Deuteronomy 12:13 - Bible Ni Thothup

¹³ Dab mu og niged e pi maligach romed ko gin gimed e kam turguyed;

Deuteronomy 12:13 Σταυροειδείς Αναφορές

1 Kings 15:34

Me denen nib togopluw ngak SOMOL nge waliy yu Israel nga fithik’ e denen, ni bod Jeroboam ni Pilung ni immoy nib m’on rok.

1 Kings 3:2

Girdi’ e yad be pi’ e maligach u daken yungi n’en nib tolang, ni bochan e dariy reb e naun ni kan toy ni fan nga fithingan SOMOL.

2 Kronicles 15:17

Yug aram rogon nde thirif Asa urngin e yungi n’en ni tagil’ e tayfan rok e pi’in ndar nanged Got u lan fare nam, machane mi i par Asa nib yul’yul’ ngak SOMOL u n’umngin nap’an e yafos rok.

Deuteronomy 12:11

I SOMOL e bayi turguy bang ni aram e gin ni ngu’um liyorgad riy ngak, mu rom e ngam feked i yib ngak urngin ban’en ni kugog ngomed; pi maligach romed ni ngan urfiy nge yugu boch e maligach, nge ragag e pasent ko pin’en ke yag ngomed, nge pi tow’ath nib mal’eag ni kam micheged ngak SOMOL ni ngam pi’ed ngak.

Deuteronomy 12:14

thingar mu og niged ko gin ke turguy SOMOL u lan tafen reb e pi ganong romed. Kemus nu rom e ngam pi’ed e pi maligach ni mo’oruf romed riy mi gimed rin’ urngin e tin kugog ngomed ni ngam rin’ed.

Deuteronomy 12:5

Gi nam ni bayi par e pi ganong romed riy e bayi turguy SOMOL bang riy ni ir e ngu’um mu’ulunggad ngay ngam ted fan SOMOL mi gimed meybil ngak.

Deuteronomy 12:6

U rom e ngam pi’ed e pi gamanman ni maligach riy ni ngan urfiy nge yugu boch e maligach, nge ragag e pasent ko pin’en nike yag ngomed, nge pin’en ni ngam pi’ed ngak SOMOL, nge pin’en ni kam micheged ni ngam pi’ed ngak, nge pin’en ni kam turguyed u wun’med ni ngam pi’ed ngak, nge tin som’on i fak e pi garbaw nge pi saf romed.

Joshua 22:15

Rabad ko fare binaw nu Gilead, ko girdi’ rok Ruben, nge Gad, nge ley ni Ngek e Manasseh,

Joshua 22:29

Ri dabi chuchugur ni nggu togopluwgad ngak SOMOL ara gu digeyed ni dab kug falwokgad rok ni bochan e kug toyed altar ni ngan urfiy e maligach ni mo’oruf u daken ara fan ko grain ni ngu’un pi’ riy. Ma dab gu toyed yug reb e altar nib thil ko birok fare SOMOL ni Got rodad ni bay u mit fare Tent u p’eowchen.”