Daniel 4:22 - Bible Ni Thothup

²² “Pilung rog, i gur e re ke gek’iy nem nib n’uw ma ba gel. Ke ga’ buguwam ke yan i tun nga lanelang, ma gagiyeg ni ga be tay e ke taw nga urngin yang u fayleng.

Daniel 4:22 Σταυροειδείς Αναφορές

Genesis 11:4

Ma aram me lungurad, “Ngad ngongliyed reb e binaw ngodad ni pire’ e naun riy ni bay ba wulyang riy ni yan i tun ko lang. Me gilbuguwdad me siy da weargad u roy u fayleng.”

Genesis 28:12

Me lik’ay nike guy ba tawo’ ni yan u but’ nge mada’ nga lanelang. Ma be yan e pi engel rok Got riy ngalang ma yad be yib riy nga but’.

2 Samuel 12:7

Me ga’ar Nathan ku David, “I gur e cha’nem. Ma ba’aray e thin nike yog SOMOL ni Got rok yu Israel; ke ga’ar, ‘Gu dugliyem ni ngam mang pilung rok piyu Israel, me gag e gu ayuwegnem u pa’ Saul nde thay e pogofan rom.

2 Kronicles 28:9

Be’ nib mo’on ni Oded fithingan ni reb e profet rok SOMOL e i par u lan fare binaw nu Samaria. Me mada’nag fa raba’ i salthaw nu Israel nike chugur ni ngar taw gad ngalan binaw u Samaria ni ka ra feked boch piyu Judah ni kalbus, me ga’ar ngak fa raba’ i salthaw, “I SOMOL ni Got rok e pi chitamngimed e ke damumuw ngak yu Judah me pagmed ngam gelgad ngorad, machane mirin ni ka mu li’ed rad e ke rung’ag nga tharmiy e chiney.

Psalms 108:4

T’ufeg rom ni dabimus e keded nga p’ebgul e pi tharmiy; ma fenam yul’yul’ e ke tun nga lanelang.

Psalms 36:5

SOMOL, t’ufeg rom ni dabimus e ke t’aw ko pi tharmiy; ma fenam yul’yul’ e ke mada’ nga lanelang.

Jeremiah 27:5

“Gelngig nib gel e gu sunmiy e fayleng ngay, girdi’ nge gubin e gamanman ni bay u fayleng; bay gu tay nga tan pa’ e en ni kug mel’eg.

Ezekiel 17:3

ngar nanged ko mang e gu be yog ngorad I Gag SOMOL ni Th’abi Tolang: Immoy ba arche ni eagle nib ga’ ni rib fel’ ya’an wulan ma gathi ba’achig pon, nma pithig nib ga’ radan. I changag nge yan ko burey nu Lebanon me t’ar tamaligin bake gek’iy ni cedar,

Daniel 2:21

Ya ir e ma gagiyegnag nap’an ban’en nge ngal’an; I ir e ma pilung nigey me ir e ma chuwegey ko pilung. I ir e ma pi’ e gonop ngak e girdi’ mma gagiyeg nagrad ngar nanged fan ban’en.

Daniel 4:11

I tugul nge ga’ i ga’ nge yan i tun nga lanelang nge yan i par ni gubin e girdi’ nu fayleng nrayag ni nge guy.

Daniel 4:21

ma bfel’ ya’an yuwan, ma wom’ngin e ra gaman gubin e girdi’ nu fayleng riy. Gamanman ni malboch e yad ma par u tanggin, ma ke toy e arche’ taferad nga fithik’ i papa’ngin.

Daniel 4:29

Ragag nge l’agruw e pul nga tomuren, nnap’an ni be yan u daken e chigiy ko naun rok u Babylon,

Daniel 4:36

“Fa’ani sul lanin’ug ngog, min fulweg ngog e gagiyeg rog, nge tayfan, nge fanag pilung. Ma pi tafnow ni gamad ma puruy’ nge pi tolang ni yad bay u tan pa’ag e ra felfelan’gad ni kug sul, min fulweg ngog matwug ni pilung, nike gel e tayfan ni yibe tay ngog ko som’on.

Matthew 14:4

Ya yigi i yog John nma tawfe ngak Herod ni ga’ar, “De mat’aw ni kam leengiy e re pin nir!”

Revelation 18:5

Ya denen rok e ke yan ke tun ko tharmiy, ma dawori pag Got talin e ngongol rok nib kireb.