Daniel 11:24 - Bible Ni Thothup

²⁴ Bayi m’ag e mael nga bangi nug ni bfel’ rogon e girdi’ riy ma yad be par u fithik’ e gapas, ngi i rin’ bogi ban’en ntin ni kakrom e pi chitamngin ma de rin’ bagayad. Chugum nge binaw nike kol ko mael e bayi wereg u pa’ e girdi’ nib fol ngak. Ma bay i leamnag rogon ngi i m’ag e mael ko yungi n’en ni ka ni yororiy ni fan ko mael, machane ba ngoch nap’an.

Daniel 11:24 Σταυροειδείς Αναφορές

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

Proverbs 17:8

Boch e girdi’ e ma leamnag ni yira pi’ puluwon e sasalap ni nge rin’ be’ ngeb fal’ngin ngorad, mra yib mangin ni bod e maang’ang; ma bmichuwan’rad ni demturug ban’en ma rayag riy.

Proverbs 19:6

Gubin e girdi’ nma guy rogon ni ngar fel’gad u wan’ e pi’in tolang; ma gubin e girdi’ nma yog ni yad tafager e pi’in yad ma pi’ ban’en nib puf pa’rad ngay.

Proverbs 23:7

Be ga’ar, “Mmoy ngki yag boch ngom,” machane gathi aram rogon ni be leamnag. N’en ni be leamnag e ire bin riyul’ i ir.

Ezekiel 34:14

Bay gu gagiyeg nagrad ngu’ur ked e pan ko yungi n’en ni bay e pan riy u daken e pi burey ngu lan e pi loway ndabi buch ban’en rorad, ngu urngin yang ni bay e pan riy nib galunglung u lan e nam nu Israel.

Ezekiel 38:10

Irera’ e n’en ni be yog SOMOL ni Th’abi Tolang ngak Gog: “Nap’an nrataw ko ngiyal’ i n’em ma bay mu tabab i tanomnag e kireb.

Daniel 11:23

Bay i ngongliy e m’ag u thilrad yugu boch e nam ni aram e be ban nagrad, ma bay i gel i yan, ni yugu aram rogon ni ba nam nib achig e be gagiyegnag.

Daniel 7:25

Bayi welthin nib togopluw ku Got ni Ir e Th’abi Tolang me gafgownag e girdi’ rok Got. Ya bayi guy rogon ni nge thiliyeg e pi motochiyel rorad nge pi madnom ni yad ma madnomnag, ma bayi par e girdi’ rok Got u tan gelngin ni dalip nge baley e duw.

Numbers 13:20

Mi gimed guy rogon ngam nanged ko ba yong’ol e but’ riy ma ba sug ko gek’iy fa danga’. Mi gimed athamgil ngam feked i yib ngaray boch e wom’ngin e gek’iy ko re nam nem.” (Ngiyal’ i n’em e ke el wom’ngin e grape.)

Matthew 9:4

Me nang Jesus e n’en ni yad be leamnag me ga’ar ngorad, “Mang ni gimed be leamnag e pin’en ni be’er nib kireb ni gimed be leamnag?

Judges 9:4

Miyad pi’ medlip i ragag yang e silber ngak ni salpiy ko tempel rok Baal-ko-M’ag, ni fare Baal-ko-M’ag; me fek fare salpiy nge pi’ puluwon boch e girdi’ nib m’ay farad ma yad ba kireb ni ngar uned ngak.