Daniel 3:26 - Bible Ni Thothup

²⁶ Me yan Nebukadnezzar ko mab ko fare tafen e nifiy ni be daramram me pong ni ga’ar, “Shadrak! Meshak! Abednego! Gimed e pi tapigpig rok Got ni Ir e Th’abi Tolang! Mired nga wean!” Miyad yib nga wean ni ka chingiyal’ nem.

Daniel 3:26 Σταυροειδείς Αναφορές

Genesis 14:18

Me Melkizedek, ni ir e pilung nu Salem ma ku ir e Prist ni Th’abi Ga, e fek e flowa nge wayin i yib ngak Abram,

1 Kings 8:51

Yad e girdi’ rom ni gur e mfekrad nga wuru’ yu Egypt, ni fare tafen e nifiy ni be daramram.

Ezra 5:11

“Mar fulweged ni lungurad, ‘Gamad e tapigpig rok fare Got nu tharmiy ngu but’, ma gamad be toy bayay fare Tempel ni fa’ani toy ba pilung nib gel gelngin nu Israel kakrom.

Psalms 66:12

Kam pag e pi to’ogor romad ngar yot’yot’ed gamad; gu warod u fithik’ e nifiy nge sugbur, machane chiney e kam fekmad ko gin dabi buch ban’en romad riy.

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

Isaiah 52:12

Yaney e dab kum chuwgad ni gimed ba gur; ma gathi bay mu guyed rogon ni ngam thaygad! I SOMOL ni Got romed e bayi pow’iymed me yoror romed u gubin yang.

Jeremiah 11:4

Irera’ fare m’ag ni gu ngongliy u thilmad e pi chitamangirad u nap’an ni gu chuwegrad u Egypt, ni fare nam ni bod ba nifiy ni be daramram ngorad. Gog ngorad ni ngar folgad rog miyad rin gubin e tin kugog ni ngan rin’. Gog ngorad ni fa’an yad ra fol, ma yad ramang girdi’ rog mu gu mang Got rorad.

Daniel 2:47

Me ga’ar e en ni pilung ngak, “Got rom e ir e th’abi ga’ u fithik’ urngin e pi got, me ir e SOMOL rok e pi pilung, me ir e ma dag e pin’en ni bay nda nnang, ni bochan e ke yag rom ni ngam weliy fan e ren’ey ni ban’en nda nnang.”

Daniel 3:17

Fa’anra bay reb e got nrayag rok ni nge ayuwegmad u lan fare tafen e nifiy ni be daramram ma ra yan i aw ni Got romad, ni ir e gamad ma fol ko thin rok, me ir e bayi ayuwegmad u pa’am.

Daniel 4:2

Nggu weliy ngomed murung’agen bogi n’en ni yira ngat ngay nge bogi maang’ang ni Got ni Ir e Th’abi Tolang e ke dag ngog.

Daniel 6:20

Ma fa’ani chugur ngay, me tolul u fithik’ e magafan’ ni ga’ar, “Daniel, ni tapigpig rok fare Got ni be par nib fos! Mog, ke yag rok fare Got nri ga ma pigpig ngak u fithik’ e yul’yul’ ni nge ayuwegnem rok fapi layon?”

Daniel 6:21

Me fulweg Daniel ni ga’ar, “Pilung rog, ngu’um par ndariy n’umngin nap’an.

Daniel 7:25

Bayi welthin nib togopluw ku Got ni Ir e Th’abi Tolang me gafgownag e girdi’ rok Got. Ya bayi guy rogon ni nge thiliyeg e pi motochiyel rorad nge pi madnom ni yad ma madnomnag, ma bayi par e girdi’ rok Got u tan gelngin ni dalip nge baley e duw.

Acts 16:17

ni be lek tomuren Paul nge gamad, ni be tolul ni be ga’ar, “Pi cha’ney e tapigpig rok Got Nth’abi Tolang, ni yad be weliy ngomed rogon mi gimed thap ngak Got!”

Acts 16:37

Me ga’ar Paul ngak fapi pilungen e polis, “Kar toyed gamow u fithik’ e girdi’ ni yo’or, nda ni pufthin nagmow ma gamow girdi’en yu Roma! Ma ka ron’ed gamow nga kalbus. Ere ngar paged gamow e chiney nib mith? Danga’! Pi tolang rok yu Roma e thingar rabad ngaray ngar paged gamow.”

Acts 27:23

Ya fowngan e Got ni gag girdi’en me ir e gu ma meybil ma gu ma liyor ngak e yib ba engel rok ngog

Galatia 1:10

Re bugithin ney ni kugog e gimed be finey ma gu be guy rogon ni nggu wan nga laniyan’ e girdi’? Danga’! I Got e gu be finey ni nggu wan nga laniyan’! Ara gimed be finey ni gu be guy rogon ni nggu fel’ u wan’ e girdi’? Fa’an mang e gu be guy rogon ni nggu fel’ u wan’ e girdi’, ma dab gu mang reb e tapigpig rok Kristus.

Deuteronomy 4:20

ma gimed e ke chuwegmed Got u lan yu Egypt ni fare tafen e nifiy nma rannag e wasay, ni fan e ngam manged girdi’en, ni bod rogon e chiney.

Joshua 3:17

Ma nap’an ni yad be th’ab fare lul’ ni ngranod u daken e but’ ndakuriy e ran riy, ma fapi prist ni yad be mat’nag fare Kahol ko M’ag rok SOMOL e ra dugilgad u daken e but’ nike mlik’ u lukngun fare lul’ ni Jordan nge yan i mada’ ko ngiyal’ nike yib urngin e girdi’ nu Israel ra th’abed fare lul’ nga baraba’.

Joshua 4:10

Me par fapi prist ni yad ba sak’iy u lukngun e lul’ ni Jordan nge mada’ ko ngiyal’ ni kan rin’ urngin e tin ni yog SOMOL ngak Joshua ni nge weliy ngak e girdi’ ngar rin’ed. Irera’ e n’en ni yog Moses ni ngan rin’. Me gurnag piyu Israel yad ngar th’abed e lul’ nga baraba’.

Revelation 19:5

Ma aram me yib ba lam u tagil’ Got ni be ga’ar, “Gimed urngin e pi tapigpig rok Got, nge urngin e girdi’ ni pi’in yad ba tolang nge pi’in yad ba sobut’, ni bay madgun Got u wun’med e ngam pininged e sorok ngak e Got rodad!”