Daniel 5:16 - Bible Ni Thothup

¹⁶ Me ere kug rung’ag nrayag rom ni ngam pir’eg ma ga weliy fan e pin’en nda nnang. Fa’an rayag rom ni ngam be’eg e pi yol ney ngamog fan ngog, ma yira yin’ madan e pilung nib re’en purple nga dakenam, min the’ ba yil’ i chen nib gol nga belelugunam ni aram e kan tay fam, ma aram ma ga par ni gur e bin dalip e liw ni migid ngog.”

Daniel 5:16 Σταυροειδείς Αναφορές

Genesis 40:8

Me lungurow, “Ra bagamow ma ke lik’ay, machane dariy be’ u roy nrayag ni nge weliy fan e lik’ay.” Me ga’ar Josef, “I Got e ma tamilang nigey u fan e lik’ay. Mu weliyew e lik’ay romow ngog.”

Genesis 41:15

Me ga’ar Farao ngak Josef, “Kug lik’ay, ma dariy be’ nrayag rok ni nge weliy fan. Ma kanog ngog ni yira weliy e lik’ay ngom, ma rayag ni mu weliy fan.”

Genesis 41:42

Me luf Farao e luwew u bugul i pa’ ni bay e pow rok riy nge tay nga bugul i pa’ Josef; me yin’ e mad nib tolang puluwon nga daken Josef, me the’ ba kiy i chen ni gol nga belel’ugun Josef.

Daniel 2:48

Ma aram me tay Daniel nga reb e liw nib tolang, me pi’ e tow’ath ngak ni pire’ ma rib fel’ me tay ni nge mil fan e nug nu Babylon ngak, me tay ni ir lolugen urngin e pi tafnow rok e en pilung.

Daniel 2:6

Machane fa’an gimed ra weliy ngog ko mang e re lik’ay nem nge fan, ma gu ra pi’ bogi tow’ath ngomed ni puluwon, mu gu tolang nagmed. Ere mogned ngog e re lik’ay nem nge fan.”

Daniel 5:29

Ka chingiyal’nem me yog Belshazzar ni nga nin’ madan e pilung nib re’en purple nga daken Daniel, min the’ ba chen nib gol nga belel’ugun ni aram e kan tay fan. Me tay ni ir e bin dalip e liw u tan pa’.

Daniel 5:7

Me tolul ni nge fek be’ e pi tamerong i yib, nge pi llowan’ nge pi’in yad ma bon ko t’uf. Ma fa’an rabad me ga’ar fa en ni pilung ngorad, “En nrayag rok ni nge be’eg e pi yol ney me yog fan ngog e yira yin’ madan e pilung nib re’en purple nga daken, min the’ ba yil’ i chen nib gol nga belel’ugun ni aram e kan tay fan, me par ni ir e migid ko en nib migid ngog.”

Daniel 6:2

Me duwgiliy Darius Daniel nge ku l’agruw e girdi’ ni yad e ngu’ur guyed e maruwel ko fapi governor miyad guy ngu’un tay nga tagil’ e tin keyog.

Acts 8:18

Me guy Simon nnap’an ni tay fa gal apostel pa’row nga dakenrad me pi’ Got fare Kan Nthothup ngorad. Ma aram me yog Simon ni nge pi’ e salpiy ngak Peter nge John,