Daniel 12:6 - Bible Ni Thothup

⁶ Bagayow e ga’ar ngak fare mo’on nike yin’ e mad nib wech nib sak’iy nib kan boch nga p’ebugul e lul’, “Uw n’umngin nap’an me yan i mus e pin’ey ni yibe ngat ngay?”

Daniel 12:6 Σταυροειδείς Αναφορές

Psalms 74:9

Urngin e pow ni thothup romad e dakriy; ma de magach ta’reb e profet, ma dariy be’ ni manang n’umngin nap’an me mus e ran’ey.

Ezekiel 9:2

Kachingngiyal’ nem me yib nel’ i pumo’on ko bin wuru’ e garog ko Tempel, nra bagyad make fek reb e talin e cham. Ma bay be’ nib pumo’on u fithik’rad nike yin’ ba mad nib wech, ni be fek ban’en ni nge yol ngay. Miyad yib ni yad gubin ngarbad ra sakiygad nga charen fare altar ni bronze.

Daniel 12:5

Mi gag Daniel e gguy l’agruw e pumo’on ni yow ba sak’iy, nra bagayow ma bay nga baraba’ fare lul’.

Daniel 12:8

Gu rung’ag e tin keyog, machane da gu nang fan. Mu gu fith ni lungug, “Siro’, uw rogon ni bayi mus gubin ban’en?”

Daniel 8:13

Mu gu rung’ag laman ba engel ni fith ngak yugu reb e engel ni be ga’ar, “Uw n’umngin nap’an ni bayi par e pin’en ni ba’aray nike pilyeg e changar kan guy? Uw n’umngin nap’an nra par fare denen ni ubchiya’ u luwan e pi maligach ni yu rran? Uw n’umngin nap’an ni yira yot’yot’ fa raba’ i salthaw nu tharmiy nge fare Tempel nga but’?”

Daniel 8:16

Mu gu rung’ag laman ba girdi’ nike non u ba’nem e lul’ ni Ulai ni be ga’ar, “Gabriel, mu weliy fan ngak e cha’nir e tin ke guy.”

Matthew 24:3

Ma nap’an ni par Jesus nga but’ u daken e burey nu Olive, me yib pi gachalpen ngak ni go’ yad, miyad fith ngak ni lungurad, “Mog ngomad ko wu’in e ra yib urngin fa pin’en ni kamog, nge n’en nra yib ni nge dag nike taw ko ngiyal’ ni bay mub riy nge ngiyal’ ni tomuren e fayleng.”

Mark 13:4

“Mog ngomad ko wu’in e ra yodor, ma ga yog ngomad ko mang e ra yib i m’ug ni pow riy ni aram e ke taw nga nap’an urngin e pi n’ir ni nge yib i m’ug.”

Efesus 3:10

ni fan e nge taw ko ngiyal’ney mu daken e galesiya e nge nang e pi engel nu tharmiy ni yad ma yog e thin nge pi’in yad ma tay murung’agen ban’en u tharmiy feni gonop Got u urngin ban’en.

1 Peter 1:12

I Got e dag ngak e pi profet nem ni maruwel ni yad be tay e gathi yad e nge yib fan ngorad, ya gimed, ni aram e ur weliyed murung’agen e tin nib riyul’ ni ir e kam rung’aged e chiney. Pi mol’og ko fare Thin Ni Bfel’ ni yad e ra welthingad u fithik’ gelngin fare Kan Nthothup nni pi’ u tharmiy nge yib e rogned e pi thin ney ngomed. Ireray e tin nib riyul’ e thin ni mus ngak e pi engel ni yad ba’adag ni ngar nanged fan.

Revelation 15:6

Ma fa medlip i engel ni bay fa medlip i gafgow rorad e rabad u lan fare Tempel nga wuru’; ni ka ron’ed e mad nib klin ma ba wechwech, ma bay e le’ed nib gol ni kan m’ag nga daken ngorongorrad.

Revelation 19:14

Ma salthaw nu tharmiy e yad be lek keru’ ni kar afgad nga daken e os nib wechwech ni ka ron’ed e mad nib be’ech ma ba wechwech.

Revelation 6:10

Miyad tolul ni ba ga’ lamrad ni be lungurad, “Somol ni Gubin ma Rayag Rok, ni gab thothup ma gab yul’yul’! Uw n’umngin nap’an mfini mpufthinnag e girdi’ nu fayleng ma ga gechig nagrad ni bochan e ra thanged e fan romad?”