Daniel 8:26 - Bible Ni Thothup

²⁶ Ren’ey ni kam guy ni pi gamanman ni maligach ni yibe pi’ ni blayal’ nge kadbul ni ka ni weliy fan ngom e ba riyul’. Ere ngam tay nib mith, ya kab n’uw nap’an mfini yib i m’ug nib riyul’ e pin’ey ni kam guy.”

Daniel 8:26 Σταυροειδείς Αναφορές

Isaiah 24:22

I Got e bayi puthuy e pilung nga ta’bang ni bod e kalbus u lan ba low. Me ning e kalbus ngorad nge mada’ ko ngiyal’ ni ngan gechig nagrad.

Ezekiel 12:27

“Fak e girdi’, yu Israel e yad be leamnag ni pin’en ni kam guy nge pi yi’iy ni ga be tay e kab palog nga m’on.

Daniel 10:1

U lan e bin ba’aram e duw ni gaman e dalip ngay ni Cyrus e pilung nu Persia, me yib i gagyel ba thin ngak Daniel ni ku yima pining Belteshazzar ngak. Re thin nem e rib riyul’ machane rib mo’maw’ ni ngan nang fan. Ma aram mi ni piliyeg e changar rok nge nang fan.

Daniel 10:14

Ku gub ni nggu tamilangnag lanin’um ko tin bayi rin’ e girdi’ ko nam rom. Fa pin’en ni kam guy e bogi n’en ni bay fini yib.”

Daniel 11:2

Ma n’en ni nggu weliy ngom e chiney e ba riyul’.” “Kabay dalip e pilung ni bay rabad ngar gagiyeg niged yu Persia, ma bay yib e bin aningeg u tomur rorad, ni kab gel feni fel’ rogon ko tin ba’aram e pilung nib m’on rok. Ma bayi yan i mus nga rogon gelngin nge fel’ rogon rok me mael ngak e nam nu Greece.

Daniel 12:4

Me ga’ar ngog, “Daniel, chiney e ngam uchumiy fare ke babyor ma ga pag e hang ngay nge par nge yan i mada’ nga tomuren e fayleng. Ma bo’or e girdi’ ni bay ur milgad iyan nge sul, ma bay i ga’ e llowan’ i yan.”

Daniel 12:9

Me fuluweg ni ga’ar, “Daniel, ngamman, ya pi thin ney e ngan tay nib mith me par nib mith nge taw ko tungun.

Revelation 10:4

Ma nap’an nra nonod mu gu wan ni nggu yol. Machane mu gu rung’ag ba lam nike non u tharmiy ni ga’ar, “Mu tay nib mith e tin keyog fa medlip i dirra’; dab mu yoloy!”

Revelation 22:10

Ma aram me ga’ar ngog, “Pi thin ney ni bay u lan e re ke babyor ney ni nge yog e tin ni kabay ngam’on ni bayi m’ug e dab um tay nib mith, ya re ngiyal’ i n’en ni bayi taw ngay me m’ug e pin’ey ni gubin, e ke chugur.