Daniel 7:6 - Bible Ni Thothup

⁶ Ku gu be changar mu gguy yugu reb e gamanman ni bod ya’an ba leopard, ni aningeg pon ni bay u daken keru’, ni bod pon e arche’, ma aningeg lolugen. Ma ka ni pi’ gelngin ni nge gagiyeg.

Daniel 7:6 Σταυροειδείς Αναφορές

Ezekiel 17:3

ngar nanged ko mang e gu be yog ngorad I Gag SOMOL ni Th’abi Tolang: Immoy ba arche ni eagle nib ga’ ni rib fel’ ya’an wulan ma gathi ba’achig pon, nma pithig nib ga’ radan. I changag nge yan ko burey nu Lebanon me t’ar tamaligin bake gek’iy ni cedar,

Daniel 10:20

Me ga’ar, “Mog, ga manang fan ni ku gub ngom? Ku gub ni nggu tamilang nigem ko n’en ni kan yoloy ngalan fare Babyor ko Riyul’. Ma chiney e nggu sul nga Persia nggu cham ngak fare engel ni pilungen e nam nu Persia. Nge mu’ ma bay yib i m’ug fare engel ni pilungen e nam nu Greece. Dariy be nra ayuwegneg kemus ni Maikal, ni ir e ma matanagiy yu Israel.

Daniel 2:39

Bay yib reb e pilung nga tomrem ngi i gagiyeg, ma gagiyeg ni bay i tay e dabiyag ni nge yan i taw nga rogon e gagiyeg ni um tay, nge mu’ me yib e bin dalip e pilung, ni gagiyeg rok e bod e wasey ni bronze, ni ir e bay i gagiyegnag e fayleng ni polo’.

Daniel 7:4

Bin som’on e bod ya’an ba layon ma bay pon ni bod ba arche’ ni eagle. Ma nap’an ni ku gu be changar, min pof pon. Min suwonnag fare gamanman nge sak’iy ni bod ba girdi’. Min pi’ laniyan’ e girdi’ ngak.

Daniel 7:5

Mu gguy e bin migid e gamanman ni bod ya’an ba gamanman ni bear nike sak’iy ko fa gal raba’ nem i ay ni bay nga tomur, ni bay dalip i yaw u l’ugun nike k’ad, ma bay ba lam ni be ga’ar ngak, “Mu longuy e ufin ngam fos.”

Hosea 13:7

Ere bay gu cham ngomed ni bod ba layon. Bay gu pach nggu son nagmed ni bod rogon ba gamanman ni leopard.

Revelation 13:2

Re gamanman nem ni gguy e bod ya’an ba gamanman ni leopard, ni bay ay ni bod ay e gamanman ni bear, nge l’ugun ni bod l’ugun e layon. Me pi’ fare dragon gelngin ngak fare gamanman, nge tagil’, nge mat’awun ni ba ga’ lungun u puluwon e girdi’.