Daniel 11:27 - Bible Ni Thothup

²⁷ Ma aram e bayi par e gali pilung nem nga ta’ab tebel ngar abichgow, machane ra bagayow ma tin ntagan e be leamnag, miyow par ngu’ur lifithew l’ugunrow ngorow. Ma dabiyag ngorow e tin yow be finey, ya dawori taw nga nap’an.

Daniel 11:27 Σταυροειδείς Αναφορές

2 Samuel 13:26

Machane me ga’ar Absalom, “Ere fa’anra errogon, ma rayag ni ngam pag walageg i Amnon nge yib?” Me fith fare pilung ni ga’ar, “Mangfan nthingari yib?”

Psalms 12:2

Yad gubin ni yad be ban nigedyad; yad be pi’rad ngalang ko thin.

Psalms 52:1

Mang ni ga be uf ko kireb rom, gur e en ni yargel? Feni yul’yul’ Got e dariy n’umngin nap’an.

Psalms 58:2

Dangay! Ya kemus n’en nib kireb nrayag ni ngam rin’ed e gimed be leamnag, ma gimed be k’ar oloboch u lane nam.

Psalms 62:9

Girdi’ ni gubin e yad bod ba wuchuth i nifeng pi tolang nge pi sobut’ e ta’reb feni dariy rogorad ngabang. Yira thabthabel nagrad, ma dariy malngirad; yad bba’ud nga ba wuchuth i nifeng.

Psalms 64:6

Yad ma t’ar liyben e tin kireb me lungurad, “Ri bfel’ rogon ni kad ta’red liyben e re kireb ney.” Rriyul’ ni laniyan’ nge tafnay rok e girdi’ e dab nnang fan.

Proverbs 12:20

Pi’in yad ma t’arliben e kireb e yad ra gin ko kireb, machane pi’in yad ma maruweliy e fel’ e yad ra pir’eg e felfelan’.

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

Proverbs 26:23

Thin ni de yul’yul ni be mithag e tin nriyul’ ni bay u lanin’um e bod e ma’achaw u dow ba thib’ ni be mithag e tha’al riy.

Ezekiel 17:9

“Ere I Gag SOMOL ni Th’abi Tolang e gu fith ni lungug: Gur ra ke grape ney e ra par nge tugul? Gur bin som’on e arche’ ni eagle e dabi pug nge machwo’ lik’ngin, me nguduy wom’ngin, me tet’ar papa’ngin nge pag nge mroray? Gathi rbu’uw gelngin be’ ara ba nam nra pug.

Daniel 10:1

U lan e bin ba’aram e duw ni gaman e dalip ngay ni Cyrus e pilung nu Persia, me yib i gagyel ba thin ngak Daniel ni ku yima pining Belteshazzar ngak. Re thin nem e rib riyul’ machane rib mo’maw’ ni ngan nang fan. Ma aram mi ni piliyeg e changar rok nge nang fan.

Daniel 11:28

Pilung nu Syria e bayi sul nga tafen nike fek urngin e chugum ni fek u fithik’ e mael, ma ke duwgiliy u wan’ ni nge kirebnag fare m’ag nib thothup ni bay u thilin Got nge tirok Got e girdi’. Bayi rin’ e tin ba’adag nge mu’ me sul ko nam rok.

Daniel 11:29

“Ma bayi munmun miki sul bayay nge m’ag e mael ngak yu Egypt, machane dabiyag ni nge bod fa yanem.

Daniel 11:35

Ma boch fapi tayugang’ ni yad ba llowan’ e bay nthang e pogofan rorad. Machane girdi’ e bay ra machalboggad ni bochan e ran’ey. Arrogon ni bay i par i yan ngaram nge mada’ ko tomur, ni aram e ngiyal’ nike duwgiliy Got.

Daniel 11:40

“Nap’an nra ganowrug u puluwon fare pilung nu Syria, me cham e pilung nu Egypt ngak, ma fare pilung nu Syria bayi cham ngak nike musmus gelngin, ni bayi maruwel ko chariot rok, nge pi os, nge barkow ni pire’. Bayi mael nga bo’or e nam ni gowa’ lul’ ni sugbur.

Daniel 8:17

Me yib Gabriel i sak’iy nga chereg, me yib e marus ngog nib gel nggu thig nga but’. Me ga’ar ngog, “Fak e girdi’, ngam nang fan e tin kam guy, ya be yip’ fan e pin’en bay yib ko tomuren e fayleng.”

Daniel 8:19

me ga’ar, “Nggu dag ngom wenegan e damumuw rok Got ni bay yib. Tin kam guy e be yip’ fan e ngiyal’ ni ba’aram ko tungun.

Habakkuk 2:3

Mu yoloy, ya dawori taw nga nap’an ni nge yib i m’ug. Machane ngal’an e be yib nib machreg, ma n’en kugog ngom e bay yib i m’ug. Bay mu leamnag nib sowath ni be yib, machane ngam sonnag; ya ra yib i m’ug ko ngiyal’ ni kug turguy, ma dabi sowath.

Acts 1:7

Me ga’ar Jesus ngorad, “Ngal’an nge pi rran e ke duwgiliy e Chitamag u daken mat’wun, ma dariy rogon ni ngam nanged.

Acts 17:31

Ya ke turguy reb e rran ni ir e nge pufthinnag riy e fayleng ni polo’ nrogon nib mat’aw, ni nge rin’ u daken be’ nib mo’on ni ir e ke duwgiliy; nike dag e mich ko re bugithin ney ngak urngin e girdi’, ni fan e ke faseg e re mo’on nem ko yam’!”

1 Thessalonika 5:1

Pi walageg ni girdi’en Kristus, dakuriy rogon ni nggu yoloy nggu pi’ ngomed murung’agen nap’an nge ngiyal’ i n’en ni bay yib i m’ug e pin’ey riy.