Daniel 2:23 - Bible Ni Thothup

²³ Gu be pining e sorok ngom ma gu be liyor ngom, i gur Got rok pi chitamangimad. Kam pi’ e gonop ngog nge gelngig; kam fulweg taban e meybil rog ma kam dag ngomad e n’en ni ngu’ug weliyed ngak e en ni pilung.”

Daniel 2:23 Σταυροειδείς Αναφορές

Genesis 18:17

Me ga’ar SOMOL u wan’, “Dabiyag ni gu mithag rok Abraham e n’en ni bay gu rin’.

Genesis 31:42

Fa’an manga da imoy Got rog, ni fare Got rok pi ga’ rog ni kakrom ni aram Abraham nge Isak, ma rib mich ni chiney e ga ra pageg nggu wan ndariy ban’en u pa’ag. Ma Got e be guy e tin be buch rog nge maruwel ni ku ug tay nib gel, me fowngan me ginangngem rog.”

1 Kings 18:36

Fa’ani taw ko ngiyal’ ni yima pi’ e maligach riy ko mithig yal’, me yib Elijah ko fare altar nge meybil ni ga’ar, “SOMOL ni gur fare Got rok Abraham nge Isak nge Jakob, mmicheg e chiney ni gur fare Got rok yu Israel, me gag e tapigpig rom ma urngin e pin’ey e kug ngongliy ni bod ni kamog ngog.

1 Kings 8:57

Mang e yigi par rodad SOMOL ni Got rodad ni bod ni i par rok pi chitamangidad ni kakrom; mang e yigi dabi pagdad ara n’agdad;

1 Kronicles 29:10

U rom u p’eowchen fare ulung ni ga’ngin me pining David ni Pilung e sorok ngak SOMOL. I ga’ar, “SOMOL ni Got rok e chitamngimad i Jakob, ngu’un pining e sorok ngom ni manechibog ko pichibod!

1 Kronicles 29:13

Got romad, chiney e gamad be pining e magaer ngom, ma gamad be pining e sorok nga fithingam nib mathangeluwol.

2 Kronicles 20:6

me meybil nib ga’ laman ni ga’ar, “A SOMOL ni Got rok e pi chitamngimad, u tharmiy e ga bay riy ni ga be gagiyegnag gubin e nam u fayleng. Gur e ba gel gelngim ma ga ba gel, ni dariy be’ nrayag rok ni nge togopluw ngom.

Psalms 21:2

Gur e kam pi’ ngak fiti laniyan’; kam pi’ ngak e n’en ni i ning.

Psalms 21:4

Ke ning e yafos ngom, ma kam pi’ ngak, ba yafos nib n’uw ma dabi mus bi’id.

Psalms 25:14

SOMOL e tafager rok e pi’in yad be fol rok, ma micheg ngorad e m’ag u thilrad.

Psalms 50:14

Ogmagaer e nge mang maligach romed ngak Got, mu pi’ed ngak e en ni Gubin ma Rayag Rok gubin e tin ni kam og niged.

Exodus 3:15

Mog ngak piyu Israel ni Gag, fare SOMOL, ni fare Got ko pi chitamangirad, ni Got rok Abraham, Isak, nge Jakob, e ku gu l’ogem ngorad. Ireray fithingag ni bay i par ndariy n’umngin nap’an; tin bay fini i yib e mfen e irera’ e re ngachal ni bay ur pininged ngog.

Proverbs 21:22

Be’ nib gonop e rayag rok ni nge gel u bbinaw ni bogi pumo’on ni yad ba gel e yad be matanagiy, me gathay e pi rungrung riy ni aram e n’en ni yad be pagan’ ngay.

Proverbs 24:5

Kabfel’ ni ngan gonop ko bin nge gel gelngiy, arrogon, kab ga’ fan e llowan’ ko gelngiy ni nge gel.

Proverbs 8:14

Gu ma leamnag ban’en ni nggu rin’ mu gu rin’. Bay e tamilangan’ rog, ma gu ba gel.

Eklesiastes 7:19

Gonop e kabga’ angin ngak be’ ko ragag i tagagiyeg ni nge yib angirad ngab binaw.

Eklesiastes 9:16

Yigguma yog ni gonop e kabfel’ ko yargel, machane dariy be’ nma leamnag ni be’ nib gafgow e ba gonop ara ni motoyil ko n’en ni be yog.

Eklesiastes 9:18

Gonop e ka bo’or fel’ngin ko tatalin e cham, machane ta’reb e tadenen mrayag ni kirebnag bo’or ban’en nib manigil.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Daniel 1:17

Me pi’ Got e llowan’ ngak fa aningeg i pagel ngar salapgad i be’eg e babyor miyad nang fan e tin ni bay u babyor, miyad salap i gonopiy urngin mit ban’en. Me pi’ Got e gonop ngak Daniel nrayag ni nge weliy fan e tin nma piliyeg e changar ngu’un guy nge lik’ay.

Daniel 2:18

Me yog ngorad ni ngar meybilgad ngak Got nu tharmiy nge runguyrad nge dag fare lik’ay ngorad nge fan nge dab ni unegrad ngak fapi tafnow nu Babylon ngan li’rad.

Amos 3:7

I SOMOL ni Th’abi Tolang e dariy ban’en nma rin’ nder ma dag ngak e pi profet, ni aram e pi tapigpig rok.

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Luke 10:21

Ma ku errogon e re ngiyal’nem ni suguy e Kan Nthothup Jesus ko felfelan’ me ga’ar, “Chitamag ni gur e Somol u tharmiy ngu but’! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul. Chitamag, i gur e mu turguy ni nge yodoro’ nrogon nib m’agan’um ngay.

John 11:41

Miyad chuweg fare gaf i malang u langan fare yiy. Me sap Jesus ngalang me ga’ar, “Chitamag, kari mmagaer, ni ga be rung’ag lungug.

John 15:15

Aram e dab kugog ni gimed e tapigpig rog, ya be’ nib tapigpig e de nang e n’en ni be ngongliy e en ni masta rok. Machane nggog ni gimed e tafager rog, ni bochan e kug weliy ngomed urngin e tin kug rung’ag rok e Chitamag.

Revelation 1:1

U lan e re ke babyor ney e kan yoloy fa pin’em ngay ni fini dag Jesus Kristus nga ni guy. Pin’ey e pi’ Got ngak John ni nge dag ngak e pi tapigpig rok Got e n’en nthingari m’ug ndab ki n’uw nap’an. Kristus e l’oeg e engel rok nge yan i dag me weliy e pin’ey ngak John, ni ir e tapigpig rok Kristus.

Revelation 5:5

Me ga’ar bagayad fa pi’in pi’ilal ngog, “Dakumur yor. A mu changar! Fare Layon ni yib ko ganong rok Judah, ni fa’anem ni ba sorok ni ir owchen David e ke gel ngak e kireb nrayag ni nge guchthuy fa medlip i hang nge pithig fare gi babyor ni kan bachiy.”