin ban’en, machane da mu pigpiggad ngak u fithik’ e felfelan’ nge fel’ laniyan’.

Filippi 4:4

Gubin ngiyal’ ni ngu’um felfelan’gad ko ta’ab girdi’ ni kam ted Somol. Ere ngku gog bayay ni nge lungug: mu felfelan’gad!