Daniel 4:19 - Bible Ni Thothup

¹⁹ Ma aram e Daniel (ni ku yima pining Belteshazzar ngak) e par nike magafan’ ndakiyag ni nge yog ban’en. Me ga’ar e en ni pilung ngak, “Belteshazzar, re lik’ay ney nge fan e dabi magafan’um ngay.” Me ga’ar Belteshazzar, “Pilung rog, re lik’ay nir nge fan e manga yigi par ni pi to’ogor rom e fan ngorad.

Daniel 4:19 Σταυροειδείς Αναφορές

Genesis 31:35

Me ga’ar Rachel ngak e chitmangin, “Chitmag, dab mu puwan’ ngog ya dabi bung rogog ning gu sakiy u p’eowchem; ya gub pal.” Miki gaweg Laban fapi liyos ni thothupen e tabnaw rok made pir’eg.

Genesis 32:18

Ma thingar mu fulweg ni nge lungum, ‘I Jakob ni tapigpig rom e fak. Ke pi’ ni tow’ath rok e masta rok i Esau. Mi Jakob e be yib ni be lekmad.’”

Genesis 40:12

Me ga’ar Josef, “Ba’aray fan: fa dalip pa’ i pa’ngin e aram e dalip i rran.

1 Kings 18:7

Ma nap’an ni be yan Obadiah, miyow mada’ Elijah. Me poy Elijah, me siro’ ngak Elijah me fith ngak ni ga’ar, “Mog, ri gur Elijah?”

Exodus 32:32

Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Jeremiah 29:7

Mmaruwelgad ni fan ko pi binaw ni ku gu pi’med ngay ni kalbus. Mmeybilgad ngog ni fan ngorad, ni bochan e fa’anra fel’ rograd ma ku ra fel’ rogmed.

Jeremiah 4:19

Amith! Dabkiyag ni ngu athmagliy e amith! Gumircha’eg! Be mithmith gumircha’eg nib almarin! Dabkiyag ni gu th’ab gulngag; kug rung’ag lingan e rappah nge lungun e tolul ko mael.

Daniel 1:7

Fa’anem ni ir e tolang ni yad bay u tan pa’ e thiliyeg fithingrad, nge tunguy Belteshazzar nge Shadrak nge Meshak nge Abednego ngorad.

Daniel 2:26

Me ga’ar e en ni pilung ngak Daniel (ni reb i fithingan e Belteshazzar), “Mog, rayag rom ni ngam weliy ngog e lik’ay rog nge fan?”

Daniel 2:37

I gur Pilung e th’abi ga’ u fithik’ gubin e pilung. I Got nu tharmiy e pilung nigem, me pi’ gelngim me tem ni ngu’um par nib sorom ma yibe ta’fam.

Daniel 4:24

“Pilung rog, ba’aray fan. Got ni Ir e Th’abi Tolang e ba’aray e n’en nike yog ni bayi buch rom.

Daniel 5:12

Yugu ba thil nib salap, ma ba gonop, ma ba llowan’ u rogon nma weliy fan e lik’ay, nge rogon nma gay fan e salepow, nge rogon nma weliy fan e pin’en nib mith nda nnang; ere mpi’ e thin nge yan ngak e re mo’on nem i Daniel ni tunguy e en ni pilung Belteshazzar ngak ma gog ngak nge weliy fan e pin’ey ngom ni gubin.”

Daniel 5:18

“Got ni Ir e Th’abi Tolang e gagiyegnag Nebukadnezzar ni chitamam nge mang ba pilung ni ba ga’, me gagiyegnag e girdi’ ngu’ur ted fan me par nib sorok.

Daniel 5:19

I yan i par nrib tolang ma ba gilbuguwan, ni girdi’ u urngin e pi nam, nge pi racha’, nge pi thin e ur rusgad ngak ni yad be t’on. Ra ba’adag ni nge li’ be’ ngem’ me rin’; ma ra finey ni nge par be’ ndab ni li’ ngem’ me par. Ra ba’adag ni nge tay fan be’ ara nge darifannag me rin’.

Daniel 7:15

Pin’en ni gguy u malik’ay rog e gu rus ngay, mu gu par ni kari magafan’ug.

Daniel 7:28

Kemus murung’agen e tin ni gu guy. I gag Daniel e ri gu rus nge m’ay racha’en owcheg, machane mu gu tay rog ni gubin nda gu weliy.

Daniel 8:27

I gag Daniel e gu par ni gowa nchuchuyeg nga but’ mu gu par ni in e rran ni gub m’ar. Ma aram mu gu sak’iy nggu sul ko maruwel nike pi’ e en ni pilung ngog, machane gu par nike balyangan’ug ko tin ni kug guy ya de yag ni gu nang fan.

Habakkuk 3:10

Fa’ani guyem e pi burey miyad durru’; me map’ e ran u lanelang nga but’. Me chub lingan e ran u tan e but’, me puw e n’ew rorad nge tolang.

1 Samuel 1:15

Me ga’ar Hannah, “Siro’, dawor gu balyang ko rrum. Dawor gu unum e rrum! Ke kireban’ug, ere gu be meybil ni gu be weliy ngak SOMOL e gafgow ni kug tay.

1 Samuel 24:8

Me lek David nga wean nge pining ni ga’ar, “Pilung rog!” Me sap Saul nga tomur me siro’ David ngak nike tay fan,

1 Samuel 26:15

Me fulweg David ni ga’ar, “Abner, gathi gur e re pumo’on nth’abi cheag u Israel? Ere mangfan ndamur yororiy e masta rom, ni fare pilung? Fin chiney e ke yib be’ u fithik’ e pi tent romed ni nge thang e fan ko masta rom.

1 Samuel 3:17

Me fith Eli ngak ni ga’ar, “Mang e ke weliy SOMOL ngom? Dab mmithag ban’en rog. Ya fa’anra dabmog ngog urngin e tin ke weliy ngom mra gechig nagem Got nib gel.”