Daniel 9:11 - Bible Ni Thothup

¹¹ Urngin piyu Israel ni kar th’abed e pi motochiyel rom ma kar siyegned ni ngar motoyilgad ko tin ni kamog. Kug denen gad nib togopluw ngom ma kam girengiy nga dakenmad fapi buch wa’athan ni bay ni kan yoloy u lan e Motochiyel rok Moses, ni tapigpig rom.

Daniel 9:11 Σταυροειδείς Αναφορές

2 Kings 18:12

Samaria e waer ko mael ni bochan e da i fol e girdi’ nu Israel rok SOMOL ni Got rorad, ya ra th’abed fare m’ag ni ngongliy u thilrad, ma da ku ra folgad u urngin fapi motochiyel ni pi’ Moses ni tapigpig rok SOMOL. Da ur motoyilgad ngay ma da ur folgad riy.

2 Kings 22:16

ni be ga’ar, “Bay gu kirebnag e binaw nu Jerusalem mu gechignag e girdi’ riy, ni bod ni ka ni yoloy ko fare ke babyor nike be’eg e pilung nu Judah.

Isaiah 1:3

Garbaw e yad manang e pi’in be chuguluyrad, ma pi dongki e yad manang e gin yima durwi’iyrad riy. Ka bo’or e tin yad manang ngak piyu Israel ni girdi’ rog. Der pat ngan’rad ni aray rogon!”

Isaiah 43:28

Pi’in yad be gagiyeg nagmed e ur darifan niged e naun rog nib thothup. Ma aram mu gu girengiy e riya’ nga daken yu Israel, mu gu pag e girdi’ rog ngu u nog e thin nib kireb ngorad.”

Jeremiah 16:11

Ma aram e ngamog ngorad ni SOMOL e ke ga’ar, ‘Pi chitamangimed e ra pi’ed keru’rad ngog ng’ur ted fan ma yad be pigpig nga yug boch e got. Ra n’iged gag ni da ku ra folgad ko tin gu machib nag.

Jeremiah 2:29

Mang e gimed be gun’gun’nag? Mangfan ni gimed be togopluw ngog?

Jeremiah 30:14

Urngin e pi fager romed ma kar paged talinmed; ni dakrir fineyed gimed. Ku gu og ngomed ni bod ba to’ogor; gechig romed e ba gel ni bochan e denen romed nib pire’ mab ga’ e kireb romed.

Jeremiah 32:23

Machane fa’an rabad ngalan e re binaw ney nge mil suwon e gubin ban’en ngorad, ma da ur folgad ko pin’en ni u mog ni ngan rin’ ara ur pired ni bod rogon ni um machibnag; ma da rin’ed e tin mog ni ngar rin’ed. Ere ka mu fek urngin e pi gafgow ney nga dakenrad.

Jeremiah 40:3

are chiney e ke rin’ e n’en nni yog nra rin’. Ke buch gubin e pin’ey ni bochan e girdi’ rom ni yad be denen nib togopluw ngak SOMOL ma darir folgad rok.

Jeremiah 44:22

Ka daba’ e nge puth e binaw romed ma dakuriy be’ nra par riy. Ke par ya’an nike tamdag, ma fithingan e ke mang ba yaba’ ni bochan e SOMOL e dab kiyag ni nge k’adan’ ko kireb nge ngongol ni kireb ni gimed be rin’.

Jeremiah 44:23

Re riya’ e aw ngomed ni bochan e gimed be pi’ e maligach ngak yug boch e got ma gimed be denen nib togopluw ngak SOMOL ni damur folwokgad u gubin e tin ke ta’chiylen.”

Jeremiah 6:19

Fayleng, mmotoyil! Ku gu fek e mogothgoth i yib ngak e pi girdi’ ney, ni mogothgoth ni bay rogon ni ngan pi’ ngorad; ya dar folgad ko thin rog, ma ka ra pi’ed keru’rad ko tin ni ug machibnag ngorad.

Daniel 9:13

Ke yib ngomad urngin fapi gechig ni bay murung’agen u lan e Motochiyel rok Moses. SOMOL ni Got romad, mus ko chiney ma dawor gu guyed rogon ni nggu pi’ed keru’mad ko denen ni gamad be rin’ nggu warod nga lanin’um ara gu folgad ko tin kamog ni aram e tin nib riyul’.

Daniel 9:5

“Kug denen gad kug ngongliyed e kireb, ma kug ngongliyed e tin nde mat’aw. Kug paged e tin mog ngomad ni nggu rin’ed ma kug pi’ed keru’mad ko tin kam dag ngomad ni ir e bmat’aw.

Zekariah 1:6

U daken e pi tapigpig rog nge fapi profet e gu pi’ e motochiyel nge tin ngan kol ayuw riy ngak e pi chitamangimed kakrom, machane miyad fek yathin miyad gafgow u wenegen. Ma aram miyad cheal ngar pi’ed keru’rad ko kireb rorad miyad yog ni Gag fare SOMOL ni Gubin ma Rayag Rok, e kug gechig nagrad ni bay tapgin ni nge aw ngorad ni bod rogon ni kug turguy ni nggu rin’.’”

Zekariah 7:12

miyad el elnag lanin’rad ni bod e malang. Ni bochan e dar motoyilgad ko fanow ni gog u l’ugun e pi profet ni urmoyed kakrom, ma aram mri gu damumuw.

Zekariah 8:13

Gimed e girdi’ nu Judah ngu Israel! Kakrom e pi girdi’ nu bang e mang ba yaba’ ngorad ni bayi n’en me ga’ar bagyad ngak bagyad, ‘Mang e yigi aw fare riya’ ni aw nga daken yu Judah ngu Israel ngom!’ Machane bay gu aywegmed, ma aram e fa pi girdi’ nu bang e bay u roged ngorad ni ngar ga’ar gad, ‘Mang e yigi yag ngom e pi tow’ath ni yag ngak yu Judah ngu Israel!’ Ere nge pagan’med ma dab mrusgad.”

Deuteronomy 8:20

Fa’anra dab um folgad rok SOMOL mra thirifmed u but’, ni bod rogon fapi nam ni thirifrad u but’ ko ngiyal’ ni gimed be yan i yan nga m’on.