Daniel 8:9 - Bible Ni Thothup

⁹ Me yib buchi reb e gagey u reb fa aningeg i gagey. Me taw gelngin ko yimuch nge mada’ ngalan e ngek, nge taw ko fare nam ni micheg Got nra pi’ ko girdi’ rok.

Daniel 8:9 Σταυροειδείς Αναφορές

Psalms 105:24

I SOMOL e gagiyegnag e tirok e girdi’ nge yib pifakrad ni pire’, me gagiyeg nagrad ngu’ur gelgad ngak e pi to’ogor rorad.

Psalms 48:2

Zion e fare burey rok Got nib tolang ma ba gamog, ni fare binaw rok ba pilung nib ga’ nma pi’ e felfelan’ nga ga’ngin yang u fayleng.

Jeremiah 3:19

Be ga’ar SOMOL, “Israel, gu ba’adag ni nggu tem u lanin’ug ni fakag gur mu gu pi’ e binaw ngom nib manigil, ni aram e gin th’abi fel’ ya’an u ga’ngin yang u fayleng. Gu ba’adag ni ngam pining e matam ngog ma dab ku mu pi’ keru’um ngog bi’id.

Ezekiel 20:15

Ere gu micheg ngorad u lan e ted ni desert ni dab gu fekrad ko fare nam ni gu pi’ ngorad, nib but’ nib madnom mab yung’ol ma bfel’ u fithik’ e pi nam.

Ezekiel 20:6

Ma aram e ngiyal’ ni gu micheg ngorad ni bay gu fekrad nga wuru’ yu Egypt mu gu pow’iyrad ngab nam ni gu mel’eg ni fan ngorad, nib but’ nib yung’ol mab madnom, ni ir e th’abi fel’ u fithik’ e pi nam.

Daniel 11:16

En nike m’ag e mael ngorad e bayi guy e tin ngi i rin’ ngorad, ndakuriy be’ nra togopluw ngak. Ma bay yib i sak’iy ngalan fare nam, ni micheg Got ko girdi’ rok ni taferad, me par nike milfan nga tan pa’.

Daniel 11:21

Me ul ul fare engel ngay nge weliy ni be ga’ar, “Bin migid e pilung nu Syria e be’ nib kireb ndariy mat’wun ni nge pilung, machane yugu ra ni gin ma ke pilung u fithik’ e sasaliyeb.

Daniel 7:8

ma nap’an ni ku gu par ni ku gu lik’ath ko pi gagey rok nem, mu gguy bochi reb e gagey ni be yib ngalang u fithik’ fa tinem. Me aw nga dalip fapi gagey ni immoy nge pug ngalang. Ma bay lan mit ni bod lan mit e girdi’, ma bay l’ugun ni bod l’ugun e girdi’, ma be yog ni ir e sorok ma be ufanthin.

Zekariah 7:14

Bod bang i yiko’ ni aw, gu tharbograd ngranod ra pired nga yug boch e nam. Re but’ ney ni bfel’ e ni pag ni dakuriy ban’en riy, ma dakuriy be’ ni par riy.”