Daniel 2:35 - Bible Ni Thothup

³⁵ Ka chingiyal’nem me muchubu’ fapi wasey, nge fapi but’, nge fapi wasey ni bronze, nge fapi silber, nge fapi gol nge yan i par ni bod e fiyath u daken bangi n’en ni yima gunugunuy wom’ngin e grain riy ko ngal’an e gowel. Me yib i aw e nifeng ngay nge changegnag ni gubin, nde pag buchu’uw i chabungen. Machane me ga’ fare malang nge yan i par nike ngal’ nib burey nike upunguy e fayleng ni ga’ngin.

Daniel 2:35 Σταυροειδείς Αναφορές

BABYOR NI JOB 6:17

machane ra yib e gowal me ranran nge m’ay ngabang, me par fa yoch pa’ i lul’ nike mlik’.

Psalms 103:16

Me yib e nifeng i luf nga but’ ma aram e dab ku ni guy.

Psalms 22:27

Gubin e nam ni bay ra leam niged SOMOL. Gubin yang u roy u fayleng ni bay ra sulod ngak; gubin e girdi’ nu fayleng ni bay ra liyorgad ngak.

Psalms 37:10

Dabki n’uw nap’an me chuw e pi’in kireb; ra mu gayrad, ma dab mu piri’egrad;

Psalms 37:36

ma bayay ni gu wan u rom, ma daki moy; mu gu changarnag, ma da gu pir’eg.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Psalms 66:4

Urngin e girdi’ nu fayleng ni yad be liyor ngom; yad be yon’ tangin e sorok ngom, yad be tangnag e sorok nga fithngam.”

Psalms 86:9

Gubin e nam ni kam sunmeg e bay rabad ngar siro’gad ngom, miyad pining e sorok nga fanam gil.

Isaiah 11:9

Zion, burey nib thothup rok Got e ra par ndariy e kireb riy ara ban’en nra maad’ad ngak be’. Ma girdi’ ko nam e ri bayi tamilangan’rad u murung’agen SOMOL ni bod rogon lan e yungi day nib sug ko day.

Isaiah 8:9

Gimed e pi nam, mu’ulunggad nga ta’bang u fithik’ e marus! Gimed e pi nam nu fayleng ni gimed ba orel, mu telmed! Mu fal’eged rogomed ni ngam marod ko mael, machane ngam rusgad! Mu fal’eged rogomed, machane ngam rusgad!

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Hosea 13:3

Ere pi girdi’ ney e bay ra m’aygad ngabang ni bod e garbeb ni kadbul, ma bod e wa’angchol nma m’ay ngabang nri kakadbul u reb e rran. Bay ra boded keru’ e grain nike fek e nifeng ke chuw ko gin yima chuweg keru’ e grain riy, ku bod e ath ni be chuw u tafen e ath.

Mikah 4:13

Be ga’ar SOMOL, “Mmarod piyu Jerusalem, ngam gechig niged e pi to’ogor romed! Bay gu gel nagmed ni bod ba garbaw ni pumo’on ni bay e gagey rok ni wasey ma rifrif u ay e wasey ni bronze. Pire’ e nam ni bay mu bilged u but’, ma pi fel’ rogon rorad nra feked u fithik’ e yargal e bay mu pi’ed ngog, I Gag Somol ko fayleng ni polo’.”

Zekariah 12:3

Machane ra taw ko rofen nem, ma bay gu tay yu Jerusalem ni bod bmalang nib tomal, nra nam nra guy rogon ni nge chibiy ngalang e ra maad’ad. Gubin e nam nu fayleng e bay i ta’reb lungrad ni ngar cham gad ngay.

1 Korinth 15:25

Ya Kristus e thangri mang ir e i gagiyeg nge yan i mada’ ko ngiyal’ nike gel Got ngak urngin e pi to’ogor me ta’rad nga tan e rifrif u ay.

Revelation 11:15

Me thoy fa bin medlip e engel e rappa rok, me yan lamay ni ba ga’ u lan e tharmiy ni be lunguy, “Ke yib gelngin Somol rodad nge Messiah rok ni ngar gagiyegnigew e girdi’ nu fayleng, ma bayi gagiyegnag ndariy n’umngin nap’an!”

Revelation 12:8

machane me me’waer fare dragon, ma da ni pag fare dragon nge tirok’ e engel ni ngar pired u tharmiy.

Revelation 20:11

Ma aram mu gguy ba tagil’ e pilung nib ga’ ma ba wechwech nge en nike par ngay. Me mil e fayleng nge tharmiy u p’eowchen nga bayang nge da ku ni guy.