Daniel 7:13 - Bible Ni Thothup

¹³ Nap’an ni gu be guy e pin’ey u malik’ay rog ni nep’, mu gguy be’ ni bod ya’an ba girdi’, nike yib e manileng i ing, ma be chugur i yib min fek i yan ngak fa’anem ni kab kakrom i yib ni immoy.

Daniel 7:13 Σταυροειδείς Αναφορές

Psalms 110:2

I SOMOL e bayi ga’nag e gagiyeg ni pilung rom nge wear u Zion i yan nga orel. Be ga’ar, “Gur e bay mu gagiyeg nga daken e pi to’ogor rom.”

Psalms 2:8

Mu ning ngog, mu gu pi’ urngin e nam ngom; ma re fayleng ney ni polo’ e bayi mil suwon ngom.

Psalms 47:5

Got e ke yan ngalang nga tagil’! Min tolulnag e felfelan’ me thow e rappa ni be yan SOMOL ngalang!

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Ezekiel 1:26

Ma puluwon fare n’em ni bod ya’an ba th’ib ni kani polpoluy ngalang e bay tagil’ be’ riy nni ngongliy nga bmit e malang ni bfel’ ya’an ma ba t’uf ni sapphire fithingan, ma en nike par ngay e bod ya’an ba girdi’.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Daniel 7:12

Ma tin ni kabay fapi gamanman e nchuweg gelngirad, min pagrad ngu’ur pired ni bay n’umngin nap’an ni kan turguy.

Daniel 7:2

ni tin ni gguy u malik’ay e re nep’ i n’em. I thow e nifeng nge yib u gubin yang nge pug e day,

Daniel 7:22

Me yib fa’anem ni kab kakrom ni immoy nge yib i pufthin nagrad me fol ngak e girdi’ rok Got ni Ir e Th’abi Tolang. Ya aram e ke taw nga nap’an ni girdi’ rok Got e ngan pi’ gelngirad ngar pired ni yad e ngar manged pilung.

Daniel 7:9

Nap’an ni ku gu be changar, min tay e pi chiya ni nge yan i par e pi’in ni pilung ngay. Fa’anem ni kab kakrom i yib ni immoy e yan i par nga daken reb. Ma mad rok e bod feni wechwech e ayis nma mul u lang nga but’, ma piyan lolugen e bod e tin th’abi klin bunu’en e saf. Ma chiya rok ni kan tay nga daken e tayapyap nnifiy.

Daniel 8:15

I gag, Daniel, e ug guy rogon ni nggu nang fan e pin’em nike pilyeg e changar rog kug guy. Ma yug gin ma ke sak’iy be’ nga p’eowcheg.

Matthew 13:41

en ni Fak e Girdi’ e bayi l’oeg e pi engel rok ngar kunuyed urngin e pi’in yad be waliy e girdi’ ngar denengad, nge urngin e pi’in yad be ngongliy e kireb ni kar maathukgad nga fithik’ e pi’in Got e be gagiyeg nagrad,

Matthew 24:30

Ma aram e bayi m’ug e pow ko en ni Fak e Girdi’ u lanelang; ma aram e urngin e ganong nu fayleng ni bay ra yorgad, ma bay ra guyed e en ni Fak e Girdi’ ni be yib nga but’ u daken e manileng ni bay gelngin ma rib galgal ram’en.

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,

Matthew 26:64

Me fulweg Jesus ngak ni ga’ar, “Bod rogon ni kamog. Machane nggog ngomed ni gimed gubin ni nge lungug: chiney i yan ngam’on e bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok, ni be yib u lang nga but’ ni bay u daken e manileng!”

Matthew 28:18

Me chuchugur Jesus ngorad me ga’ar ngorad, “Kan pag fan urngin ban’en ngog u tharmiy ngu but’.

Matthew 8:20

Me fulweg Jesus ngak ni ga’ar, “Gamanman ni fox e bay e low ni taferad, ma arche’ e bay taferad ni kar toyed, machane en ni Fak e Girdi’ e dariy bang ni nge pag ir riy nga but’ nge toffan.”

Mark 13:26

Ma aram e bayi m’ug e en ni Fak e Girdi’ ni be yib nga but’ u fithik’ e manileng ni bay gelngin nib gel ma be galgal ram’en.

Luke 21:27

Ma aram me yib i m’ug e en ni Fak e Girdi’, ni be yib nga but’ u fithik’ bangi manileng ni bay gelngin nib gel ma be galgal ram’en.

Luke 21:36

Um pired ni kam fal’eged rogomed ma gimed be meybil ni gubin ngiyal’ nge yib gelngimed nge yag ni mmarod u fithik’ urngin e pin’ey ni bayi m’ug ni dabi buch ban’en romed mi gimed yan mu sak’iygad nga p’eowchen e en ni Fak e Girdi’.”

Luke 24:27

Me weliy Jesus ngorow e tin ni murung’agen ni kan weliy u lan urngin kaen e babyor nib thothup, ni tabab ko yu ke rok Moses e babyor nge urngin e tin ni yoloy e pi profet.

John 12:34

Me fulweg fapi girdi’ ni aram urngirad ni lungurad, “Motochiyel rodad e be yog ngodad ni fare Messiah e ra par nib fos ndariy n’umngin nap’an. Ere mang ni kamog ni en ni Fak e Girdi’ e thingar ni tining ngalang? I mini’ e cha’nir ni Fak e Girdi’?”

John 3:13

Ya dariy be’ ni ka’a yan nga tharmiy ya kemus ni yigo’o en ni Fak e Girdi’ ni ir e yib u tharmiy nga but’.”

John 5:27

Ma ke pi’ ngak Fak mat’wun ni nge pufthinnag e girdi’, ya ir e en ni Fak e Girdi’.

Acts 7:56

Me ga’ar, “Mu sapgad! Kug guy e tharmiy nike mab ma kug guy fa’anem ni Fak e Girdi’ nib sak’iy u ba’ ni mat’aw rok Got!”

1 Thessalonika 4:17

ma gadad e pi’in kagadad ba fos ko ngiyal’ i n’em e bay ni kunuydad ngorad nga fithik’ e manileng ngad mada’gad Somol u fithik’ e nifeng. Ma aram e gubin ngiyal’ ni bay ud pired rok Somol.

1 Timothy 6:16

ni kemus ni go ir e dabi yim’; mma par ko tamilang ndariy be’ nrayag ni nge chugur ngay. Dariy be’ ni ka’a guy, ma dariy be’ nrayag ni guy, me ir e ngu’un tayfan ma bay i par gelngin ndariy n’umngin nap’an! Amen.

Hebrews 2:14

Pi girdi’ nem ni be yog e bitir ngorad e yad e girdi’ nni ngongliyrad ni ufin nge racha’, me yib Jesus i ngal’ nib girdi’ nge bod yad, me yag rarogorad ngak nrarogon e girdi’. I rin’ ni aram rogon ni fan e yam’ ni nge tay e nge kirebnag gelngin e mo’onyan’; ya mo’onyan’ e bay e yam’ u pa’,

Hebrews 9:24

Ya Kristus e gathi yan ngalan e Gin nib Thothup ni girdi’ e ngongliy, ni ya’an e bin ba’aram ni ir e ba riyul’. I ir e yan ngalan e tharmiy, ni ireram e gin ke yan ngay nike yan nga p’eowchen Got ni fan ngodad.

Revelation 1:13

Ma bay be’ nike sak’iy u fithik’ fa yu ley i n’en ni bod ya’an ba girdi’, nike yin’ ba mad nib n’uw nike yan i mus ko rifrif u ay, ma bay bangi leed ni gol nib longob nga ngorongoren nike yib u lik’ipon nge yib i th’ab daken ngorongoren.

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.

Revelation 14:14

Mu gu sap mu gguy bangi manileng nib wechwech, nike par be’ nga daken ni bod ya’an be’ nib mo’on, ni bay e te’eliyaw u lolugen nib gol ma bay bangi kama u pa’ nib m’uth.