Daniel 9:26 - Bible Ni Thothup

²⁶ Ma bayi m’ay e ngiyal’nem ni Got e ke turguy ma bay ni thang e pogofan rok fa en ni turguy Got ni nge gagiyeg, ndariy ban’en nike bucheg. Re binaw nem nge fare Tempel ni bay riy e bay yib e salthaw rok ba pilung nib gel gelngin ngar buthuged. Ma tomur riy e yib ni bod e lul’ ni sugubur nge yib e ran riy i tharey e binaw nib tomgin nike fek e mael nge mogothgoth i yib ni Got e ke tiriggiliy.

Daniel 9:26 Σταυροειδείς Αναφορές

2 Samuel 21:5

Mar fulweged, ni lungurad, “Saul e ba’adag ni nge thang owchamad ni dabki pag bagmad nge par u bang u lan yu Israel.

Psalms 22:15

Ke mlik’ lan l’ugunag ni bod feni mlik’ e ab, ma bolowtheg e ke gabal ngalan e goy u l’ugnag kam pageg u fithik’ e fiyath ni ngum’.

Isaiah 28:2

I SOMOL e ke fal’eg rogon be’ nrib gel ni nge cham ngorad. Bay yib ni bod ba yoko’ ni bay e ayis ni gagang’ yang u fithik’ ni be mul nga but’, ni bod e n’uw ko sarbul, ni bod e ran ni yib i tharey daken e binaw nib machreg.

Isaiah 28:22

Dab mminmingad ko n’en ni gu be ginangmed ngay! Fa’an gimed ra minmin, ma ra gel fene mom’aw ni ngam milgad. Ku gu rung’ag ni SOMOL ni Gubin ma Rayag Rok e nge kirebnag ga’ngin fare binaw.

Isaiah 53:8

Nib ni kol min turguy ni ngan li’ ngem’ mu’un fek i yan ni ngan li’, ma dariy be’ ni rusnag ko n’en ni bay nrin’ ngak. Ni thang e fan rok ni bochan e denen rok e girdi’ rodad.

Isaiah 8:7

ma aram fan ni gag SOMOL e bay gu fek e emperor nu Assyria nge urngin e salthaw rok i yib ni ngar m’aged e mael nga Judah. Bay rabad ni bod e lul’ nu Eufrates ni sugbur nge tharey e binaw.

Jeremiah 46:7

Mini’ e cha’ney ni be yib ngalang ni bod e Nile, ni bod e lul’ nike sugbur?

Jeremiah 51:42

Pi to’ogor rok yu Babylon e bay ra puw gad ngarbad ni gawa n’ew ni nge tharay fare binaw.

Daniel 11:10

“Ma pi pumo’on ni fak e pilung nu Syria e bay ra fal’eged rogorad ni fan ko mael miyad kunuy e salthaw ni pire’ ni pire’. Ma bay rabad ni bod e ran ni sugbur ni dabyag i taleg ngar chamgad i yan ngar tawgad ko yoror ko pi to’ogor rorad.

Daniel 11:17

“Bayi leamnag fare pilung nu Syria ni nge pi’ e salthaw rok ni urngin ngar koled e nam rok e pilung nu Egypt ni ga’ngin. Me ngongliy ba m’ag u thilrow, me pi’ be’ ni bpin ni fak ngak ni nge le’engiy, ya be leamnag ni aram kanawo’en me gel ngak, machane dabiyag ni nge fel’ rogon e tin ke leamnag.

Daniel 11:22

Demturug be’ nra togopluw ngak, ni mus ko fare Prist rok Got ni Th’abi Ga’, ma yira chuwegrad nga ni thirifrad u but’

Daniel 11:36

“Pilung nu Syria e bayi rin’ nrogon ni ba’adag. Bayi ufanthin ngi i leamnag ni ir e ba ga’ ngak e pi got ngi i weliy ni kab tolang ngak fare Got ni Ir e Th’abi Tolang. Bay i par ni be rin’ nge mada’ ko ngiyal’ ni bayi pi’ Got e gechig ngak. Ma bayi rin’ Got e pin’en nike duwgiliy ni nge rin’.

Daniel 9:27

Ma re pilung nem e bayi par ni bay e tha’ nib mudugil u thilrad bo’or e girdi’ ni medlip e duw, mra yan dalip nge baley e duw ma bayi taleg e pi maligach nge pin’en ni yima ognag. Ma Fare N’en ni Th’abi Dabuy e bay ni tay ko gin th’abi tolang ko fare Tempel me par u rom nge mada’ ko ngiyal’ ni nge taw nga tol’ e cha’ ni ir e tay ngaram ni Got e ke tanomnag ni nge aw ngak.”

Hosea 1:9

Me ga’ar SOMOL ngak Hosea, “Mu tunguy fithingan ni ‘Gathi-girdi’-rog’, ya girdi’ nu Israel e gathi girdi’ rog, ma gathigag e Got rorad.”

Amos 8:8

Ere bayi durru’ e fayleng’, ma urngin e girdi’ ni bay u daken e re nam ney e bayi kireban’rad. Re nam ney ni polo’ e bayi rur; bayi puw ngalang me sul nga but’ ni bod e lul’ ni Nile.

Amos 9:5

I SOMOL ni Th’abi Tolang ma Gubin ma Rayag Rok e math ko fayleng, me durru’; ma urngin e girdi’ ni yad ma par u rom e yad ra yor. Ma fayleng ni polo’ e ra i puw ngalang me mul nga but’ ni bod e lul’ ni Nile.

Nahum 1:8

Ni bod rogon e lul’ ni sugbur nib tomgin me thang mit e pi to’ogor rok; me pag e pi’in yad ma togopluw ngak ngarm’ad.

Matthew 22:2

“Gagiyeg nu tharmiy e bod ba pilung ni ngongliy rogon e madnom ko mabgol rok fak ni pumo’on.

Matthew 22:7

Me ri damumuw fare pilung, me l’oeg e salthaw rok ngarbad ra thanged e fan rok e pi’in kar li’ed fapi tapigpig, miyad urfiy e binaw rorad.

Matthew 23:38

Ere chiney e bay nn’ag e tabinaw rom.

Matthew 24:2

Me ga’ar Jesus, “Bfel’ ni ngam fal’eged i yaliy e pi naun ney. Ba’aray bbugithin ni nggog ngomed: dariy ta’reb e malang u roy ni yira pag u tagil’, ya gubin ni bay nin’ nga but’.”

Mark 13:2

Me ga’ar Jesus ngak, “Ga be guy e pi naun ni ba ga’ ney? Dariy ta’reb e malang u roy ni yira pag u tagil’; ya gubin ni bay nin’ nga but’.”

Mark 13:7

Ma ngiyal’ ni gimed ra rung’ag lingan e mael nib chugur nge murung’agen e mael nib orel, ma dab mu rusgad; ya pin’ey e thangri yib, machane gathi fan e pin’ey e aram e ke taw nga tungun.

Mark 9:12

Me fulweg Jesus ngorad ni ga’ar, “I Elijah e ir e ra yib nsom’on ni bochan e nge fal’eg rogon urngin ban’en nge tay. Machane mangfan ni be yog e babyor nib thothup ni en ni Fak e Girdi’ e bo’or e gafgow ni bay tay ma bay ndarifannag?

Luke 21:24

Ma bay nthang e fan rorad ko saydon, min fekrad ni kalbus nga urngin e nam, ma pi’in gathi yad piyu Israel e bay ur yot’ed daken yu Jerusalem nge mada’ ko ngiyal’ ni ngar musgad riy.”

Luke 21:6

“Urngin e pin’ey ni gimed be guy e bay taw nga ba ngiyal’ ndariy ta’reb e malang u roy ni yira pag u tagil’, ya gubin ni bay nin’ nga but’.”

Luke 24:26

Gathi ri dabisiy ni nge gafgow fare Messiah ko pin’ey nge mu’ me yan ko fla’ab rok?”

Luke 24:46

me ga’ar ngorad: “Ba’aray e n’en ni kan yoloy: en ni Messiah e thingar ni gafgownag min faseg ko yam’ ko chirofen nra gaman e dalip ngay,

John 14:30

Dabkiyag ni ngu’ud nonod, ya en ni be gagiyegnag e girdi’ nu roy u fayleng e be yib. Dariy gelngin ni nge gagiyeg nigeg,

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

1 Peter 2:21

Ireray e ren’en ni ir e ke piningmed Got ngay; ya Kristus e ir e gafgow ni bochmed me dag ngomed rogon ni ngam folwokgad rok, ni aram e ngu’um leked luwan ay.

1 Peter 2:24

Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;