Daniel 6:28 - Bible Ni Thothup

²⁸ Ma Daniel e i par ni bfel’ rogon u nap’an ni Darius e pilung nge nap’an ni Cyrus ni be’ u Persia e pilung.

Daniel 6:28 Σταυροειδείς Αναφορές

2 Kronicles 36:22

U lan fare duw nsom’on nike mang Cyrus nu Persia e pilung, me gagiyegnag SOMOL e n’en nike yog u daken Jeremiah ni profet nge yib i m’ug nib riyul’. I tay SOMOL nga laniyan’ Cyrus ni nge yoloy e re thin ni ba’aray nge pi’ ni ngan be’eg nib ga’ lamay u gubin yang u lan gil’ilungun:

2 Kronicles 36:23

“Irera’ e n’en keyog Cyrus ni Pilung nu Persia ni ngan rin’. I SOMOL ni Got nu Tharmiy e ke teg ni gag e nggu gagiyeg u daken e re fayleng ney ni ga’ngin ma ke pagfan fare tempel ngog ni nggu toy ni fen u Jerusalem u lan yu Judah. Ere chiney e gimed gubin e pi’in ni gimed e girdi’ rok Got e ngam marod e ngaram, mang e yigi un SOMOL ni Got romed ngomed.”

Psalms 77:15

Gelngim nib gel e mu ayweg e girdi’ rom ngay, ni pi’in owchen Jakob nge Josef.

Isaiah 44:28

Ke lungug ngak Cyrus, ‘Gur e bay mu gagiyeg ni pa’ag; bay mu rin’ e n’en ni gu ba’adag ni ngam rin’: bay mog ni ngan fulweg yu Jerusalem nga rogon mi ni ubung e def ko Tempel.’”

Jeremiah 32:20

Kakrom e um ngongliy e maang’ang nge tin un ngat ngay u lan yu Egypt, ma ga ul’ul ngay ke mada’ ko biney e rran, u lan yu Israel ngu fithik’ gubin e nam, ni aram e chiney e kan nangem u gubin yang.

Daniel 1:21

Mi i par Daniel u rom nge mada’ ko ngiyal’ ni yib i kol Cyrus, ni Pilung nu Persia, yu Babylon.

Daniel 10:1

U lan e bin ba’aram e duw ni gaman e dalip ngay ni Cyrus e pilung nu Persia, me yib i gagyel ba thin ngak Daniel ni ku yima pining Belteshazzar ngak. Re thin nem e rib riyul’ machane rib mo’maw’ ni ngan nang fan. Ma aram mi ni piliyeg e changar rok nge nang fan.

Daniel 3:29

“Ere chiney e nggog ni fa’anra non be’ u reb e nam, ara be’ u reb e racha’, ara be’ u reb e thin ni be darifannag fare Got rok Shadrak nge Meshak nge Abednego, ma nga ni popof pa’ nge ay min buthug e naun rok. Ya dakuriy yugu reb e got ngabang nrayag rok ni nge ayuweg e pogofan ni aray rogon.”

Daniel 5:28

ma fan e kuweg e aram e kem’ay i kuweg e gagiyeg ni ga be tay ka ni pi’ ngak yu Media nge yu Persia.”