Daniel 11:36 - Bible Ni Thothup

³⁶ “Pilung nu Syria e bayi rin’ nrogon ni ba’adag. Bayi ufanthin ngi i leamnag ni ir e ba ga’ ngak e pi got ngi i weliy ni kab tolang ngak fare Got ni Ir e Th’abi Tolang. Bay i par ni be rin’ nge mada’ ko ngiyal’ ni bayi pi’ Got e gechig ngak. Ma bayi rin’ Got e pin’en nike duwgiliy ni nge rin’.

Daniel 11:36 Σταυροειδείς Αναφορές

Psalms 136:2

Ngan pining e magaer ngak Got th’abi ga’ u fithik’ gubin e pi got; t’ufeg rok e ba manemus.

Psalms 33:10

I SOMOL e ma kirebnag e tanom ko pi nam, ma tel ni dabiyag e tin ka ra puruy’ niged.

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

Isaiah 10:23

Aram rogon, ga’ngin yang e re nam nem, ma SOMOL ni Th’abi Tolang ni Gubin ma Rayag Rok e ra fek e riya’ i yib ngay, nri bod rogon ni yog nra rin’.

Isaiah 10:25

Dabki n’uw nap’an ma bay gu lebuguy e gechig romed, ma aram e bay gu thirifrad u but’.

Isaiah 10:5

I SOMOL e ga’ar, “Gu tay yu Assyria nib dumow rog ni nggu gechegnag e pi’in ku gu damumuw ngak.

Isaiah 14:13

Mu turguy ni ngam man ngalang nga tharmiy ngam ngongliy tagil’ e gagiyeg rom nga daken e pi t’uf nth’abi tolang. Um leamnag ni ga ra par nga but’ ni bod be’ nib pilung u daken e burey ko lel’och ko gin ma mu’ulung e pi got ngay.

Isaiah 14:14

U mog ni ngam man ngalang nga p’ebgul e pi manileng ngam bod rogon e En ni Gubin ma Rayag Rok.

Isaiah 26:20

Gimed girdi’eg, marod ngalan e naun romed ngam man’ niged e mab nga fitikeru’med. Mi gimed mith bochngiyal’ nge taw ngilan’ nike m’ay e damumumuw rok Got.

Isaiah 30:33

Kakrom e ni fal’eg rogon bangi tagil e nifiy ni ngan urfiy e emperor nu Assyria riy. Gin’em e ba to’ar ma ba ga’ radan, ma ka ni ubung e l’ud riy ngalang. Ma SOMOL e bayi pogofannag ba yil’ i daramram nge aw e nifiy ngay.

Isaiah 46:10

Gog ko tabolngin e tin bay ko tungun; kab kakrom mu gog e tin bayib. Mu gog ni tin kem’ay i leamnag rog e dabiyag ni nge thil; ya gu ra rin’ urngin e tin kem’ay i leamnag rog.

Isaiah 57:9

Ma gimed be thiy ko florida nge gapgep romed ni ngu’um marod meybilgad ngak Molek. Mi gimed be l’oeg e pi tama’log romed nga orel nib palog, ni ngar gaweged boch e got ni ngu’um tedfan, ni mus ko fayleng ko yam’ ni ka ra tawgad ngay.

Ezekiel 28:2

Ni ga’ar, “Fak e girdi’, mog ko en ni be tay murung’agen yu Tyre, e n’en ni gu be yog ngak, I Gag, SOMOL ni Th’abi Tolang: Kam langlang ngalang ko ufanthin, ga be yog ni gur reb e got. Ga be yog ni gab got ni ka mu par nga tagl’im ni tagil’ e pilung, nib liyegem e day. Rayag ni ngu’um dake gab got, machane dangay, ya gab girdi’ gathi bod rogom ba got.

Ezekiel 35:13

Kug rung’ag fiti lungun nib togopluw ngog.”

Daniel 11:16

En nike m’ag e mael ngorad e bayi guy e tin ngi i rin’ ngorad, ndakuriy be’ nra togopluw ngak. Ma bay yib i sak’iy ngalan fare nam, ni micheg Got ko girdi’ rok ni taferad, me par nike milfan nga tan pa’.

Daniel 11:3

“Ma aram e bay yib ba pilung nib falu’ ko mael. Ma ba ga’ yang e nam ni bay i gagiyegnag mi i rin’ e tin ni ba’adag.

Daniel 11:37

Ma re pilung nem e bayi fek yathin fare got ni i pigpig e chitamngin kakrom ngak, nge fare got nib t’uf rok e pi’in ppin. Ma bayi fek yathin urngin e got, ya bayi leamnag ni ir e kab tolang ngorad.

Daniel 12:7

Fare mo’on nike chuw ko mad nib wech ni bay u bugul e lul’ e pug pa’ ngalang nruw raba’ me micheg bbugithin nga fithingan Got nib manemus. Mu gu rung’ag nike ga’ar, “Bayi par ni dalip nge baley e duw. Ma nap’an nra m’ay e gafgow ni yibe tay ngak e girdi’ rok Got, ma ke lebug gubin e pin’ey.”

Daniel 2:47

Me ga’ar e en ni pilung ngak, “Got rom e ir e th’abi ga’ u fithik’ urngin e pi got, me ir e SOMOL rok e pi pilung, me ir e ma dag e pin’en ni bay nda nnang, ni bochan e ke yag rom ni ngam weliy fan e ren’ey ni ban’en nda nnang.”

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Daniel 5:19

I yan i par nrib tolang ma ba gilbuguwan, ni girdi’ u urngin e pi nam, nge pi racha’, nge pi thin e ur rusgad ngak ni yad be t’on. Ra ba’adag ni nge li’ be’ ngem’ me rin’; ma ra finey ni nge par be’ ndab ni li’ ngem’ me par. Ra ba’adag ni nge tay fan be’ ara nge darifannag me rin’.

Daniel 5:20

Ma bochan e tolngan’ me ufanthin me gelan’, me gafgownag e girdi’, min chuweg ko pilung nge dakun tay fan.

Daniel 7:8

ma nap’an ni ku gu par ni ku gu lik’ath ko pi gagey rok nem, mu gguy bochi reb e gagey ni be yib ngalang u fithik’ fa tinem. Me aw nga dalip fapi gagey ni immoy nge pug ngalang. Ma bay lan mit ni bod lan mit e girdi’, ma bay l’ugun ni bod l’ugun e girdi’, ma be yog ni ir e sorok ma be ufanthin.

Daniel 8:19

me ga’ar, “Nggu dag ngom wenegan e damumuw rok Got ni bay yib. Tin kam guy e be yip’ fan e ngiyal’ ni ba’aram ko tungun.

Daniel 8:4

Mu gu par ngu’ug yaliy fare saf ni pumo’on ni be furuy e gagey rok ngalan e ngal, nge ngalan e lel’och, nge ngalan e yimuch. Dariy reb e gamanman nrayag ni nge taleg ara mil rok. Ya be rin’ e tin ni ba’adag ma be gel e ufanthin rok i yan.

Zekariah 11:16

Kug tay ba tagafal saf ni nge matanagiy fare ran’ i saf rog, machane der ma ayuweg e saf nike yib e riya’ ngorad; fe gaweg e tin kar maloggad, ara golnag e tin ke maad’ad, ara durwi’iy e tin ke magach nib fos. Me cheal ngi i kay ufin e tin nib sugsug e saf mi i popof bugli’ayrad.

John 5:30

“Dariy ban’en ni gu ra rin’ ni gag e leam rog; gu ma pufthinnag e girdi’ ni bod rogon nike yog Got ngog, ere tin ni gu ma turguy e bmat’aw, ya gathi tin ni gub adag e ir e gu be guy rogon ni nggu rin’, ya kemus ni tin ni ba’adag e en ni l’oegeg ku gub.

John 6:38

Ya ku gub u tharmiy nga but’ ni nggu rin’ e tin ni be finey e en nike l’oegeg ku gub, machane gathi nggu rin’ e tin ni gu be finey.

Acts 4:28

Ra mu’ulunggad ni ngar rin’ed urngin e tin kem’ay i duwgiliy rom ni ngan rin’, ni gelngim e mu duwgiliy ngay.

Deuteronomy 10:17

I SOMOL ni Got romed e ir e pilung ko pi got nge Somol ko pi somol. Ir e ba ga’ ma ba th’abi gel gelngin, ma ir e ngu’un fol rok. Der ma laniyan’ ma der ma fek puluwon e sasaliyab.

2 Thessalonika 2:3

Demturug rogon ma dab mpaged be’ nge ban nagmed. Ya re Rran nem e dab ka’a yib nge yan i mada’ ko ngiyal’ nra m’ug tomuren e Togopluw ni ngan tay ngak Got, ma aram me m’ug Fa’anem nib Kireb, ni be sor i yan nga fithik’ e nifiy.

2 Thessalonika 2:4

Ma bayi togopluw nga urngin ban’en nma meybil e girdi’ ngay nge urngin ban’en ni bay rogon ngak Got. Ma bayi tay ir nib tolang ko pin’ey ni gubin, ni mus ngalan e Tempel rok Got ni bay yan i par riy nga but’ me yog ni ir Got!

2 Thessalonika 2:8

Ma aram e bay m’ug Fa’anem nib Kireb, mi Somol Jesus e bayi pag athon l’ugun ngak nge li’ ngem’ me kirebnag nga ram’en nib galgal ko ngiyal’ nra yib riy.

Joshua 22:22

“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!

Revelation 10:7

Machane ngiyal’ nra thoy e bin medlip e engel e rappa rok riy, e aram e nge rin’ Got e tin ni kem’ay i leamnag rok ni bod rogon ni yog ngak e pi tapigpig rok ni pi profet, mi i par nib mith.”

Revelation 12:14

Ma fare pin e kan pi’ pon ni l’agruw raba’ ni bod pon ba arche’ ni eagle ni ba ga’ ni bochan e nge yag ni changeg nge yan ko gin ntafen u daken e ted, ko gin ni bay ni ayuweg riy ndalip e duw nge baley, ndabiyag ni nge yib fare porchoyog i cham ngak.

Revelation 13:1

Ma aram mu gguy ba gamanman nike yib u fithik’ e day ngalang, ni ragag e gagey rok ma medlip lolugen, nra reb e gagey rok ma bay ba kiy i te’eliyaw riy, ma ra reb e pi lolugen nem ma kan yoloy ba ngachal nib kireb ngay nib togopluw ngak Got.

Revelation 17:17

Ya ke tay Got ngalan gum’ircha’rad ni ngar ngongliyed e tin be finey, ni nge ta’reban’rad ngar pi’ed gelngirad ngak fare gamanman, ni nge yib gelngin nge gagiyeg nge yan i mada’ ko ngiyal’ nra yib i m’ug nike riyul’ e thin rok Got.

Revelation 17:3

Me ying fare Kan Nthothup ngog, me fekeg fare engel nga daken bangi ted. Mu gguy be’ ni bpin u rom nike par nga daken ba gamanman nib row ni bay e ngachal nib kireb nib togopluw ngak Got ni kan yoloy nga daken downgin ni gubin yang; ma re gamanman nem e medlip lolugen ni bay ma ragag e gagey rok.