Deuteronomy 10:8 - Bible Ni Thothup

⁸ Ngiyal’nem e turguy SOMOL ni pumo’on ko ganong rok Levi e nge milfan fare kahol ko m’ag ngorad, ma ngu’ur pigpiggad ngak ni prist, ma yad e ngu’ur fal’eged wa’athan e girdi’ nga fithingan SOMOL. Pin’ey e ka yad be rin’.

Deuteronomy 10:8 Σταυροειδείς Αναφορές

1 Kings 8:6

Me fek e pi prist fare Kahol ko M’ag nga langgin fare Tempel ngranod ra ted ngalan e Gin Th’abi Thothup, u pulwon pon fa gal Kerubim nga but’.

1 Kronicles 15:2

Ma aram me ga’ar, “Kemus ni pi Levite e yad ra fek fare Kahol ko M’ag, ni bochan e yad e pi’in ke mel’egrad SOMOL ni ngu’ur feked ma yad be pigpig ngak ni manemus.”

1 Kronicles 15:26

Ra maligachgad nga medlip i garbaw ni pumo’on nge medlip i saf, ni bochan e nga ri muduwgil nra ayuweg Got e pi Levite ni yad be chibiy fare Kahol ko M’ag.

1 Kronicles 23:13

Bin nganni’ e pagel ni fak e Amram ni ir e chitamngin Aron nge Moses. (Aron nge pi’in owchen e ni falrad ngabang ni nge milfan fa pin’en nib thothup ngorad ni manemus, ngu’ur urfiyed e pi incense ko ngiyal’ ni yibe liyor ngak SOMOL, ma yad be pigpig ngak, ma yad be fel’eg wa’athan e girdi’ nga fithingan.

1 Kronicles 23:26

Ere dakuriy rogon ni ngki fek e piyu Levi fare Tent u p’eowchen SOMOL nge gubin e pin’en ni yima fanay ko fare liyor.”

2 Kronicles 29:11

Pifakag, dabkum pired. Gimed e pi’in nike mel’egmed SOMOL ni ngu’um urfiyed e incense ngak mi gimed gafaliy e girdi’ ngar liyorgad ngak.”

2 Kronicles 30:27

Fapi prist nge pi Levite e ra ninged ngak SOMOL ni nge fal’eg wa’athan fapi girdi’. Me rung’ag Got e pi meybil rorad nga tafen nga tharmiy mab fel’ u wan’.

Psalms 134:1

Mired, ngan pining e sorok ngak SOMOL, gimed gubin e tapigpig rok, gubin e pi’in yad ma pigpig u Tempel rok nnep’.

Psalms 134:2

Mu chibiyed pa’med ngalang ngam meybilgad u lan e Tempel, ngam pininged e sorok ngak SOMOL!

Psalms 135:2

gimed gubin e pi’in gimed ma pigpig u naun rok SOMOL, u lan fare Tempel ko Got rodad.

Jeremiah 15:19

Me fulweg SOMOL ni ga’ar, “Fa’an ga ra sul ngog, mu gu fekem ngam mang reb e tapigpig rog bayay. Fa’an ga ra weliy ban’en ni bay fan, ma gathi tin ndariy fan e ngam weliy, ma rayag ni ngam mang profet rog bayay. Girdi’ e bay ra sulod ngom bayay, machane gathi gur e ngam man ngorad.

Ezekiel 44:11

Rayag ni ngu’ur pigpiggad ngog u lan fare Tempel ni yad e ga’ ko pi garog mu’ur rin’ed e maruwel ko fare Tempel. Rayag ni yad ra li’ e gamanman ni be pi’ e girdi’ ni maligach ni mo’oruf nge yug maligach, mu’ur rin’ed e maruwel rorad ni yad be pigpig ko girdi’.

Ezekiel 44:15

I SOMOL ni Th’abi Tolang e ga’ar, “Fapi prist ko ganong rok Levi ni yad owchen Zadok, e ur pared ni yad ba yul’yul’ ko pigpig ngog u lan e Tempel ko ngiyal’ ni ba’aram ni tin kabay e girdi’ nu Israel e kar pi’ed keru’rad ngog. Ere chiney e yad e picha’ ni ngu’ur pigpiggad ngog miyad be yib nga p’eowcheg ngu’ur pi’ed e mam nge racha’ ko fapi maligach ngog.

Levitikus 8:9

Me tay fare turban nga lolgen, ma gin migid nga peri’ fare turban e tay fare madelia nib gol ngay, ni pow riy ni kemang tirok Got, nri bod rogon ni yog SOMOL ngak ni nge rin’.

Levitikus 9:22

Nap’an ni mu’ Aron i pi’ fapi maligach ni urngin, me chibiy pa’ ngalang nga daken fapi girdi’ me yibilayrad ni nge fel’ wa’athrad, ngemu’ me sul nga but’ ko fare altar.

Numbers 3:31

Yad e ba milfan ngorad fare Kahol ko M’ag, nge fare tebel, nge tagil’ e magal, nge altar, nge pi tatalin maruwel nma fanay fapi prist u lan fa Gin nib Thothup, nge fare gi kateng u langan e mab ko Gin Th’abi Thothup. Urngin e pigpig ni yima tay nib l’ag rogon ko pin’em e yad e ba milfan ngorad.

Numbers 3:6

“Mu fek fare ganong rok Levi i yib nga m’on ngan falrad ngabang ni ngar manged tapigpig rok Aron ni prist.

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

Acts 13:2

Nap’an ni yad be pigpig ngak Somol ma yad be pag e abich, me ga’ar fare Kan Nthothup ngorad, “Mu faled Barnabas nge Saul ngabang, ni nge mil farow ngog nge mang yow e ra ngongliyew e maruwel ni kug piningrow ni ngar muruwliyew.”

Roma 1:1

Re babyor ney e yib rok Paul, ni tapigpig rok Kristus Jesus, ni ir ba apostel ni Got e mel’eg me pining ni nge machibnag ngak e girdi’ e Thin Ni Bfel’ ni yib rok Got.

Roma 12:7

Ma fa’anra salap rodad e ngad pigpiggad, ma thingar da pigpiggad. Ma fa’anra salap ni pi’ Got ngodad e ngad filed ban’en ngak e girdi’, ma thingar ud filed ban’en ngak e girdi’.

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

Galatia 1:15

Machane bochan e runguy rok Got ngog me duwgilyeg u m’on ko ngiyal’ ndawor ni gargelnigeg riy, me piningeg ni nggu pigpig ngak.

Deuteronomy 17:12

En nra tun ngan’ ndabi fol rok fare tapuf oloboch fa fare prist ni ir e be pigpig e ngiyal’nem e yira thang e pogofan rok; aray kanawo’en me math mit e biney e kireb u Israel.

Deuteronomy 18:5

Ya SOMOL e mel’eg fare ganong rok Levi u fithik’ e pi ganong romed ni ngar manged prist ngar pigpiggad ngak ni manemus.

Deuteronomy 21:3

Ma pi tayugang’ ko fare binaw ni th’abi chugur ko gin nni pir’eg fare yam’ riy e ngar feked ba fak e garbaw ndawor ni maruwel ngak.

Deuteronomy 21:5

Ma fapi prist ni pifak Levi e ku yad ra un ngaram, ni bochan e yad ma turguy urngin e yupa’ i oloboch nni rin’ u fithik’ e yargel. I SOMOL ni Got romed e ke mel’egrad ni ngar pigpiggad ngak ma yad be maybilnag e girdi’ nga fithingan ni nge fal’eg wa’atharad.

Deuteronomy 31:9

Me yoloy Moses e motochiyel rok Got me pi’ ngak fapi prist ni pifak Levi, ni yad e bmil fan fare Kahol ko M’ag rok SOMOL ngorad ni ngu’ur feked nge ngak e pi’in yad be yog e thin rok yu Israel.