Deuteronomy 11:21 - Bible Ni Thothup

²¹ Ya nge yag ni mu pired nge pifakmed nib n’uw nap’an u daken fare nam ni micheg SOMOL ni Got romed ni nge pi’ ngak e pi chitamangimed kakrom. Bay mu pired u rom u n’umngin nap’an ni bay e tharmiy ngalang ko fayleng.

Deuteronomy 11:21 Σταυροειδείς Αναφορές

Psalms 72:5

Mang e yigi liyor e girdi’ rom ngom u n’umngin nap’an ni bay i par e yal’ ni be mat, ngu n’umngin nap’an ni be par e pul ni be mat ram’en u reb e mfen ngu reb.

Psalms 89:30

“Machane fa’anra dabi fol e pi’in owchen ko motochiyel rog, ma darir ngongolgad nrogon ni be yog e pi motochiyel rog,

Proverbs 3:16

Gonop e ra n’uwnag nap’am ko biney e tamilang, ma ra yagnag ngom e fel’ rogon nge tayfan.

Proverbs 3:2

Machib rog e ra pi’ ngom e yafos nib n’uw ma bfel’ rogon.

Proverbs 4:10

Fakag, mmotoyil ngog. Ngam fanay e n’en ni gu be yog ngom, me yag nim par nib n’uw nap’am.

Proverbs 9:11

Gonop e ra puthuy boch e duw ko yafos rom.

Isaiah 65:20

Bitir ni kabran e dab kur m’ad, ma urngin e girdi’ ni bay ra pired ko biney e tamilang ni n’umngin nap’an ni ngar pired. Pi’in yad ra par nge gaman e 100 e duw rorad e bay ni leamnag ni ka yad ba pagel. Ma ra yim’ be’ u m’on riy ma ba pow ni gag e kug gechignag.

Deuteronomy 11:9

Me yag nim pired nib n’uw nap’an u daken fare nam ni bfel’ rogon ma ba yong’ol, ni micheg SOMOL nra pi’ ngak e pi ga’ romed ni kakrom nge pi’in owcherad.

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”

Deuteronomy 5:16

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

Deuteronomy 6:2

N’umngin nap’an e yafos romed, ni gimed nge pi’in owchemed e ngu’um pired ni bay madgun SOMOL ni Got romed u wun’med ma gimed be fol u urngin fapi motochiyel rok ni nggu pi’ ngomed, ya nge yag ni n’uw nap’an ni um pired ko fare nam.

Revelation 20:6

Pi’in yad ra fos ko yay nsom’on nra ni faseg e girdi’ ko yam’ e yad ra felfelan’ ma ri ba ga’ e fel’ rogon ni yad ra tay. Ya yay ni migid e yam’ nra yib e dariy ban’en nra ki yag ni nge rin’ ngorad; ya bay ra manged pi prist rok Got nge Kristus, ma bay ra uned ngak ko gagiyeg u lan bbiyu’ e duw.