Daniel 11:33 - Bible Ni Thothup

³³ Ma pi’in yad ba gonop ko thin rok Got e bay ra filed e llowan’ rorad ngak bo’or e girdi’. Ma bay ba ngiyal’ ni bay nli’ boch i yad u fithik’ e mael mini urfiy nge yim’, ma bochi yad e ni leag e chugom rorad min tayrad nga kalbus.

Daniel 11:33 Σταυροειδείς Αναφορές

John 16:2

Bay rogned ndab kum uned ko mu’ulung u tafen e mu’ulung rorad. Ma bayi taw nga ba ngiyal’ ni en nra thang e fan romed e bayi finey nra rin’ ni aram rogon ma aram e be pigpig ngak Got.

Matthew 24:9

“Ma aram e bayi kolmed e girdi’ ngar pi’ed gimed ngan gechig nagmed, ma bay nthang e fan romed. Ma urngin e girdi’ ni bay ra fanenikayed gimed ni bochag.

Malaki 2:7

Ri maruwel rok e pi prist ni ngar filed e tin riyul’ u murung’agen Got. Girdi’ e susun e ngranod ngorad ngar filed e tin nib m’agan’ug ngay, ya yad e pi tafek thin rok SOMOL ni Gubin ma Rayag Rok.

Revelation 17:6

Mu gguy fare pin nike chingnag nga racha’en pi girdi’en Got, nge racha’en e pi’in nli’rad ngarm’ad ni bochan e ur pired ni yad ba yul’yul’ ngak Jesus. Ma fa’an gguy e re pin nem me ri gu gin ngak.

Hebrews 11:34

miyad thang e nifiy nib gel, ma de yag ni ngan li’rad ko saydon. Yad mme’waer machane yib gelngirad ngar gelgad; ma yad ba gel ko mael, ma aram miyad li’ e salthaw rok e pi nam.

Daniel 12:10

Bo’or e girdi’ ni bay ni machalbog nagrad miyad par ni kar yal’uw gad. Girdi’ nib kireb e bay dab ra nanged fan, ngu’ur pired ni yad be ngongliy e kireb; ma pi’in yad ba gonop e bay ra nanged fan.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.

Revelation 6:9

Me th’ab fare Fak e Saf fa bin lal e hang. Mu gguy u tan fare altar e pi’in nli’rad ngarm’ad ni bochan e ur weliyed e thin rok Got ko girdi’ i yan, nri yad ba yul’yul’ ko maruwel ni ur ted ni ur weliyed murung’agen Got ko girdi’.

Revelation 2:13

Gu manang e gin ni ga ma par riy, ga be par ko fa gin ni bay tagil’ Satan riy. Gab yul’yul’ ngog, ma da mu n’ag e michan’ rom ngog ni mus ko fa ngiyal’nem ni Antipas, ni be’ nib yul’yul’ ngog ni i weliy murung’ageg ko girdi’ e nli’ ngem’ u wur ko gin ni be par Satan riy.

Revelation 1:9

I gag John ni walagmed, ni kad ta’ab girdi’gad Jesus ni gu be un ngomed ko gafgow nge k’adan’ ni bochan, ma gadad bmuun ko gagiyeg rok Jesus. Kan tiyeg nga daken bochi nam ni Patmos fithingan ni bochan e ug weliy e thin rok Got nge tin riyul’ ni weliy Jesus ngan nang.

2 Timothy 4:6

Me gag e ke taw ko ngiyal’ ni nge thay e pogofan rog riy ni bochan Kristus; ke taw nga nap’an ni nggu chuw ko biney e tamilang.

2 Timothy 1:12

ma ireray fan ni kug gafgow. Machane dagur tamra’ ngay, ya gu manang e en ni kug pagan’ug ngak, ma bmuduwgil u wun’ug nrayag rok ni nge tay e tin ke pag fan ngog ni dabi buch ban’en riy nge yan i mada’ ko Rofen ni bay sul riy.

1 Korinth 4:9

Gu ma finey ni Got e ke ta’mad e pi apostel nga th’abi tomur, ni bod e girdi’ ni kan turguy e gechig rorad ni ngarm’ad u p’eowchen e girdi’ ni yo’or, ni ngar manged tayengeg rok urngin e engel nge girdi’.

Acts 14:21

Me machibnag Paul nge Barnabas ngak e girdi’ u lan yu Derbe fare Thin Ni Bfel’ ni murung’agen Jesus, ma bo’or e girdi’ ni mich u wun’rad ngar manged pi gachalpen Jesus. Ma aram miyow sul nga Lystra ngranow u rom nga Ikonium, miyow yan u Ikonium nga Antiok ni bay u lan yu Pisidia.

Acts 11:26

Ma fa’ani pir’eg, me fek ngarbow nga Antiok. Ma reb e duw ni ur mu’ulunggad girdi’en e galesiya u rom ngu’ur machib nigew e girdi’ ni pire’. U rom u Antiok e ir e som’on nni pining girdi’en Kristus ngak e pi’in ke mich Jesus u wun’rad.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Matthew 20:23

Me yog Jesus ngorow ni ga’ar, “Ri bay mu unumew e n’en ni bay ko kap rog, machane dariy mat’wug ni nggu duwgiliy e en nge par nga ba’ ni mat’aw nge en ni nge par nga ba’ ni gilay’ rog. Ya gali yang i n’ey e tagil’ e gali cha’ nike ngongliy e Chitamag rogon ni ngar tagil’iyew.”

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

Matthew 10:21

“Ma girdi’ e bay ra pi’ed pi walagrad ni pumo’on ni ngan li’rad ngarm’ad, ma pi matam e ku ireram e n’en ni bay rrin’ed ngak pifakrad; ma bitir e bay ra togopluwgad ko matam nge matin rorad ngar pi’ed yad ngan li’rad ngarm’ad.