Deuteronomy 12:5 - Bible Ni Thothup

⁵ Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.

Deuteronomy 12:5 Σταυροειδείς Αναφορές

1 Kings 14:21

Me Rehoboam nib mo’on ni fak Solomon e aningeg i ragag nge ta’reb e duw yangren me mang pilung nu Judah, me gagiyeg u lan yu Jerusalem ni ragag nge medlip e duw, ni aram fare binaw ni mel’eg SOMOL u fithik’ e pi ganong nu Israel ni aram e gin ngu’un liyor ngak riy. Chitiningin Rehoboam e Naamah nu Ammon.

1 Kings 8:16

‘Ngiyal’ ni gu chuweg piyu Israel ni girdi’ rog u Egypt, ma dawor gu duwgiliy reb e binaw u lan e nam nu Israel ni ga’ngin ni ir e ngan toy ba tempel riy ni ngu’un liyor ngog riy. Machane gur David e kug turguyem ni gur e ngu’um gagiyegnag e girdi’ rog.’”

1 Kings 8:20

Ere SOMOL e ke tay nga tagil’ e tin ni yog, ya kug wan nga luwan e chitamag i David kug mang pilung nu Israel. Ma kug toy e re tempel ney ni ngu’un liyor ngak SOMOL ni Got nu Israel riy.

1 Kings 8:27

“Machane gur, rayag ni nge par Got u fayleng? Tharmiy ni ga’ngin e dab mu taw nga langgin, ere dabiyag ni ngam taw ngalan e re Tempel ney ni kug toy.

1 Kings 8:29

Um matanagiy e re Tempel ney ni rran nge nep’, nre gin’ey ni gur e kam turguy ni ngu’un liyor ngom riy. Mu rung’ag lamag u nap’an ni gu ra sap ko re Tempel ney nggu meybil.

2 Kings 18:22

Miki ul ul fapi pilungen e salthaw nu Assyrian ngar ga’argad, “Ma ra lungumed e SOMOL ni Got romed e ir e be pagan’med ngak, ma gathi ir faram fare Got ni kirebnag Hezekiah fapi altar rok ni bay ko fapi burey? Me ir e yog ngak yu Judah nge yu Jerusalem ni kemus ni fare altar ni bay u Jerusalem e ngar meybilgad riy.

1 Kronicles 22:1

Ma aram me ga’ar David, “Irera’ e gin bayi par fare Tempel rok SOMOL ni Got riy. Ma irera’ e re altar ni ngi i pi’ e girdi’ nu Israel e maligach ni mo’oruf riy.”

2 Kronicles 7:12

me yib i m’ug SOMOL ngak nnep’. Me ga’ar ngak, “Kug rung’ag e meybil rom, ma kefel’ u wun’ug e re Tempel ney ni nge par ni gil’ e maligach ni ngu’un pi’ ngog.

Ezra 3:2

Mi Jeshua ni fak Jehozadak, nge pi prist ni yad nga maruwel, nge Zerubbabel nib mo’on ni fak Shealtiel nge girdi’en Shealtiel e ra cheaggad ngar ubunged bayay fare altar rok fare Got nu Israel, ya nge yag ni ur urfiyed e pi gamanman ni maligach u daken nrogon ni be yog e motochiyel rok Moses, ni ir be’ ni girdi’ rok Got.

Ezra 6:12

Fare Got ni ir e duwgiliy ni yu Jerusalem e eram e gin ni ngu’un liyor ma yibe meybil ngak riy e mang e yigi thirif u but’ e re pilung fa re nam nra darifannag e re bugithin ney ma be guy rogon ni nge kirebnag fare Tempel u rom. I gag Darius e kugog e re bugithin ney; ma dabisiy ni ngan fol riy.”

Ezra 7:17

“Re salpiy nem e ngam ayuweg rogon ni ngam chuway’ ngay, ngam chuw’iy e garbaw ni pumo’on, nge saf ni pumo’on, nge pifak e saf, nge grain, nge wayin, ngam pi’ ni maligach u daken e altar ko fare Tempel u Jerusalem.

Nehemiah 1:9

Ma fa’an gimed ra sul ngog ngu’um folgad ko tin gog ngomed ni ngu’um rin’ed, ma gu ra fulwegmed ko gin gag e kug turguy ni ngu’un liyor ma yibe meybil ngog riy, ni yugu aram rogon ni kam wergad kam mada’gad ko gin ni mus e fayleng ngay.’

Psalms 78:68

Me mang birok Judah e mel’eg nge fare burey ni Zion nrib t’uf rok.

Exodus 15:2

I SOMOL e ir e yoror rog nib gel; Ir fa’anem nike ayuwegneg ni de buch ban’en rog. Ir e Got rog, ma bay u gog e sorok ngak, ma ir e Got rok e chitamag, bay gu tangnag feni gel gelngin.

Exodus 20:24

Mu ubungyed e altar rog ni but’, mi gimed tay e pi maligach ni ngan orfeg nga daken, ni bogi saf nge garbaw ni maligach ngog, nge pi maligach ko gapas u thildad. Ma gu ra yib ngomed nggu fal’eg wa’athmed u gubin yang ni kug turguy ni ngu’um meybilgad riy ngog.

Exodus 25:22

Bay gu mada’ nagmed u rom u daken upongen fare kahol, mu rom u thilin fa gali kerubim e bay gu pi’ riy ngomed urngin e motochiyel rog ni fan ngak e girdi’ nu Israel.

Jeremiah 26:2

me ga’ar SOMOL ngak Jeremiah, “Mman mu sak’iy ngalan e Tempel ngam weliy urngin e tin kugog ngom ngak e girdi’ nike yib ko pi binaw nu Judah ngaram ni ngar meybilgad. Dab mu pag ta’a ban’en riy ndab mu weliy.

Jeremiah 7:12

Mmarod nga Shiloh, ni aram e gin som’on ni gu duwgiliy ni ngan meybil riy ngog, ngam guyed e n’en ni gu rin’ ngay ni bochan e denen rok piyu Israel, ni girdi’ rog.

Jeremiah 7:14

Ere n’en ni gu rin’ u Shiloh e bay gu rin’ ko re Tempel rog ney ni ir e ke pagan’med ngay. N’en ni gu rin’ u Shiloh e ir e bay gu rin’ ko gin’ey ni gag e gu pi’ ngomed nge ngak pi chitamangimed kakrom.

Numbers 7:89

Nap’an ni yan Moses ngalan fare Tent ni nge non ngak SOMOL, me rung’ag laman SOMOL ni be non ngak u daken upongen fare Kahol ko M’ag, u thilin fa gali kerubim.

Deuteronomy 12:11

I SOMOL e bayi turguy bang ni aram e gin ni ngu’um liyorgad riy ngak, mu rom e ngam feked i yib ngak urngin ban’en ni kugog ngomed; pi maligach romed ni ngan urfiy nge yugu boch e maligach, nge ragag e pasent ko pin’en ke yag ngomed, nge pi tow’ath nib mal’eag ni kam micheged ngak SOMOL ni ngam pi’ed ngak.

Deuteronomy 12:13

Dab mu og niged e pi maligach romed ko gin gimed e kam turguyed;

Deuteronomy 12:18

Gimed nge pifakmed nge pi tapigpig romed nge pi Levite ni yad be par u lan e yochi binaw romed e kemus nu p’eowchen SOMOL ni Got romed e ngam ked e pi maligach ney riy, u lan fa ta’gin’en ni tagil’ e liyor nike turguy SOMOL ni Got romed. Mu um felfelan’gad ni bochan urngin e pin’en ni kam mu’ niged.

Deuteronomy 12:4

“Dab mu liyorgad ngak SOMOL ni Got romed ni bod kanawo’en ni be tay e picha’ nem fan e tirorad e kan.

Deuteronomy 14:23

Mi gimed yan ko gin ke turguy SOMOL ni Got romed ni nguum liyorgad riy ngak; mu rom u p’eowchen e ngam ked fapi yu ragag e pasent ko grain, nge wayin, nge gapgep ni olive, nge tin nganni’ u pifak e garbaw nge saf romed. Ngu’um rin’ed ni aray rogon, ya nge mechem ngomed ngi i par madgun SOMOL ni Got romed u wun’med ni gubin ngiyal’.

Deuteronomy 14:24

Fa’anra ta’gin’en tagil’ e liyor e kaygi palog ko tabnaw romed ni dabiyag ni ngam feked i yan ngaram fa ragag e pasent ko tin ke fal’eg SOMOL wa’athamed riy, ma aram e ba’aray e n’en ni ngam rin’ed:

Deuteronomy 15:20

Ra reb e duw ma gimed nge chon e tabnaw romed e ngam koyed e ufin ko pi gamanman ney u p’eowchen SOMOL ko ta’gin’en ni tagil’ e liyor.

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

Deuteronomy 16:15

Mathangeluwol naged SOMOL ni Got romed ko re mur ney ni ngam ted ni medlip e rran ko ta’gin’en ni tagil’ e liyor. Nge felfelan’med, ya SOMOL e ke fal’eg wa’athmed ko wom’ngin e woldug nge maruwel ni gimed be tay.

Deuteronomy 16:2

Mmarod ko ta’gin’en ni tagil’ e liyor mi gimed li’ u rom reb fapi saf ara garbaw romed ni fan ko damunmun ko Paluk’af ni liyor romed ngak SOMOL ni Got romed.

Deuteronomy 16:6

ya kemus ni ta’gin’en ni tagil’ e liyor ni turguy SOMOL ni Got romed, e aram e gin ni ngan pi’ riy fare maligach ko Paluk’af, aray ko blayal’ nike yan e yal’ nga but’, ni aram e ngiyal’ i n’en ni mu chuwgad u Egypt.

Deuteronomy 16:7

Mu dulnguyed e ufin ngam ked ko ta’gin’en ni tagil’ e liyor; me kadbul riy mi gimed sul nga tafenmed.

Deuteronomy 17:8

“Fa’anra bay yu pa’ e oloboch ni kay gi mo’maw’ ngak e pi tapuf oloboch u lan binaw ni ngar pithged, ni bod e yu pa’ i oloboch u mat’wey ko binaw, ara maad’ad ni kantay ku be’, ara pi oloboch ni kan thang e pogofan ku be’ nderyag i ki’eg ko ni kal riy ara ni leamnag. Re yodro’ ban’en, ma ngan yan ko fa ta’gin’en tagil’ e liyor ni SOMOL ni Got romed e turguy,

Deuteronomy 18:6

“Ma demturug e re Levite u reb e binaw u lan yu Israel ni ba’adag mrayag ni nge yib ko fa ta’gin’en tagil’ e liyor

Deuteronomy 26:2

mra bigimed ma thangri dugnag e tin som’on nike yib u bmit e woldug nge bmit ngam feked i yib ko ta’gin’en tagil’ e liyor.

Deuteronomy 31:11

Nap’an nra mu’ulung gubin yu Israel nga p’eowchen SOMOL ni Got romed ko ta’gin’en tagil’ e liyor, ma ngam be’eg e re motochiyel ney u p’eowchen gubin yu Israel ngar rung’aged.

Kolose 2:9

Ya rarogon Got ni polo’ e bay rok Kristus ni ngal’ nib girdi’,

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Joshua 18:1

Nga tomuren nike kol yu Israel fare nam miyad mu’ulung ni yad gubin nga Shiloh ngar n’ufed ngalang fare Tent u p’eowchen SOMOL.

Joshua 22:11

Ba’aray e n’en nnog ko tin ni magach e girdi’ nu Israel, “Mmotoyilgad! Fapi girdi ko ganong rok Ruben, nge Gad, nge ley ni Ngek e Manasseh e kar toyed ba altar u Geliloth, u ba’ rodad e Jordan!”

Joshua 9:27

Machane ku be tayrad ni yad e sib, ni ngu’ur th’ebad e l’ud ma yad be mat’eg e ran ni fan ko girdi’ nu Israel nge ran ko altar rok SOMOL. Ke mada ko daba’ ma ku yad ma rin’ ere maruwel ney ko gin’en ke duwgiliy SOMOL ni ngu’un liyor ngak riy.

Revelation 14:1

Me ere fa’an gu sap ma bay fare Fak e Saf nib sak’iy nga daken e burey ni Zion; ni yad ra’ay nge aningeg i ragag nge aningeg i biyu’ e girdi’ ni bay fithingan rorad nge fithingan e Chitamngin ni kan yoloy nga peri’rad.