Daniel 8:21 - Bible Ni Thothup

²¹ Fare kaming ni pumo’on e aram e nam nu Greece, ma fare gagey ni ba ga’ ni bay u thilin owchen e aram e bin som’on e pilung.

Daniel 8:21 Σταυροειδείς Αναφορές

Daniel 10:20

Me ga’ar, “Mog, ga manang fan ni ku gub ngom? Ku gub ni nggu tamilang nigem ko n’en ni kan yoloy ngalan fare Babyor ko Riyul’. Ma chiney e nggu sul nga Persia nggu cham ngak fare engel ni pilungen e nam nu Persia. Nge mu’ ma bay yib i m’ug fare engel ni pilungen e nam nu Greece. Dariy be nra ayuwegneg kemus ni Maikal, ni ir e ma matanagiy yu Israel.

Daniel 11:2

Ma n’en ni nggu weliy ngom e chiney e ba riyul’.” “Kabay dalip e pilung ni bay rabad ngar gagiyeg niged yu Persia, ma bay yib e bin aningeg u tomur rorad, ni kab gel feni fel’ rogon ko tin ba’aram e pilung nib m’on rok. Ma bayi yan i mus nga rogon gelngin nge fel’ rogon rok me mael ngak e nam nu Greece.

Daniel 11:3

“Ma aram e bay yib ba pilung nib falu’ ko mael. Ma ba ga’ yang e nam ni bay i gagiyegnag mi i rin’ e tin ni ba’adag.

Daniel 2:39

Bay yib reb e pilung nga tomrem ngi i gagiyeg, ma gagiyeg ni bay i tay e dabiyag ni nge yan i taw nga rogon e gagiyeg ni um tay, nge mu’ me yib e bin dalip e pilung, ni gagiyeg rok e bod e wasey ni bronze, ni ir e bay i gagiyegnag e fayleng ni polo’.

Daniel 7:6

Ku gu be changar mu gguy yugu reb e gamanman ni bod ya’an ba leopard, ni aningeg pon ni bay u daken keru’, ni bod pon e arche’, ma aningeg lolugen. Ma ka ni pi’ gelngin ni nge gagiyeg.

Daniel 8:20

“Fare saf ni pumo’on ni kam guy ni l’agruw e gagey rok e be yip’ fan e nam nu Media ngu Persia.

Daniel 8:22

Fa aningeg i gagey ni fa’ani yib i bogor ko fa ngiyal’ ni ba’aram ni m’ing e bin som’on e gagey e re nam nem nni guruynag nge par ni aningeg guruy nra reb e pilung ma be gagiyegnag bang, machane dabiyag ni nge ta’reb gelngirad ko fa bin som’on e pilung ni i gagiyegnag fare nam ni polo’ ko som’on.

Zekariah 9:13

Bay gu maruwel ngak yu Judah ni bod e gat’ing rok ba salthaw, mu gu maruwel ngak yu Israel ni bod bogi gan e gat’ing. Bay gu maruwel ngak e pumo’on nu Zion ni bod ba saydon, ngar maelgad ngak e pumo’on nu Greece.”