Deuteronomy 10:9 - Bible Ni Thothup

⁹ Aram fan ni girdi’en e ganong rok Levi e dan pi’ e binaw ngorad ni bod e tin ba’aray e ganong ni kan pi’ e binaw ngorad; birorad e f’oth e ren’en ni ba’aram ni yad e ngu’ur manged prist, ni bod rogon ni yog SOMOL ni Got romed.)

Deuteronomy 10:9 Σταυροειδείς Αναφορές

Ezekiel 44:28

“Fapi prist e kayag ngorad e liw ni prist ni aram e f’oth rorad ko tin kug pi’ nga Israel ni ngan thapeg i yan nga reb e mfen nge reb. Yad e dabi par bang e binaw u lan yu Israel u pa’rad; Gag e gubin ngorad.

Numbers 26:62

Ma pumo’on ko Levi ni ta’reb e pul yangren ngalang e yad 23,000 u gubin. Da ni unegrad ko methe’eg ko tin ba’aram e girdi’ nu Israel ni bochan e de yag bang e binaw nu Israel ngorad.

Acts 8:21

Dariy mat’wum nge f’oth rom ko maruwel romow ni bochan e leam rom e de mat’aw u mit Got.

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Deuteronomy 14:27

“Ma dab mu feked owchemed rok e pi Levite ni yad be par u lan e pi binaw romed; ya dariy bang ntaferad.

Deuteronomy 14:29

Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

Joshua 14:3

Moses e ke mu’ i pi’ fagi but’ ko ba’ ni ngek u Jordan ngak yug l’agruw e ganong nge ngak baley e ganong. (Pi’in owchen Josef e kar ki’gad ke yib l’agruw e ganong riy: Manasseh nge Efraim.) Yug aram rogon, ma Moses e de pi’ bang riy ni nge milfan ngak e pi Levite, yug boch e binaw e ke yag ngorad ni ngar pired riy, ni bay yungi flang riy ni fan ko garbaw nge yu ran’ i gamanman rorad.