Daniel 5:7 - Bible Ni Thothup

⁷ Me tolul ni nge fek be’ e pi tamerong i yib, nge pi llowan’ nge pi’in yad ma bon ko t’uf. Ma fa’an rabad me ga’ar fa en ni pilung ngorad, “En nrayag rok ni nge be’eg e pi yol ney me yog fan ngog e yira yin’ madan e pilung nib re’en purple nga daken, min the’ ba yil’ i chen nib gol nga belel’ugun ni aram e kan tay fan, me par ni ir e migid ko en nib migid ngog.”

Daniel 5:7 Σταυροειδείς Αναφορές

Genesis 41:8

Ma fa’ani kadbul me par nike magafan’, me l’oeg e thin nge yan ngak urngin e pi tamerong nge pi’in ni gonop u Egypt ni ngarbad ngak. Me weliy ngorad e lik’ay rok, machane dariy bagayad ni yag rok ni nge weliy fan ngak.

Ester 3:1

Me yan i bangiyal’ me tolangnag Xerxes ni Pilung be’ nib mo’on ni Haman fithingan nge tay ko fare liw ni kemang tolang u lan e gin ma gagiyegnag. I Haman e be’ nib mo’on ni fak Hammedatha ni be’ ni owchen Agag.

Exodus 7:11

Ma aram e fare pilung e pining e pi gonop nge pi ta pig, miyad rin’ ni ku aram rogon.

Proverbs 1:9

Ya machib rorow ngom e ra fal’eg pangim ni bod ba kiy i te’eliyaw ni bfel’ ara ba kiy i churuwo’ nra fal’eg ya’am ngam gamog.

Tang Ko Pitang 1:10

Piyan lolgem e rib fel’usun u daken linglingim ma ke puf nga daken bilel’ugnam ni bod e churwo’.

Isaiah 47:13

Gab me’waer nike mayfan e fanow ni yag ngom. Mu pag e pi’in yad ma bon ko t’uf ngarbad ra aywegned gur picha’nem ni yad ma fil murung’agen e t’uf, ni pi’in ma fal’eg babyoren e mathil ko pi tharmiy ma urogned ngom u reb e pul ngu reb e n’en ni bayi buch rom.

Jeremiah 50:35

Be ga’ar SOMOL, “Yam’ e nge tay yu Babylon! Yam’ e nge tay e girdi’ riy, nge pi’in ma gagiyegnag, nge girdi’ riy nib gonop.

Ezekiel 16:11

Mu gu nunuw nagem ko bachal nge churwa’.

Daniel 1:20

Demturug e tin nra fith e en ni pilung, fa ban’en nib mo’maw’ ni nga ni gonopiy rogon, me pir’eg ni aningeg i pagel nem e gonap’an e ragag yay ni kab tamilangan’rad ko pi tamanbey nge pi tamerong ko nam rok ni ga’ngin.

Daniel 1:4

Ni dabisiy ni bogi pagel nib picho’ay ndariy bang u dowrad nib tagan, ma ba tamilangan’rad, ma bfel’ e sukul ni kan tay ngorad, ma yad ba lichow, nrayag rorad ni ngu’ur pigpiggad u tafen e en ni pilung. Mi Ashpenaz e nge fil ngorad rogon i be’eg e babyor nge rogon ni yima yoloy e thin nu Babylon.

Daniel 2:2

Me pi’ e thin nge yan ngak e pi tamanbey rok, nge pi tamerong, nge pi’in nma pig, nge pi llowan’ ni ngarbad ngar weliyed fan e re lik’ay rok nem. Fa’an rabad ra sak’iygad nga p’eowchen e en ni pilung,

Daniel 2:27

Me ga’ar Daniel, “Pilung, dariy reb e llowan’ ara ba tamerong ara ba tamanbey ara be’ nma bon ko t’uf nrayag rok ni nge weliy ngom.

Daniel 2:48

Ma aram me tay Daniel nga reb e liw nib tolang, me pi’ e tow’ath ngak ni pire’ ma rib fel’ me tay ni nge mil fan e nug nu Babylon ngak, me tay ni ir lolugen urngin e pi tafnow rok e en pilung.

Daniel 2:6

Machane fa’an gimed ra weliy ngog ko mang e re lik’ay nem nge fan, ma gu ra pi’ bogi tow’ath ngomed ni puluwon, mu gu tolang nagmed. Ere mogned ngog e re lik’ay nem nge fan.”

Daniel 4:14

Me non ni ba ga’ lungun ni ga’ar, ‘Ngan th’ab e re ke gek’iy nir min fabguy papa’ngin; min gunugunuy yuwan min wereg wom’ngin; ngan tuluf e pi gamanman ni bay u tanggin, nge pi arche’ ni bay u fithik’ i papa’ngin.

Daniel 5:11

Ya bay ba mo’on u lan e gagiyeg rom ni bay e kan nthothup ko pi got nib thothup rok. Nap’an ni chitamam e ir e pilung, me m’ug ni re mo’on nem e be’ nib tamilangan’, ma ba llowan’, ma ba gonop ni bod feni gonop e pi got. Ma chitamam i Nebukadnezzar ni Pilung e tay ni ir e pilung rok e pi tamanbey, nge pi tamerong, nge pi llowan’, nge pi’in yad ma bon ko t’uf.

Daniel 5:15

Pi tafnow ni gamad ma puruy’ nge pi tamerong e ka ni fekrad i yib ngaray ni ngar be’eged e pi yol ney ngar weliyed fan ngog, machane de pat fan rorad.

Daniel 5:16

Me ere kug rung’ag nrayag rom ni ngam pir’eg ma ga weliy fan e pin’en nda nnang. Fa’an rayag rom ni ngam be’eg e pi yol ney ngamog fan ngog, ma yira yin’ madan e pilung nib re’en purple nga dakenam, min the’ ba yil’ i chen nib gol nga belelugunam ni aram e kan tay fam, ma aram ma ga par ni gur e bin dalip e liw ni migid ngog.”

Daniel 5:29

Ka chingiyal’nem me yog Belshazzar ni nga nin’ madan e pilung nib re’en purple nga daken Daniel, min the’ ba chen nib gol nga belel’ugun ni aram e kan tay fan. Me tay ni ir e bin dalip e liw u tan pa’.

Numbers 22:17

Ba ga’ puluwon ni gu ra pi’ ngom, ma demturug e tin ga ra yog ma gu ra rin’. Wenig ngom, moy ngam bucheg wa’athan fapi girdi’.”

Numbers 22:7

Me fek e pi’in yad ma yog e thin rok piyu Moab nge piyu Midian puluwon e buch wa’athan ni nge tay Balaam ngak yu Israel miyad yan ngak Balaam, miyad yog e thin rok Balak ngak.

Numbers 24:11

Ere mu sul nga tafnam! Kug micheg ngom ni bay gu pi’ puluwom nib tolang, ma SOMOL e de pagem ni ngam rin’ e tin ku gu ning ngom, are dab ni pi’ puluwom.”

1 Samuel 17:25

Me lungurad, “A mu guyed! Mu telmed ko pong ni be tay! En nra li’ e ra fal’eg e en ni pilung rogon, ra pi’ fak ngak nge mang le’engin, me par ndab ki pi’ e girdi’ nu tabinaw rok urngin e tax ni yibe pi’.”