Daniel 7:24 - Bible Ni Thothup

²⁴ Fa ragag i gagey e ragag i pilung ni yad e bay rogned e thin ko fare gagiyeg ni polo’. Ma bay ki yib i m’ug reb e pilung; ma bayi par nrib thil rok e tin nib m’on e pilung, ma bayi gel ngak dalip e pilung.

Daniel 7:24 Σταυροειδείς Αναφορές

Daniel 11:36

“Pilung nu Syria e bayi rin’ nrogon ni ba’adag. Bayi ufanthin ngi i leamnag ni ir e ba ga’ ngak e pi got ngi i weliy ni kab tolang ngak fare Got ni Ir e Th’abi Tolang. Bay i par ni be rin’ nge mada’ ko ngiyal’ ni bayi pi’ Got e gechig ngak. Ma bayi rin’ Got e pin’en nike duwgiliy ni nge rin’.

Daniel 2:41

Ma ku mu guy ni rifrif u ay nge bugul i ay e bang e ni ngongliy ko but’ ma bang e ni ngongliy ko wasey. Fan e ren’em e ra yan i aw ni ta’reb e nam ma l’agruw e pilung ni bay riy ni be gagiyeg. Bayi par ni bang ko re gagiyeg nem e bod gelngin e wasey, ni bochan e kan athkuy e wasey nge but’.

Daniel 7:20

Ma gu ba’adag ni nggu nang murung’agen fa ragag i gagey ni bay u lolugen, nge gfa binem ni fini yib u tomur nge yib i pug dalip ko fapi gagey nge mul. Bay lanmit nge l’ugun ni be yog ni ir e sorok, ma be ufanthin. Kab tamdag ya’an ko fa tin ba’aram e gagey ni immoy.

Daniel 7:23

Ba’aray fan nni weliy ngog: “Fa bin aningeg e gamanman e aram e bin aningeg e gagiyeg u roy u fayleng, ma ba thil e binem e gagiyeg ko tin ba’aram e gagiyeg. Ra pirdi’iy e fayleng ni polo’ me yot’yot’ nga but.

Revelation 12:3

Miki m’ug reb e pow u tharmiy, ni ba dragon nri ba ga’ nib rowrow ni medlip lolugen ma ragag e gagey rok, nra reb i lolugen ma bay reb e te’eliyaw riy.

Revelation 13:1

Ma aram mu gguy ba gamanman nike yib u fithik’ e day ngalang, ni ragag e gagey rok ma medlip lolugen, nra reb e gagey rok ma bay ba kiy i te’eliyaw riy, ma ra reb e pi lolugen nem ma kan yoloy ba ngachal nib kireb ngay nib togopluw ngak Got.

Revelation 17:3

Me ying fare Kan Nthothup ngog, me fekeg fare engel nga daken bangi ted. Mu gguy be’ ni bpin u rom nike par nga daken ba gamanman nib row ni bay e ngachal nib kireb nib togopluw ngak Got ni kan yoloy nga daken downgin ni gubin yang; ma re gamanman nem e medlip lolugen ni bay ma ragag e gagey rok.