Daniel 2:20 - Bible Ni Thothup

²⁰ “I Got e ba gonop ma ba gel gelngin! Ngu’un pining e sorok ngak ni manechibog ko pi chibog.

Daniel 2:20 Σταυροειδείς Αναφορές

Genesis 14:20

I Got ni Th’abi Tolang e nga ni pining e sorok ngak, ya ir e ke ayuwegnem kam gel ngak e pi to’ogor rom ko mael.” Me fek Abram ragag e pasent u urngin e tin ni fek u fithik’ e mael nge pi’ ngak Melkizedek.

1 Kings 8:56

“Ke magaer SOMOL nike pi’ e gapas ngak e girdi’ rok, ni bod ni micheg ni bayi rin’. Ke tay nga tagil’ urngin e tin ni micheg u l’ugun e tapigpig rok i Moses.

1 Kronicles 29:20

Ma aram me yog David ngak fapi girdi’ ni ga’ar, “Ngu’um pininged e sorok ngak SOMOL ni Got romed!” Ma fa ulung i girdi’ ni gubin e ra pininged e sorok ngak SOMOL, ni Got rok e pi chitamngirad, miyad siro ni yad be liyor ngak SOMOL nge fare pilung.

2 Kronicles 20:21

Nga tomuren nike fith laniyan’ e girdi’, me yog ngak boch e girdi’en e musik ngar yin’ed e mad rorad nib n’uw ni yad ma yin’ ko ngiyal’ ni bay reb e gam’ing ni fan ngak SOMOL miyad m’on ngi i lay fa raba’ i salthaw, ni yad be tang ni be lungurad: “Ke sorok SOMOL! T’ufeg rok e dabimus!”

Nehemiah 9:5

I Jeshua, nge Kadmiel, nge Bani, nge Hashabneyah, nge Sherebiah, nge Hodiah, nge Shebaniah, nge Pethahiah ni yad bogi Levite e rogned ni nga ni pining e sorok ngak Got ni nge lunguy: “Mu sak’iygad ngam pininged e sorok ngak SOMOL ni Got romed; ngu’um pininged e sorok ngak ni dariy n’umngin nap’an. Nge gubin e girdi’ ma nge pining e sorok nga feni gilbugwan fithingam, ni yugu ara’ rogon ni sorok ni bay i pining e girdi’ ngom e dabi gaman.”

BABYOR NI JOB 12:13

Ma Got e bay e gonop rok ma ba gel gelngin; ma ba tanom ma ir e manang.

Psalms 113:1

Ke sorok SOMOL! Gimed e pi tapigpig rok SOMOL, mu pininged e sorok nga fithingan!

Psalms 113:2

Mang e yugun pining e sorok nga fithingan, e chiney i yan ngaram ndariy n’umngin nap’an.

Psalms 115:18

Machane gadad, ni gadad bafos, e bay ud pininged e magaer ngak e chiney i yan nga m’on ndariy n’umngin nap’an. Ke sorok SOMOL!

Psalms 147:5

Somol rodad e ba gel gelngin ma ba sorok; ma gonop rok e dabiyag i foleg.

Psalms 41:13

Ngan pining e sorok ngak SOMOL, ni fare Got rok yu Israel! Ngan pining e sorok ngak e chiney i yan ngaram ndariy n’umngin nap’an! Amen! Amen!

Psalms 50:23

Ogmagaer e ire re maligach nri ma tayfag, ma rib mich ni gu ra ayweg e pi’in yad ma fol rog.”

Psalms 62:11

Ke yo’oryay ni kug rung’ag nike yog Got ni gelngiy e bmilfan ngak,

Proverbs 8:14

Gu ma leamnag ban’en ni nggu rin’ mu gu rin’. Bay e tamilangan’ rog, ma gu ba gel.

Jeremiah 32:19

Ga ma tanomnag bogi ban’en ni fafeleal’ rogon ma ga ma rin’ bogi n’en nike pag rogon; ma ga ma guy urngin ban’en nma rin’ e girdi’, me gur e ga ma pi’ puluwon ngorad nrogon puluwon e ngongol rorad.

Ezekiel 28:3

Leam rom e gab llowan’ ngak Danel, ndariy ban’en nrayag i mithag rom.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Jude 1:24

Ngak e en ni ir e rayag rok ni nge ta’med ndab mmulgad me fekmed i yan ko fla’ab rok ndariy thibngimed ma ri gimed ba felfelan’ —

Revelation 5:12

miyad tang ni ba ga’ lamrad ni be lungurad: “Fare Fak e Saf nli’ ngem’ e bay rogon ni nge mil suwon urngin ban’en ngak, min pi’ e fla’ab ngak, nge gonop, nge gelngin, min tayfan, min gilnag buguwan, minog e sorok ngak!”