Daniel 11:45 - Bible Ni Thothup

⁴⁵ Ma bayi n’uf fapi tent rok ni ba ga’ ni tafen nga bangi n’en ni bay u thilin e day nge fare burey ni bay e Tempel riy. Ma bayi yim’ ndariy be’ u charen ni nge ayuweg.”

Daniel 11:45 Σταυροειδείς Αναφορές

Psalms 48:2

Zion e fare burey rok Got nib tolang ma ba gamog, ni fare binaw rok ba pilung nib ga’ nma pi’ e felfelan’ nga ga’ngin yang u fayleng.

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Isaiah 11:9

Zion, burey nib thothup rok Got e ra par ndariy e kireb riy ara ban’en nra maad’ad ngak be’. Ma girdi’ ko nam e ri bayi tamilangan’rad u murung’agen SOMOL ni bod rogon lan e yungi day nib sug ko day.

Isaiah 14:13

Mu turguy ni ngam man ngalang nga tharmiy ngam ngongliy tagil’ e gagiyeg rom nga daken e pi t’uf nth’abi tolang. Um leamnag ni ga ra par nga but’ ni bod be’ nib pilung u daken e burey ko lel’och ko gin ma mu’ulung e pi got ngay.

Isaiah 2:2

Tin bayib e rran nga m’on e re burey ni bay e Tempel riy e bayi par ni ir e th’abi tolang u fithik’ gubin e burey, nge m’ug ngalang u fithik’ gubin e burey. Pire’ e nam ni bay rabad ngay,

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

Isaiah 65:25

Gamanman ni wolf nge pifak e saf e bay ur abichgad u ta’bang, ma pi gamanman ni layon e bay ur ked kenggin e grain ni bod e garbaw. Pi porchoyog e dab kur maad’adgad ngak e girdi’. Zion ni fare burey rog nib thothup e bayi par ndakuriy e kireb riy ma dariy ban’en riy ni yira maad’ad ngay.”

Isaiah 66:20

Bay ra fulweged gubin e girdi’ romed ko fapi nam nib tow’ath ngog. Bay ni fekrad i yib ko burey rog u Jerusalem nib thothup, u daken e os, nge mule nge kamel ngu chariot nge wagon, nri bod rogon yu Israel ni yad ma fek e grain ni maligach i yib nga Tempel ni bay u lan tafen ni kani bangbengnag ke be’ech.

Ezekiel 39:2

Bay gu soreg nga bang nib be’ech nggu gafaliy nga orel u lan e lel’och nge yib i taw ko fapi burey nu Israel.

Daniel 11:16

En nike m’ag e mael ngorad e bayi guy e tin ngi i rin’ ngorad, ndakuriy be’ nra togopluw ngak. Ma bay yib i sak’iy ngalan fare nam, ni micheg Got ko girdi’ rok ni taferad, me par nike milfan nga tan pa’.

Daniel 11:41

Ma ku ra kol fare nam ni micheg Got ko girdi’ rok ni ngar tafned nge thang e pogofan rok yu ragag i biyu’ girdi’en. Machane girdi’ ko pi binaw nu Edom, Moab, nge tin ni magach u Ammon e go’ bay ra thaygad ni dabni kolrad.

Daniel 11:44

Me rus nga murung’agen ban’en ni yib ngak u ngek ngu lel’uch, me mael nike el merin nge li’ pire’ e girdi’.

Daniel 2:35

Ka chingiyal’nem me muchubu’ fapi wasey, nge fapi but’, nge fapi wasey ni bronze, nge fapi silber, nge fapi gol nge yan i par ni bod e fiyath u daken bangi n’en ni yima gunugunuy wom’ngin e grain riy ko ngal’an e gowel. Me yib i aw e nifeng ngay nge changegnag ni gubin, nde pag buchu’uw i chabungen. Machane me ga’ fare malang nge yan i par nike ngal’ nib burey nike upunguy e fayleng ni ga’ngin.

Daniel 7:26

Ma aram e bayi tabab e puf oloboch, min chuweg gelngin rok min thirif u but’.

Daniel 8:25

Ma bay i mon’og i yan e tin ni be rin’ u fithik’ e sabanban ni bochan e ba sasaliyeb. Bay i par nib ufanthin me li’ bo’or e girdi’ ni yugu yad ra gin ma ke og ngorad. Ma bayi togopluw ngak fare Pilung ni ir e th’abi ga’ u fithik’ e pilung, machane bay ni thirif u but’ ni gathi gelngin e girdi’ e bay ni maruwel ngay.

Daniel 9:16

I gur e gab mat’aw, ere dab kum damumuw ngak yu Jerusalem, ya ir e binaw rom, ni fare burey rom nib thothup. Urngin e girdi’ ko pi nam ni yad ba chugur ngay e yad be changar nga but’ ngak yu Jerusalem nge ngak e girdi’ rom ni bochan e denen ni kug rin’ed nge pi kireb ni i ngongliy e pi chitamangimad.

Daniel 9:20

Gu par ni gu be meybil ma gu be puwofay nag e denen rog nge denen rok e girdi’ ko nam rog nu Israel ngak SOMOL ni Got rog ni nge fulweg e Tempel rok nib thothup nga rogon.

Joel 2:20

Bay gu chuweg romed e pi asmen’ing ni karbad ngomed u lel’och, ma bay gu tuluf boch i yad nga daken e yungi ted nder tugul ban’en riy. Tin ni bay nga m’on e bay ntulufrad ngalan fa gi day ni Dead Sea fithingan, ma tin ni bay nga tomur e bay ntulufrad ngalan fa gi day ni Mediterranean fithingan. Bay ra mel gad. Bay gu thang owcharad ni bochan urngin e tin kar rin’ed ngomed.

Mikah 4:2

ma bayi lungurad, “Ngdarod nga daken fare burey rok SOMOL, ko Tempel rok fare Got nu Israel. Ir e bayi fil ngodad e tin ba’adag ni ngad rin’ed; mu udarod u daken e yu pa’ i kanawo’ nike duwgiliy. Ya machib rok SOMOL e be yib u Jerusalem; ke par u Zion be non ngak e tirok e girdi’.”

Zekariah 14:8

Rofen nem e ra map’ e ran nma pi’ e yafos u Jerusalem, baley ko pi ran nem e bay i map’ ngalan fare gi day ni Dead Sea, ma baley riy e bay i map’ ngalan e day ni Mediterranean. Bay i map’ e re ran ney ni gubin ngiyal’ u gubin e duw, nnap’an e yal’ nge n’uw.

Numbers 34:5

ni iraram gin ni cheal riy nge sor ko loway ko mathil nu Egypt nge yan i mus ko day ni Mediterranean.

2 Thessalonika 2:4

Ma bayi togopluw nga urngin ban’en nma meybil e girdi’ ngay nge urngin ban’en ni bay rogon ngak Got. Ma bayi tay ir nib tolang ko pin’ey ni gubin, ni mus ngalan e Tempel rok Got ni bay yan i par riy nga but’ me yog ni ir Got!

2 Thessalonika 2:8

Ma aram e bay m’ug Fa’anem nib Kireb, mi Somol Jesus e bayi pag athon l’ugun ngak nge li’ ngem’ me kirebnag nga ram’en nib galgal ko ngiyal’ nra yib riy.

Revelation 13:10

En ni kan finey ni ngan kol e ri bay ni kol; ma en ni kan finey ni ngan li’ ko saydon ngem’ e bmuduwgil ni bay nli’ ko saydon ngem’. Ireray e ngiyal’ ni nge k’adan’ me pagan’ girdi’en Got ngak Got.”

Revelation 20:2

Me kol fare dragon, ni ir fare porchoyog nike kakrom, ni aram fare Mo’onyan’, ara Satan, me m’ag nge tay ni aram rogon nib biyu’ e duw.

Revelation 20:9

Miyad wear u daken e fayleng ngar longobiyed e gin ke par girdi’en Got riy nge fare binaw nib t’uf rok Got. Machane me yib e nifiy u lanelang nga but’ nge li’rad ngarm’ad.