Daniel 12:8 - Bible Ni Thothup

⁸ Gu rung’ag e tin keyog, machane da gu nang fan. Mu gu fith ni lungug, “Siro’, uw rogon ni bayi mus gubin ban’en?”

Daniel 12:8 Σταυροειδείς Αναφορές

Daniel 10:14

Ku gub ni nggu tamilangnag lanin’um ko tin bayi rin’ e girdi’ ko nam rom. Fa pin’en ni kam guy e bogi n’en ni bay fini yib.”

Daniel 12:6

Bagayow e ga’ar ngak fare mo’on nike yin’ e mad nib wech nib sak’iy nib kan boch nga p’ebugul e lul’, “Uw n’umngin nap’an me yan i mus e pin’ey ni yibe ngat ngay?”

Daniel 12:7

Fare mo’on nike chuw ko mad nib wech ni bay u bugul e lul’ e pug pa’ ngalang nruw raba’ me micheg bbugithin nga fithingan Got nib manemus. Mu gu rung’ag nike ga’ar, “Bayi par ni dalip nge baley e duw. Ma nap’an nra m’ay e gafgow ni yibe tay ngak e girdi’ rok Got, ma ke lebug gubin e pin’ey.”

Daniel 12:9

Me fuluweg ni ga’ar, “Daniel, ngamman, ya pi thin ney e ngan tay nib mith me par nib mith nge taw ko tungun.

Daniel 8:13

Mu gu rung’ag laman ba engel ni fith ngak yugu reb e engel ni be ga’ar, “Uw n’umngin nap’an ni bayi par e pin’en ni ba’aray nike pilyeg e changar kan guy? Uw n’umngin nap’an nra par fare denen ni ubchiya’ u luwan e pi maligach ni yu rran? Uw n’umngin nap’an ni yira yot’yot’ fa raba’ i salthaw nu tharmiy nge fare Tempel nga but’?”

Luke 18:34

Ma dariy bochu’uw e pin’ey ni nang pi gachalpen fan; ya kan mithag fan e pi thin nem rorad, ma de yag nra nanged fan e n’en ni be weliy Jesus.

John 12:16

Ma re ngiyal’ i nem e de nang pi gachalpen fan e pi thin nem; machane nap’an ni faseg Got Jesus ko yam’ me yan Jesus ko fla’ab nga tharmiy, ma aram me yib ngan’rad nike yog e babyor nib thothup e re bugithin ney ni murung’agen, ma kar rin’ed e ren’em ni fan ngak.

Acts 1:7

Me ga’ar Jesus ngorad, “Ngal’an nge pi rran e ke duwgiliy e Chitamag u daken mat’wun, ma dariy rogon ni ngam nanged.

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.