Deuteronomy 1:1 - Bible Ni Thothup

¹ Irera’ fapi thin ni yog Moses ngak urngin e girdi’ nu Israel u ba’ ni ngek e lul’ ni Jordan u daken e ted u Arabah ni bay u charen yu Suf, ma bay yu Paran nga baraba’, ma bay yu Tofel, nge yu Laban, nge yu Hazeroth, nge yu Dizahab nga baraba’.

Deuteronomy 1:1 Σταυροειδείς Αναφορές

Genesis 21:21

Me yan e chitiningin i fek be’ ni bpin u Egypt nge le’ay fare pagel.

1 Kings 11:18

Ra chuwgad u Midian ngranod nga Paran, ni aram e gin ni un boch e pumo’on riy ngorad. Ma aram miyad milekag nga Egypt ngranod ngak e en pilung, ni ir e pi’ ngak Hadad yungi binaw nge bogi naun me pi’ e ggan ngak.

Habakkuk 3:3

Got e be yib u Edom; Got nib thothup e be yib ko yochi burey u Paran. Rama’en ni be galgal e ke sug nag lanelang; fayleng e ke sug ko pi lam ni be pining e sorok ngak.

Numbers 10:12

me tabab piyu Israel ko milekag ni ngar chuwgad u lan fare gi ted u Sinai. Me yan fare gi manileng i gif nga daken e ted nu Paran.

Numbers 11:35

Miyad chuw u rom ngranod nga Hazeroth, miyad n’uf e pi Tent rorad u rom.

Numbers 12:16

Ma aram mar chuwgad u Hazeroth ngarab ra pired nga daken e ted nu Paran.

Numbers 13:26

ngak Moses nge Aron nge urngin e girdi’ nu Israel ni yad bay u Kadesh u daken e ted u Paran. Miyad weliy ngorad e pin’en ni kar guyed, miyad dag ngorad wom’ngin e woldug ni kar feked ko re nam nem.

Numbers 13:3

Me fol Moses riy nge l’oeg fapi tayugang’ nu Israel u daken e ted nu Paran ngranod, ni ba’aray rogon: Ganong Mitethin Ruben Shammua nib mo’on ni fak Zaccur Simeon Shafat nib mo’on ni fak Hori Judah Kaleb nib mo’on ni fak Jefunneh Issakar Igal nib mo’on ni fak Josef Efraim Hoshea nib mo’on ni fak Nun Benjamin Palti nib mo’on ni fak Raphu Zebulun Gaddiel nib mo’on ni fak Sodi Manasseh Gaddi nib mo’on ni fak Susi Dan Ammiel nib mo’on ni fak Gemalli Asher Sethur nib mo’on ni fak Michael Naftali Nahbi nib mo’on ni fak Vofsi Gad Geuel nib mo’on ni fak Machi

Numbers 32:19

Ma dabki milfan ngomad bang e tirorad e binaw u ba’nem e Jordan, ya kem’ay i pi’ ngomad e tiromad e f’oth u ba’ ni ngek e Jordan.”

Numbers 32:32

Gamad ra thum’ ngalan e binaw nu Kanaan ni SOMOL e ke pi’mad magmad yan ko mael, ya nge yag niki par nib milsuwon tafenmad ngomad u roy u ba’ ni ngek e Jordan.”

Numbers 32:5

Ere wenig ngomed, mpi’ed e giney e but’ nge milfan ngomad, ma dab mu tawasargad ngomad ni nggu th’abed e Lul’ nu Jordan nga ba’nem nggu pired riy.”

Numbers 34:15

u ba’ ni ngek e Jordan, u puluwon yu Jeriko nga barba’.”

Numbers 35:14

ni dalip riy e bay ko ngek u Jordan ma dalip e bay u lan e binaw nu Kanaan.

Deuteronomy 2:8

“Ma aram ma gadad chuw ko fare pa’ i kanawo’ ni yan ko fa galoch i binaw nu Elath nge Eziongeber ni yan ko Dead Sea, magdad cheal ko lel’och ni ngek ngad sorgad nga Moab.

Deuteronomy 27:1

Me ga’ar Moses nge pi tayugang’ nu Israel ngak fapi girdi’, “Ngu’um folgad ko urngin e tin kugogned ngomed e daba’.

Deuteronomy 29:1

Irera’ e pi thin nu lan fare m’ag ni yog SOMOL ngak Moses ni nge ngongliy u thilin Got nge girdi’ nu Israel u lan fare nam nu Moab; ngan puthuy gubin e tiney ko fare m’ag ni ngongliy SOMOL u thilrad u daken fare Burey ni Sinai.

Deuteronomy 31:1

Me ul ul Moses ngay ngi i welthin ngak e girdi’ nu Israel,

Deuteronomy 33:2

I SOMOL e yib ko burey ni Sinai; I for ngalang u daken yu Edom ni bod e yal’, me gal ram’en ko burey ni Paran nga daken e tirok e girdi’. Yib ni ragag biyu’ e engel nike un ngak, ma bay ba nifiy ni be daramram rok,

Deuteronomy 5:1

Me pining Moses urngin fapi girdi’ nu Israel nga ta’bang me ga’ar ngorad, “Girdi’ nu Israel, motoyilgad nga urngin e pi motochiyel ni nggu pi’ ngomed e daba’. Mu filed ma nopa’med ni ngu’um folgad riy.

Joshua 22:4

Ere chiney e ke pi’ SOMOL ni Got romed e toffan ngak walagmed ni piyu Israel, ni bod rogon ni micheg. Ere mu sulod nga tafenmed ko fare but’ ni gimed be yog ni tafenmed, fare nam u ba’ ni ngek e Jordan, ni Moses ni tapigpig rok SOMOL e pi’ ngomed.

Joshua 22:7

Baley ko ganong rok Manasseh e pi’ Moses e binaw nu Bashan ngorad, ma ley ni aw ko fare ganong e pi’ Joshua bang e binaw ko ngal u Jordan ngorad u charen pi walagrad. Nap’an ni yog Joshua ngorad ni ngar sulod nga taferad me fal’eg wa’athrad,

Joshua 3:16

me tal e ran ko fare lul’ ndaki yan me mukun u p’ebugul e lul’ u Adam, ni fare binaw ni bay u to’oben yu Zarethan. Ma fare ran ni be yan ko re lul’ nem ngalan e Dead Sea e tal ndaki yan, me th’ab e girdi’ fare lul’ nga baraba’ u bang nib chugur nga Jeriko.

Joshua 9:1

Gel ni tay yu Israel e go’ nang gubin e pilung ni yad bay ko ngal u Jordan — u lan e pi burey, nga enggin e burey, nge ga’ngin dapel’ay u Mediterranean i yan nga Lebanon; ni aram e pilung nu Hit, Amor, Kanaan, Periz, Hiv, nge Jebus.

Joshua 9:10

nge n’en nike rin’ ko fa gali Pilung nu Amor ko ngek u Jordan ni Sihon ni Pilung nu Heshbon nge Og ni Pilung nu Bashan, ni yow ma par u Ashtaroth.

1 Samuel 25:1

Me yim’ Samuel, me mu’ulung urngin piyu Israel ngar mowaw niged. Miyad k’eyag u tabinaw rok u Ramah. Tomuren e biney, me yan David nga ted u Paran.