Deuteronomy 11:14 - Bible Ni Thothup

¹⁴ Ma fa’an gimed ra rin’, mra pi’ e n’uw nga daken e but’ romed ko ngiyal’ ni ba t’uf, u nap’an e autumn nge spring, ni bochan e nge yib wom’ngin e woldug ni grain, nge wayin, nge gapgep ni olive ni fan ngomed,

Deuteronomy 11:14 Σταυροειδείς Αναφορές

Isaiah 30:23

Demturug e ngiyal’ ni gimed ra yung e woldug romed, ma Somol e ra pi’ e n’uw ni nge tugulnag e pi woldug romed me yo’ornag wom’ngin, ma gamanman romed e bayi pire’ e yungi n’en ni ngu’ur abichgad riy.

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Jeremiah 5:24

Dakriy e ngiyal ni gimed be finey ni ngam liyorgad ngog, ni yug aram rogon ni gu ma pi’ e n’uw u nap’an ni be mul mul yuwan e gek’iy ni aram e nge yib e ayis, ma nap’an e n’uw ma gu ma pi’ wom’ngin e woldug romed ni gubin e duw.

Ezekiel 34:26

“Bay gu tow’ath nagrad mu gu tayrad ngu’ur pired ni kar liyeged fare burey rog nib thothup. Nu rom e bay gu tow’ath nagrad riy ko n’uw u nap’an nike t’uf rorad.

Joel 2:19

Me fulweg ngorad ni ga’ar, ’Chiney e aram e nggu pi’ ngomed e grain nge wayin nge gapgep ni olive, ngam chum’er gad riy. Ma yugu boch e nam e gathi bay kur fananikayed gimed.

Levitikus 26:3

“Fa’anra um pired nrogon ko motochiyel rog mi gimed tay u gil’ e tin kugog,

Levitikus 26:4

ma bay u gu pag e n’uw nge yib ngomed ko ngiyal’ nib t’uf, ya ngi i tugul e woldug ko but’ mi i yib e mak’uf ko gek’iy.

Malaki 3:11

Ma aram e dab kug pag e pi chachangag nge longuy e woldug romed, me par yungi milay’ romed ni grape nike sug ko grape.

Acts 14:17

Machane gubin ngiyal’ ni be micheg ir u daken urngin e tin ni bfel’ ni be rin’, ya ma pi’ e n’uw ngomed u lang nge galwog u ngal’an; me ir e ma pi’ e ggan ngomed mma fal’eg lanin’med.”

Deuteronomy 28:12

Ma ra bing SOMOL ngomed tafen e chibgil rok ni bfel’ u tharmiy, nge pi’ e n’uw ngomed u ngal’an e n’uw me fal’eg wa’athan urngin e maruwel romed, ya ngu’um pi’ed bogi ban’en ngak bo’or e nam, ma dab ku mu fulweged rorad.

James 5:7

Pi walageg ni girdi’en Kristus, mpired ni gimed ba gumaen’ nge mada’ ko ngiyal’ ni bayi sul Somol riy. Mu guyed feni gumaen’ e en nma woldug nga rogon nma sonnag e woldug rok ni nge yib limngun ara wom’ngin nri ba ga’ fan ngak. Ma sonnag e ngiyal’ ni som’on ko n’uw nge ngiyal’ ni tomuren e n’uw u fithik’ e gumaen’.