Daniel 9:15 - Bible Ni Thothup

¹⁵ “Somol ni Got romad, mu dag gelngim ya mu fek e girdi’ rom nga wuru’ yu Egypt, ma gelngim e dawor ni pag talin. Kug denen gad; ma kug ngongliyed e kireb.

Daniel 9:15 Σταυροειδείς Αναφορές

1 Kings 8:51

Yad e girdi’ rom ni gur e mfekrad nga wuru’ yu Egypt, ni fare tafen e nifiy ni be daramram.

2 Kings 21:15

Gu ra rin’ e pin’ey ngak e tirog e girdi’ ni bochan e kar denengad nib togopluw ngog kar puged e damumuw rog ni ka nap’an fa ngiyal’ ni chuw e pi chitamangirad u Egypt ke mada ko bin daba’ e rran.”

2 Kronicles 6:37

ma ga ra motoyil ko pi meybil rok e pi girdi’ rom. Fa’anra yad bay u lan e re nam nem miyad pi’ keru’rad ko denen rorad ngar meybilgad ngom, ni yad be weliy ngom rogon farad denen nge ferad kireb, ma ga motoyil ko pi meybil rorad, SOMOL.

Nehemiah 1:10

“SOMOL, pi girdi’ ney e tapigpig rom, ni pi girdi’em. Gelngim nib gel nge feni sorom e mu chowegrad ngay.

Nehemiah 1:6

SOMOL, mu changar ngog ngam telim ko meybil rog ni gu be tay ni rran nge nep’ ni fan ngak e tapigpig rom ni er yu Israel. Nggog ngom ni gamad piyu Israel e gamad be denen. Pi chitamngig ni kakrom e ur denengad ma ku er rogog.

Nehemiah 9:10

Ma’ang’ang nni gin ngay e mu ngongliy nib togopluw ngak Farao, nge ngak e pi tolang ni bay nga tan pa’ nge girdi’ ko nam rok, ya mu nang gelngin e gafgow ni yad be tay ngak e tirom e girdi’. Me gilbuguwam ni bod rogon e bin daba’ e rran ni ka ba gilbuguwam.

Psalms 106:8

Machane aywegrad, ni bod rogon ni micheg, ni bochan e nge dag feni gel gelngin.

Exodus 13:14

Mra yani daken bi’id ni fith pifakmed ni pumo’on ko mangfan ni gimed be tayfan e rofen ney, mi gimed fulweg ni nge lungmed, ‘Bochan gelngin SOMOL nrib gel e fekmad riy nga wuru’ yu Egypt ni fare nam ni ug sibgad riy.

Exodus 13:16

Ran’ey ni gadad ma rin’ e ra puguran ngodad, ni bod ban’en ni kan m’ag nga pa’dad ara nga peri’dad ni ngi i puguran ngodad ni SOMOL e ke fekdad nga wuru’ yu Egypt u gelngin nib gel.’”

Exodus 13:3

Me ga’ar Moses ngak fapi girdi’, “Ngam ted u wun’med e rofen ney — irera’ e rofen nim chuwgad u lan yu Egypt ko gin um sibgad riy. Ya re rran ney e maruwel SOMOL nga gelngin nib gel nge fekmed nga wuru’ fare binaw. Dab mu koyed e flowa ni bay e is riy.

Exodus 13:9

Ran’ey nru’um rin’ed e bod ban’en ni kam m’agged nga pa’med fa nga peri’med ni ngi i puguran ngomed ndab mtalgad i weliy murung’agen ngak boch e girdi’, ma gimed be fil e Motochiyal rok SOMOL, ni bochan gelngin SOMOL nib gel e fekmed riy nga wuru’ yu Egypt.

Exodus 14:18

Nap’an ni gu ra gel ngorad, ma bayi nang piyu Egypt ni gag e SOMOL.”

Exodus 32:11

Machane me wenig Moses ngak SOMOL ni Got rok ni ga’ar, “SOMOL, mang ni ngari gel e damumuw rom ngak e girdi’ rom, ni gur e mu lagrad u tan pa’ yu Egypt nga pa’am nib gel nge gelngim nib gel?

Exodus 6:1

Me ga’ar SOMOL ngak Moses, “Chiney e bay mu guy e n’en ni bay gu rin’ ngak Farao. Bay gu gel nigeg ngak nge pagrad ngranod. Ara’ rogon, bay gu gel nigeg ngak nge mang ir e yog ngorad ni ngar chuwgad u daken e nam rok.”

Exodus 6:6

Ere ngamog ngak piyu Israel ni gu be ga’ar ngorad, ‘I gag SOMOL, e bay gu lagmed u tan gelngin e sib ni gimed be tay u Egypt. Bay gu pug pa’ag ngalang nib gel gelngin nggu pi’ ba gechig nib gel nga dakenrad, ma aram mu gu aywegmed.

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Isaiah 55:13

Yungi n’en ni go’ pan ni bay rachangalen e bayi tugul e gek’iy ni cypress riy; gek’iy ni myrtle e bayi tugul ko yungi n’en ni immoy e pan riy ni bay rachangalen. Ren’ey e ba pow ni bay i par ndariy n’umngin nap’an, ni ban’en ni ngi i puguran e pin’en ni Gag SOMOL e kug rin’.”

Isaiah 64:4

Dariy be’ ni ka’ e guy ara rung’ag murung’agen yu gu reb e Got ni bod gur, nma ngongliy e mitney e ngongol ni fan ngak e pi’in ni kar pired ni be l’agan’rad ngak.

Jeremiah 14:20

SOMOL, riyul’ ni ku gu ngongliyed e kireb; ma ku er rogon pi chitamangimad ni ur ngongliyed e kireb, ku gu ngongliyed e kireb nib togopluw ngom.

Jeremiah 32:10

Mu gu sayin ngay mu gu pirdi’iy e pow rog ko babyor ni aram e mich riy, mi ni thabthabilnag e salpiy riy u daken e thabthabil.

Lamentations 3:42

“Kug denen gad ma kug togopluwgad, me gur SOMOL, e dawor mu n’ag fan romad.

Ezekiel 5:6

Machane yu Jerusalem e i tagopluw ko tin gog ni ngan rin’, ngi i gagiyel nib gel e kireb rok ngak boch e nam, ni da i fol ni ba thil ko tin ba’aram e nam u to’oben i yan. Jerusalem e siyeg e tin u gog me digey e motochiyel rog nde tay u gil’.

Daniel 9:5

“Kug denen gad kug ngongliyed e kireb, ma kug ngongliyed e tin nde mat’aw. Kug paged e tin mog ngomad ni nggu rin’ed ma kug pi’ed keru’mad ko tin kam dag ngomad ni ir e bmat’aw.

Luke 15:21

Me ga’ar fachi cha’, ‘Chitamag, kug ngongliy e kireb nib togopluw ngak Got ma ba togopluw ngom. Dab kug bung ni nganog ni fakam gag.’

Luke 18:13

Machane fa’anem nib tamukun tax e par nib orel boch me mus ni nge pug owchen ngalang ma de rin’, machane me gad pa’ nga daken ngorongoren me ga’ar, Got, mu runguyeg, i gag e re tadenen ney!”

2 Korinth 1:10

Susun e nggu m’ad, machane ir e ayuwegmad nda gu m’ad, ma bay i ayuwegmad i yan; me ir e ke l’agan’mad ngak ni bay ki ayuwegmad ko riya’ bayay,

Deuteronomy 5:15

Ngi i par u wun’med ni um moyed ni gimed e sib u Egypt, me Gag SOMOL ni Got romed e gu lagmed u gelngig nib ga’ mab gel. Aram fan ni kug taychilen ngomed ni ngam tedfan e re rran ney ni Sabbath.