Daniel 7:10 - Bible Ni Thothup

¹⁰ ni be yib ba yil’ i daramram riy. Ma pire’ ni pire’ e biyu’ e girdi’ ni yad bay u rom ni ngar pigpiggad ngak, ma ra’ay e million e karbad ra sak’iygad nga p’eowchen. Me tabab fare puf oloboch min pithig yu ke babyor.

Daniel 7:10 Σταυροειδείς Αναφορές

1 Kings 22:19

Me ul ul Mikayah ngay nge ga’ar, “Mu telim ko thin keyog SOMOL! Kug guy SOMOL nike par nga tagil’ u tharmiy, ni bay e pi engel rok ni yad ba sak’iy u to’oben.

2 Kronicles 18:18

Miki ul ul Mikayah ngay nge ga’ar: “Mmotoyil e chiney ko n’en ni be yog SOMOL! Kug guy SOMOL ni be par u daken e chiya rok ntagil’ e pilung u tharmiy, ni bay gubin e pi engel rok ni yad ba sak’iy u to’oben.

BABYOR NI JOB 25:3

Gur rayag ni the’eg be’ e pi engel ni yad be pigpig ngak? Gur bay bang ni der taw ra’en Got ngay?

Psalms 103:21

Mu pininged e sorok ngak SOMOL, gimed gubin piyu tharmiy ni bay gelngimed nib gel, ni gimed e pi tapigpig rok, ni gimed be rin’ e tin nib m’agan’ ngay!

Psalms 18:8

Yib e ath u lan p’ethngun nga but’, ma nifiy ni be daramram nge coal ni be yik e yib u l’ugun nga but’.

Psalms 50:3

Got rodad e be yib, machane gathi be yib ndariy lingan; ya bay ba nifiy ni be daramram nib m’on rok, ma bay bangi yoko’ ni ba liyeg.

Psalms 68:17

Ma yib Somol u Sinai nge yan ngalan fa gin nib thothup, nike un ngak yu biyu’ i chariot rok.

Isaiah 30:27

Gelngin SOMOL nge muluplupen e yira guy nga palog. Nifiy nge ath e ma dag e damumuw rok. Ra non ma thin rok e ma yik’ ni bod e nifiy.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Daniel 12:1

Me ga’ar fare engel ni bay ba mad nib wech u daken, “Re ngiyal’ i n’em e Maikal, ni pilungen e pi engel, ni ir e ma matanagiy e girdi’ rom e bay yibi m’ug. Ma aram e bayi taw nga bangiyal’ ni nge gafgow e girdi’, ni aram e bin th’abi ga’ e gafgow ni ka nap’an ni sum e pi nam. Nap’an nra taw e ngiyal’nem, ma urngin e girdi’ ko nam rom ni ka ni yoloy fithingrad ngalan e babyor rok Got e bay ni chuwegrad u fithik’ e gafgow.

Daniel 7:22

Me yib fa’anem ni kab kakrom ni immoy nge yib i pufthin nagrad me fol ngak e girdi’ rok Got ni Ir e Th’abi Tolang. Ya aram e ke taw nga nap’an ni girdi’ rok Got e ngan pi’ gelngirad ngar pired ni yad e ngar manged pilung.

Daniel 7:26

Ma aram e bayi tabab e puf oloboch, min chuweg gelngin rok min thirif u but’.

Zekariah 14:5

Gimed ra mil ngam thumur gad u lan e re loway ney nike ki’eg fare burey ni l’agruw guruy. Gimed ra mil ni bod e pi chitamangimed kakrom u nap’an ni yib fare durru’ fa ngiyal ni Uzziah e Pilung nu Judah. I SOMOL ni Got rog e bay yib nike un urngin e pi engel ngak.

Matthew 25:31

“Ngiyal’ nra yib e en ni Fak e Girdi’ riy nike pilung, nike un urngin e pi engel ngak, e bayi par nga tagil’ nib pilung,

Deuteronomy 33:2

I SOMOL e yib ko burey ni Sinai; I for ngalang u daken yu Edom ni bod e yal’, me gal ram’en ko burey ni Paran nga daken e tirok e girdi’. Yib ni ragag biyu’ e engel nike un ngak, ma bay ba nifiy ni be daramram rok,

Hebrews 1:14

Ma pi engel e yad e mang? Yad e pi kan ni yad ma pigpig ngak Got nma l’oegrad ngar ayuweged e pi’in ni ngar thapgad ngak Got.

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Jude 1:14

I Enok e ir e man e bin medlip e mfen ngak ko girdi’ ni yib rok Adam, kab kakrom me yi’iynag murung’agrad ni gaar, “Mu sapgad! I Somol e bay yib nike un bo’or e biyu’ e engel rok nib thothup ngak,

Revelation 11:18

Pi nam e kari gel e damumuw rorad, ya ke taw nga nap’an ni nge taw e damumuw rom, nge nga nap’an ni ngam pufthinnag e pi’in ni karm’ad; nge nga nap’an e ngiyal’ ni ngam pi’ puluwon e tapigpig rom ni fapi profet, nge urngin e tirom e girdi’, ni pi’in yad ba tolang nge pi’in yad ba sobut’, ni urngin e pi’in ni bay madgum u wun’rad. Ke taw nga nap’an ni ngan kirebnag e pi’in ni kar kireb niged e fayleng!”

Revelation 5:11

Ma fa’ani kug sap bayay mu gu rung’ag laman e pi engel, ni yu biyu’ nge yu ragag i biyu’ urngirad ni kar sak’iygad ni kar cholngobiyed tagil’ fa’anem, nge fa aningeg i n’em ni yad ba fos, nge fapi pi’ilal,