Daniel 5:9 - Bible Ni Thothup

⁹ Me par Belshazzar ni Pilung ni kari magafan’ mri m’ay racha’en owchen, ma fapi tolang ni bay nga tan pa’ e ra pired ndakur nanged e n’en ngar rin’ed.

Daniel 5:9 Σταυροειδείς Αναφορές

Psalms 18:14

Me pag e pi gan e gat’ing rok nge wereg e pi to’ogor rok; ra’en e uluch ni be matmat e tulufrad ngay.

Psalms 48:6

I m’agrad e marus riy nge amith u rom, ni bod be’ ni bpin ni nge gargeleg bbitir,

Jeremiah 30:6

Ere mu tal e chiney ngam leam! Rayag ni gargeleg be’ nib mo’on bbitir? Ere ke di’in ni gu be guy ni gubin e pumo’on ni kar koled e yal rorad ni bod e ppin ni nge gargel? Ke di’in nike m’ay racha’en owchen gubin e girdi?

Jeremiah 6:24

Be ga’ar e girdi’ nu Jerusalem, “Ku gu rung’aged murung’agen, ma ke ul pa’mad; ma ke kolmad e marus, nge amith ni bod rogon be’ ni bpin ni nge gargel.

Daniel 10:8

Mi ni pageg u rom ni go’ gag ngu’ug guy e pin’em, ni bogi n’en ni yira ngat ngay. Mu gu par ndakuriy gelngig ma ke pig owcheg ngabang ni dabki poyeg be’.

Daniel 2:1

Nga l’agruw e duw nike pilung Nebukadnezzar, me lik’ay. Ma rib gel e magafan’ ni yib ngak ni bochan e re lik’ay nem ndakiyag ni nge mol.

Daniel 5:6

Me pig owchen ngabang nike yib e marus ngak nib gel ngi i chachafin bugun.

Matthew 2:3

Ma fa’ani rung’ag Herod ni Pilung ni aram rogon me rus, ma ku errogon urngin e girdi’ nu Jerusalem.

Revelation 6:15

Ma aram e pi pilung nu fayleng, nge pi’in yad be gagiyeg nge pi tolang ko salthaw, nge pi’in ni bo’or ban’en rorad nge pi’in ni ba ga’ lungurad, nge tin ni kabay e girdi’, ni pi’in yad e sib nge pi’in ni gathi yad e sib ko girdi’ e ra mithgad ngalan e yiy nge nga tan e war u daken e burey.