Daniel 8:17 - Bible Ni Thothup

¹⁷ Me yib Gabriel i sak’iy nga chereg, me yib e marus ngog nib gel nggu thig nga but’. Me ga’ar ngog, “Fak e girdi’, ngam nang fan e tin kam guy, ya be yip’ fan e pin’en bay yib ko tomuren e fayleng.”

Daniel 8:17 Σταυροειδείς Αναφορές

Genesis 17:3

Me ragbug Abram nge yan i yip’ owchen nga but’, me ga’ar Got,

Ezekiel 1:28

ni gubin e ra’en ko ragim ma bay riy. Irera’ fare ra’en nib maluplup ni be dag e gin bay SOMOL riy. Nap’an ni gguy e ren’ey, mu gu thig nga but’ ni gu ba palpal. Ma aram mu gu rung’ag ba lam

Ezekiel 2:1

ni be ga’ar, “Fak e girdi’, mu sak’iy, ya gu ba’adag ni nggu non ngom.”

Ezekiel 44:4

Ma aram me fekeg fare mo’on ko bin lel’och e garog nggu bow nga mit fare Tempel. Ma nap’an e gu changar, mug guy ni fare Tempel e ke sug nga ra’en SOMOL nib maluplup’. Mug palpal nga daken e but’,

Ezekiel 6:2

I ga’ar, “Fak e girdi’, mu changar ko pi burey nu Israel ngamog e thin rog ngorad.

Daniel 10:11

Me ga’ar ngog, “Daniel, gab t’uf rok Got. Mu sak’iy ngam uthum e lim ko tin nggog ngom. Ka nol’igeg ni nggub ngom.” Fa’ani yog e re bugithin ney, mu gu sak’iy, ni ku gu be t’on.

Daniel 10:16

Ma aram e fare engel ni bod ya’an ba girdi’, e k’iyag pa’ nge math nga dap’il’ugunag. Mug ga’ar ngak, “Siro’, ran’ey nike pig e changar rog kug guy e ke me’waer nigeg ndabkiyag ni gu par ndab kug t’on.

Daniel 11:27

Ma aram e bayi par e gali pilung nem nga ta’ab tebel ngar abichgow, machane ra bagayow ma tin ntagan e be leamnag, miyow par ngu’ur lifithew l’ugunrow ngorow. Ma dabiyag ngorow e tin yow be finey, ya dawori taw nga nap’an.

Daniel 11:40

“Nap’an nra ganowrug u puluwon fare pilung nu Syria, me cham e pilung nu Egypt ngak, ma fare pilung nu Syria bayi cham ngak nike musmus gelngin, ni bayi maruwel ko chariot rok, nge pi os, nge barkow ni pire’. Bayi mael nga bo’or e nam ni gowa’ lul’ ni sugbur.

Daniel 12:13

“Me gur, Daniel, e ngu’um par nib michan’um ma gab yul’yul’ nge mada’ ko tomur. Ma aram e bay mum’, machane bayi taw ko tungun ma ga fos ko yam’ mi ni pi’ puluwom ngom.

Daniel 12:4

Me ga’ar ngog, “Daniel, chiney e ngam uchumiy fare ke babyor ma ga pag e hang ngay nge par nge yan i mada’ nga tomuren e fayleng. Ma bo’or e girdi’ ni bay ur milgad iyan nge sul, ma bay i ga’ e llowan’ i yan.”

Daniel 2:46

Me paraw Nebukadnezzar ni Pilung u p’eowchen Daniel nga but’ me yog ni ngan maligach ngak Daniel, ni aram e ngan pi’ ba gamanman ni maligach, mu ku ni urfiy e incense.

Daniel 7:16

Mu gu wan ngak bagayad fa pi’nem ni yad ba sak’iy u rom mu gu wenig ngak ni nge weliy fan ngog ni gubin. Ma aram me weliy fan ngog.

Daniel 8:15

I gag, Daniel, e ug guy rogon ni nggu nang fan e pin’em nike pilyeg e changar rog kug guy. Ma yug gin ma ke sak’iy be’ nga p’eowcheg.

Daniel 8:19

me ga’ar, “Nggu dag ngom wenegan e damumuw rok Got ni bay yib. Tin kam guy e be yip’ fan e ngiyal’ ni ba’aram ko tungun.

Daniel 8:27

I gag Daniel e gu par ni gowa nchuchuyeg nga but’ mu gu par ni in e rran ni gub m’ar. Ma aram mu gu sak’iy nggu sul ko maruwel nike pi’ e en ni pilung ngog, machane gu par nike balyangan’ug ko tin ni kug guy ya de yag ni gu nang fan.

Daniel 9:23

Fa’an mu tabab ko wenig ngak Got, me fulweg Got taban e tin ga be wenig nag ngak. Kugub ni nggu weliy ngom e fulweg riy, ya gab t’uf rok Got. Mu uthum e lim nggu weliy fan ngom e tin mu guy ko fa ngiyal’ ni piliyeg e changar rom.

Daniel 9:27

Ma re pilung nem e bayi par ni bay e tha’ nib mudugil u thilrad bo’or e girdi’ ni medlip e duw, mra yan dalip nge baley e duw ma bayi taleg e pi maligach nge pin’en ni yima ognag. Ma Fare N’en ni Th’abi Dabuy e bay ni tay ko gin th’abi tolang ko fare Tempel me par u rom nge mada’ ko ngiyal’ ni nge taw nga tol’ e cha’ ni ir e tay ngaram ni Got e ke tanomnag ni nge aw ngak.”

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Matthew 17:8

Ma aram miyad pug owcherad ngalang ma yigo’o Jesus e ra guyed, ma dakur guyed be’ ngabang.

Revelation 1:17

Nap’an ni gguy mu gu aw u to’oben ay nga but’ ni gowa be’ nike yim’. Me tay e ba’ ni mat’aw i pa’ nga dakenag me ga’ar, “Dab mu rus! Yi gag fa’anem ni tabolngin nge tungun.

Revelation 22:8

I gag John e kug rung’ag ma kug guy e pin’ey ni gubin. Ma fa’an gu mu’ i rung’ag mu gu mu’ i guy e pin’ey mu gu paraw nga but u to’oben rifrifen ay fare engel ni fa’ani ir e ke dag e pin’ey ngog ni nggu siro’ ngak.